វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2715 នាក់
ម្សិលមិញ 10264 នាក់
សរុប 14141897 នាក់
អង់គ្លេស៖ប្រជាជនអង់គ្លេសសម្តែងការមិនសប្បាយចិត្តចំពោះប្រធានាធិបតីអាមេរិក លោក ដូណាល់ ត្រាំ និងភរិយាដែលបង្ហាញភាពក្រអឹតគ្រទមចំពោះ ព្រះមហាក្សត្រីយ៍អង់គ្លេស អាលីហ្សាប៊ែតទីពីរ។
សារព័ត៌មានអង់គ្លេស Daily Mail នៅរសៀលថ្ងៃសៅរ៍ ទី១៤ ខែកក្កដា ឆ្នាំ២០១៨បានឲ្យដឹងថា៖អំឡុងនៃការចូលគាល់ម្ចាស់ក្សាត្រីយ៍អេលីហ្សាប៊ែត លោក ដូណាល់ ត្រាំ បានធ្វើរឿងខុសឆ្គងមួយចំនួនខាងពីធីការ ដែលផ្ទុយនឹងឋទំនៀមទំលាប់របស់រាជវង្សអង់គ្លេស។
លោកប្រធានាធិបតីអាមេរិកបានទុកឲ្យម្ចាស់ក្សត្រីយ៍ដែលមានព្រះជន្ម ៩២ព្រះវស្សាអង្គនេះ នៅឈររង់ចាំអស់រយៈពេលចន្លោះពី ១២នាទី ទៅ ១៥នាទី ក្រោមផ្ទៃមេឃដ៏ក្តៅ នៅពេលដែលរូបលោកបានមកយឺត នៅក្នុងការចូលគាល់នាថ្ងៃសុក្រសប្តាហ៍នេះ។លោក ដូណាល់ ត្រាំ បានប្រព្រឹត្តផ្ទុយពីទំនៀមទំលាប់រាជវង្សអង់គ្លេស តាមរយៈការមិនឱនគោរពដាក់ម្ចាស់ក្សត្រីយ៍ ហើយជំនួសវិញនូវការស្វាគមន៍រាក់ទាក់ តាមរយៈការចាប់ដៃដូចមេដឹកនាំធម្មតា។ ឯជំទាវទីមួយអាមេរិកលោកស្រី មេឡានា ក៏បានធ្វើដូចស្វាមីរបស់ខ្លួនផងដែរ ខណៈកាយវិការត្រឹមត្រូវដែលលោកស្រីត្រូវធ្វើ គឺការបន្ទន់ជង្គង់គោរព ។
ឯរឿងដ៏ឆ្គងបំផុតនោះ គឺមេដឹកនាំអាមេរិករូបនេះ បានបែរខ្នងដាក់ម្ចាស់ក្សត្រីយ៍ អេលីហ្សាប៊ែត ហើយបោះជំហានដើរទៅមុនម្ចាស់ក្សត្រីយ៍អង់គ្លេស ស្របពេលដែលអ្នកទាំងពីរ ដើរឆ្លងកាត់ពីខាងមុខកងកិត្តិយស។សូមបញ្ជាក់ដែរថាមុនជួបនាយករដ្ឋមន្ត្រីអង់គ្លេសលោកស្រីតេរ៉េសាម៉េលោកត្រាំបាន រិះគន់យ៉ាងខ្លាំងករណីយ៍ដែលអង់គ្លេសដើរចេញពីសហភាពអ៉ឺរ៉ុប ។ នៅក្នុងបទសម្ភាសន៍ ឲ្យកាសែតអង់គ្លេស The Sun ប្រធានាធិបតី អាមេរិក លោកដូណាល់ ត្រាំបានវាយប្រហារ រិះគន់ រដ្ឋាភិបាលអង់គ្លេស និងថា ផែនការដើចេញពីអឺរ៉ូប(Brexit) ដែលរដ្ឋាភិបាលអង់គ្លេស ដាក់ទៅសហភាព អឺរ៉ុប នឹងអាចសម្លាប់ កិច្ចព្រមព្រៀងពាណិជ្ជកម្មអាមេរិក និងអង់គ្លេស។សម្រាប់ប្រធានាធិបតីអាមេរិកាំង បើសិនអង់គ្លេស នៅតែរក្សា ផែនការ Brexit នោះអាមេរិកនឹងមិនអាចចុះកិច្ចព្រមព្រៀងពាណិជ្ជកម្មជាមួយអង់គ្លេសបានទេ។
លោក ត្រាំ និងភរិយាបានឡើងយន្តហោះចាកចេញពីអង់គ្លេសហើយ ដើម្បីបន្តដំណើរទស្សនកិច្ចឆ្ពោះទៅកាន់ប្រទេសស្កុនឡែនថែមទៀត៕