វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6985 នាក់
ម្សិលមិញ 8227 នាក់
សរុប 14133866 នាក់
អាល្លឺម៉ង់៖ អនុប្រធានាធិបតីអាមេរិក លោកម៉ៃប៉ែន( Mike Pence) បានបញ្ចុះបញ្ជូលស ហភាពអឺរ៉ុបឲ្យទទួលស្គាល់មេដឹកនាំបក្សប្រឆាំង លោក Juan Guaido ជាប្រធានាធិបតីស្ដីទីស្របច្បាប់របស់វេណេស៊ុយអេឡា ។
ទីភ្នាក់ងារសារព័ត៌មាន Reuters នៅថ្ងៃសៅរ៍ ទី១៦ ខែកុម្ភៈ ឆ្នាំ២០១៩។
នៅឯសន្និសីទសន្តិសុខរៀបចំឡើងក្នុងទីក្រុងមុយនិច ប្រទេសអាល្លឺម៉ង់ នៅថ្ងៃសៅរ៍នេះ លោក ម៉ៃប៉ែន(Pence) បាន និយាយថា៖ «លោក Guaido ដែលបានប្រកាសតែងតាំងខ្លួនឯងជាប្រធានាធិបតីវេណេស៊ុយអេឡាស្ដីទី បានទទួលការ គាំទ្រពីសហរដ្ឋអាមេរិក និងអន្តរជាតិដើម្បីជំនួសលោក នីកូឡាស់ ម៉ាឌូរ៉ូ ដែលជាជនផ្ដាច់ការម្នាក់ត្រូវតែចុះចេញពីតំណែង...ដូច្នេះ សហភាពអឺរ៉ុបគួរតែបោះជំហានឆ្ពោះទៅរកសេរីភាព និងទទួលស្គាល់លោក Guaido ជាប្រធានាធិបតីស្ដីទីស្របច្បាប់តែមួយគត់ របស់វេណេស៊ុយអេឡា»។
ទាក់ទង់និងយុទ្ធសាស្ត្រទម្លាក់លោកម៉ាល់ឌូរ៉ូចេញនេះដែរ មន្ត្រីសហរដ្ឋអាមេរិកមួយរូប បានអះអាងនៅថ្ងៃសុក្រសប្ដាហ៍នេះថា យន្តហោះយោធាសហរដ្ឋអាមេរិក នឹងដឹកបញ្ជូនជំនួយមនុស្សធម៌ជាង ២០០តោន ទៅកាន់ព្រំដែនវេណេហ្ស៊ូអេឡា ហើយការដឹកបញ្ជូននេះ ទំនងជានឹងធ្វើឡើង នៅថ្ងៃសៅរ៍សប្ដាហ៍នេះ។សូមបញ្ជាក់ថាអាជ្ញាធរវេណហ្សុយអេឡារបស់លោកម៉ាឌូរ៉ូបានយកឡានយោធាបិទស្ពានមួយនដែលតភ្ជាប់ប្រទេសកូឡំប៊ីចូលវេណហ្សុយអេឡាមិនឲ្យនាំជំនួយចូល។
គួរបញ្ជាក់ថា ប្រេសិតពិសេសស្តីពីប្រទេសវេណេហ្ស៊ូអេឡារបស់សហរដ្ឋអាមេរិក បាននិយាយកាលពីសប្ដាហ៍មុនថា កិច្ចប្រឹងប្រែងផ្តល់ជំនួយ ត្រូវបានធ្វើការសម្របសម្រួល ជាមួយក្រុមបក្សប្រឆាំង ប៉ុន្តែបានប្រាប់ផងដែរថា ជំនួយនោះនឹងមិនត្រូវបានបង្ខំឲ្យបញ្ជូនចូលទៅក្នុងប្រទេស វេណេហ្ស៊ូអេឡានោះទេ ៕
គួរជម្រាបថា បច្ចុប្បន្នក្រៅតែពីវិបត្តិសេដ្ឋកិច្ច វេណេស៊ុយអេឡាក៏កំពុងប្រឈមមុខផងដែរនឹងវិបត្តិមានប្រធានាធិបីតដល់ទៅ២នាក់ ដោយលោក Guaido ទទួលបានការគាំទ្រពីសហរដ្ឋអាមេរិក និងសម្ព័ន្ធមិត្តលោកខាងលិចរបស់ខ្លួន ខណៈលោកម៉ាឌូរ៉ូ នៅតែមាន ចិន និងរុស្ស៊ីជាខ្នងបង្អែកដ៏ធំ៕