អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2037 នាក់

ម្សិលមិញ 1811 នាក់

សរុប 15649038 នាក់

អ៊ុយក្រែននៅតែមានទឹកមាត់លេបក្នុងជំនួយពីអាមេរិកសម្រាប់វាយបករុស្ស៊ី

07-November-2024 / ព័ត៌មានអន្តរជាតិ

អ៊ុយក្រែន៖ប្រធានាធិបតីអ៊ុយក្រែន លោក Volodymyr Zelensky បានបញ្ជាក់ថា គ្មានអ្វីធ្វើឱ្យចុះខ្សោយការប្តេជ្ញារបស់ប្រទេសជាតិនៅក្នុងសង្គ្រាមប្រឆាំងរុស្ស៊ីនោះឡើយបន្ទាប់ពីសភាអាមេរិកអនុម័តកញ្ចប់ថវិកាបណ្ដោះអាសន្នបញ្ចៀស Shutdown បានមួយថ្ងៃដោយមិនមាន បញ្ចូលជំនួយយោធាថ្មីសម្រាប់អ៊ុយក្រែននោះទេ។ a uy usa

ក្នុងសុន្ទរកថាជាសំឡេងមួយត្រូវបានថតទុក និងចេញផ្សាយកាលពីថ្ងៃអាទិត្យចុងសប្ដាហ៍កន្លងទៅនេះប្រធានាធិបតីអ៊ុយក្រែនរូបនេះក៏បានសង្កត់ធ្ងន់ផងដែរថាអ៊ុយក្រែននឹងបញ្ឈប់ការប្រយុទ្ធនៅថ្ងៃមួយដែលអ៊ុយក្រែនទទួលបានជ័យជម្នះ។ បើយោងតាមការ ចេញផ្សាយ របស់ RT ប្រធានាធិបតីអ៊ុយក្រែន លោកVladimir Zelensky បានប្រកាសថា អ៊ុយក្រែននឹង បង្កើតមូលនិធិការ ពារជាតិ ថ្មីមួយ ដែលរួមបញ្ចូលទាំងទ្រព្យ សម្បត្តិរបស់រុស្ស៊ី ដែលរឹបអូសបានក្នុង ចំណោមប្រភពហិរញ្ញប្បទាន ចម្បងរបស់ខ្លួន។លោក Zelensky បាននិយាយរឿងនេះកាលពីថ្ងៃសុក្រ នៅឯវេទិកាឧស្សាហកម្មការពារអន្តរជាតិ លើកដំបូង នៅក្នុងរដ្ឋធានីអ៊ុយក្រែនថា វិធានការនេះគឺ សំដៅផ្តល់អាជ្ញាធរក្នុងទីក្រុងគៀវនូវ ធនធានបន្ថែម ដើម្បីជំរុញផលិតកម្មយោធា បង្កើតកម្មវិធីការពារជាតិថ្មី និងគាំទ្រដល់ កងទ័ពរបស់ប្រទេស។

ទោះបីជាយ៉ាងណាក្តីមេដឹកនាំអ៊ុយក្រែន មិនបានបញ្ជាក់ថា តើគាត់កំពុងនិយាយអំពីមាស និងប្រាក់បម្រុង Forex ជិត៣០០ពាន់លានដុល្លាររបស់រុស្ស៊ី ដែលត្រូវបានបង្កក ដោយអ្នកគាំទ្រលោកខាងលិច របស់ប្រទេស ឬអំពីទ្រព្យសម្បត្តិ ដែលគ្រប់គ្រង ដោយរុស្ស៊ីនៅអ៊ុយក្រែន ដែលបានរឹបអូសបន្ទាប់ពី ការចាប់ផ្តើមប្រតិបត្តិការយោធា របស់ទីក្រុងម៉ូស្គូក្នុងខែកុម្ភៈ ២០២២នោះទេ ។កន្លងមករុស្ស៊ី បានពណ៌នាថាការបង្កកទ្រព្យសម្បត្តិ របស់ខ្លួននៅលោកខាងលិចថា ជាសកម្មភាពលួចប្លន់ហើយបើ យោងតាមលោក Dmitry Peskov អ្នកនាំពាក្យរបស់វិមានក្រឹមឡាំង ទាំងនេះគឺជា សកម្មភាពខុសច្បាប់ទាំងស្រុង ដែលផ្ទុយនឹងច្បាប់អន្តរជាតិ និងតំណាងឱ្យការទន្ទ្រាន ទាំងទ្រព្យសម្បត្តិរដ្ឋ និងឯកជន ដោយសហរដ្ឋអាមេរិក និងសម្ព័ន្ធមិត្តរបស់ខ្លួន ។

តែសម្រាប់ លោក Rustem Umerov រដ្ឋមន្ត្រីការពារជាតិអ៊ុយក្រែន វិញបានអះអាងក្នុងសេចក្ដីថ្លែងការណ៍មួយដាច់ដោយឡែកបង្ហោះលើបណ្ដាញទំនាក់ទំនងសង្គម Xថា លោកទទួលបានការធានាពីជំនួយយោធានៅពេលអនាគត នៅក្នុងកិច្ចសន្ទនាតាមទូរស័ព្ទជាមួយរដ្ឋមន្ត្រីការពារជាតិអាមេរិក Lloyd Austin។ «លោករដ្ឋមន្ត្រី Lloyd Austin បានធានាចំពោះខ្ញុំថា ការគាំទ្ររបស់សហរដ្ឋអាមេរិកសម្រាប់អ៊ុយក្រែន នឹងបន្តធ្វើឡើង ហើយថាអ្នកចម្បាំងអ៊ុយក្រែននឹងបន្តទទួលបានការគាំទ្រដ៏ខ្លាំងក្លានៅលើសមរភូមិ»។ ប្រធានាធិបតីអាមេរិក លោក ចូ បៃដិន ក៏ចេញមុខសន្យាដែរថា សហរដ្ឋអាមេរិកនឹងមិនបោះបង់ចោលអ៊ុយក្រែនឡើយ បើទោះជាកំពុងប្រឈមមុខនឹងវិបត្តិថវិកាសហព័ន្ធ ឬ Shutdown ក៏ដោយ។

សម្រាប់រឿងជួយអ៊ុយក្រេននេះដែរជំហរមន្ត្រីជាន់ខ្ពស់សភាជាតិអាមេរិក លោក Kevin McCarthy បាននិយាយនៅក្នុងបទ សម្ភាសន៍ជាមួយ CBS កាលពីថ្ងៃអាទិត្យថា ខណៈដែលគាត់នៅតែប្តេជ្ញា ជួយអ៊ុយក្រែន ពេញមួយជម្លោះជាមួយរុស្ស៊ី ការដោះស្រាយបញ្ហា សន្តិសុខព្រំដែន របស់សហរដ្ឋអាមេរិក គួរតែជាអាទិភាពធំជាង សម្រាប់សមាជិកសភា អាមេរិកផងដែរ។លោក McCarthy ដែលជាមន្ត្រីជាន់ខ្ពស់សភា និងបក្សសាធារណៈផងនោះបានថ្លែងការណ៍ នៅលើកញ្ចក់ទូរទស្សន៍ CBS ក្នុងកម្មវិធី The Face the Nation កាលពីថ្ងៃអាទិត្យថា ៖អាទិភាពសម្រាប់ខ្ញុំគឺអាមេរិក និងព្រំដែនរបស់យើង ។ ឥឡូវនេះ ខ្ញុំគាំទ្រក្នុងការធ្វើឱ្យប្រាកដថា អ៊ុយក្រែនមានអាវុធ ដែលពួកគេត្រូវការ ប៉ុន្តែទោះបីជាយ៉ាងណាខ្ញុំ នៅតែគាំទ្រយ៉ាងមុតមាំ ចំពោះបញ្ហាព្រំដែនអាមេរិក ដែលជារឿងត្រូវតែដោះស្រាយ ជាមុនសិន។

សេចក្តីថ្លែងការណ៍របស់លោកMcCarthy បានធ្វើឡើងតែប៉ុន្មានម៉ោងប៉ុណ្ណោះបន្ទាប់ពីកិច្ចព្រមព្រៀងថវិកានៅនាទីចុងក្រោយត្រូវបានសម្រេចដោយសភាកាលពីល្ងាចថ្ងៃសៅរ៍ ដើម្បីការពារអ្វីដែលនឹងក្លាយជាការអនុម័តដ៏មានតម្លៃ និងរំខានដល់រដ្ឋាភិបាលសហព័ន្ធអាមេរិកបំផុត។សភាតំណាងរាស្ត្រសហរដ្ឋអាម៉េរិក បានធើ្វការបោះឆ្នោតអនុម័តច្បាប់ថវិកាជាតិថ្មីមួយ កាលពីថ្ងៃសៅរ៍ ដោយមានការគាំទ្រភាគច្រើនពីក្រុមអ្នកនយោបាយរបស់គណបក្សប្រជាធិបតេយ្យនៅក្នុងលទ្ធផល ៣៣៥ ទល់នឹង ៩១សម្លេង បន្ទាប់ពីមន្ត្រីប្រធានសភាមកពីគណបក្សសាធារណរដ្ឋ លោក Kevin McCarthy ព្រមទម្លាក់ចោលការទាមទាររបស់ខ្លួនជុំវិញគម្រោងច្បាប់ថវិកាដែលមានបំណងធើ្វការរឹតត្បិតការចំណាយរបស់រដ្ឋាភិបាល។

គួរជម្រាបថា ការអនុម័តច្បាប់ថវិកាជាតិទាំងប្រញាប់ប្រញាលរបស់ក្រុមអ្នកតំណាងរាស្ត្រអាម៉េរិក ទំនងជាធើ្វឡើងដើម្បីបញ្ចៀសការកាត់បន្ថយចំនួនស្ថាប័នរបស់រដ្ឋាភិបាល ដែលធ្លាប់ជាការទាមទារមួយរបស់ក្រុមអ្នកនយោបាយពីគណបក្សសាធារណរដ្ឋ ដើម្បីកាត់បន្ថយការចំណាយរបស់រដ្ឋនៅស្របពេលដំណើរការសេដ្ឋកិច្ចរបស់អាម៉េរិកកំពុងតែមានបញ្ហា។គួរបញ្ជាក់ថា នៅក្នុងដំណើរការបោះឆ្នោតអនុម័តច្បាប់ថវិកាខាងលើនេះ ប្រធានសភាតំណាងរាស្ត្រពីគណបក្សសាធារណៈរដ្ឋ លោក McCarthy បានបោះបង់ចោលនូវលក្ខខណ្ឌពីដំបូងដោយក្រុមអ្នកនយោបាយរបស់លោក ដែលតម្រូវឱ្យមានសម្លេងគាំទ្រភាគច្រើនចេញពីអ្នកនយាបាយគណបក្សសាធារណរដ្ឋ ដើម្បីអាចឱ្យច្បាប់ថវិកាដំណើរការទៅបាន ប៉ុន្តែសកម្មភាពនេះអាចធើ្វឱ្យលោក ត្រូវប្រឈមនឹងការបាត់បង់ទំនុកចិត្តជាប្រធានសភាតំណាងរាស្ត្ររបស់គណបក្សសាធារណរដ្ឋពីសំណាក់ក្រុមអ្នកនយោបាយស្តាំនិយមមួយចំនួន ៕ a americ uy a uy us3