វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2494 នាក់
ម្សិលមិញ 5544 នាក់
សរុប 13943591 នាក់
ប្រទេសឥណ្ឌា៖បើទោះបីរងគំនាបពីបណ្តាប្រទេសលោកខាងលិច ឲ្យចូលរួមដាក់ទណ្ឌកម្មរុស្ស៊ីដោយឈប់ទិញប្រេងពីរុស្ស៊ីក្តី ក៏ប៉ុន្តែភាគីឥណ្ឌាមិនស្តាប់បានប្រកាសថា «ប្រេងរុស្ស៊ីតម្លៃថោក ល្ងង់អីមិនទិញ។
លោកស្រី Nirmala Sitharaman រដ្ឋមន្ត្រីក្រសួងហិរញ្ញវត្ថុឥណ្ឌា កាលពីថ្ងៃទី ១ខែមេសាបានប្រកាសថា ឥណ្ឌាបន្តទិញប្រេងពីរុស្ស៊ីក្នុងតម្លៃថោក ដើម្បីផលប្រយោជន៍ជាតិ។សារព័ត៌មាន Times of India ផ្សាយថារដ្ឋមន្ត្រីក្រសួងហិរញ្ញវត្ថុឥណ្ឌាដែលបានបានប្រកឋសឲ្យដឹងថា នៅថ្ងៃទី ១ខែមេសា «ឥណ្ឌាចាប់ផ្តើមទិញប្រេងពីរុស្ស៊ី។ យើងទទួលបានប្រេងជាច្រើន ហើយចំនួននោះអាចបម្រើដល់ពលរដ្ឋបាន៣-៤ថ្ងៃ។ យើងនឹងបន្តទិញប្រេងរបស់រុស្ស៊ីឱ្យកាន់តែច្រើនដើម្បីផលប្រយោជន៍ជាតិ»។
បណ្តារោងចក្រចម្រាញ់ប្រេងរបស់ឥណ្ឌាបានបង្កើនការទិញប្រេងពីរុស្ស៊ីក្នុងតម្លៃថោក ដោយការទិញកើនឡើងពីរដង ។ រដ្ឋមន្ត្រីក្រសួងថាមពលឥណ្ឌា លោក Hardeep Singh Puri បានប្រកាសថា ឥណ្ឌាបានចុះកិច្ចព្រមព្រៀងទិញប្រេងឆៅពីប្រទេសរុស្ស៊ីទ្រង់ទ្រាយធំ។កន្លងមកសារព័ត៌មាន Bloomberg នៅថ្ងៃទី៣១ខែមីនាបានប្រកាសថា ឥណ្ឌាបានទិញប្រេងពីរុស្ស៊ីក្នុងតម្លៃតែ៣៥ដុល្លារប៉ុណ្ណោះក្នុងមួយបារ៉ែល គឺជាតម្លៃថោកបំផុតមិនធ្លាប់មាន ។
សម្រាប់អាមេរិកវិញលោក បៃដិនប្រធានាធិបតីអាមេរិក បាននិយាយក្នុងអំឡុងសុន្ទរកថារបស់លោកពីសេតវិមានកាលពីថ្ងៃសុក្រថា “ប្រទេសជាង ៣០ មកពីជុំវិញពិភពលោកបានកោះប្រជុំវិសាមញ្ញមួយ ហើយបានយល់ព្រមលើការបញ្ចេញប្រេងរាប់សិបលានបារ៉ែលបន្ថែមលើទីផ្សារ” ។
កាលពីថ្ងៃព្រហស្បតិ៍ សេតវិមានបានប្រកាសថា សហរដ្ឋអាមេរិកនឹងចាប់ផ្តើមបញ្ចេញប្រេង ១ លានបារ៉ែលក្នុងមួយថ្ងៃពីស្តុកប្រេងយុទ្ធសាស្ត្រ ក្នុងគោលបំណងធ្វើឲ្យតម្លៃឧស្ម័នធ្លាក់ចុះ ។
យោងតាមលោក បៃដិន បានឲ្យដឹងថា ក្រុមហ៊ុនខួងយកប្រេងរបស់សហរដ្ឋអាមេរិកបានព្រងើយកន្តើយនឹងវិបត្តិថាមពល ដើម្បីរកប្រាក់ចំណេញដោយមិនចាំបាច់វិនិយោគ ។កាលពីថ្ងៃទី ៨ ខែមីនា លោក បៃដិន បានប្រកាសថា សហរដ្ឋអាមេរិកនឹងធ្វើពហិការការនាំចូលថាមពលពីរុស្ស៊ីជុំវិញប្រតិបត្តិការយោធាពិសេសរបស់ខ្លួនក្នុងប្រទេសអ៊ុយក្រែន ដោយធ្វើឲ្យតម្លៃប្រេងឡើងថ្លៃបន្ថែមទៀត ។សូមបញ្ជាក់ថាប្រទេសនៅអឺរ៉ុបបានបដិសេធមិនទិញប្រេងពីប្រទេសរុស្ស៊ីដោយតម្រូវឲ្យបង់ប្រាក់រូប្លតាមបទបញ្ជារបស់លោកពូទីនចាប់ពីថ្ងៃទី១មេសានោះឡើយ។