វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 499 នាក់
ម្សិលមិញ 10264 នាក់
សរុប 14139681 នាក់
ភ្នំពេញលោក គួច ចំរើន ( Kuoch Chamroeun) កើតនៅថ្ងៃទី៤ ខែវិច្ឆិកា ឆ្នាំ១៩៧២ នៅភូមិតាពរ័លើ ឃុំពង្រក្រោម ស្រុកជីក្រែង ខេត្តសៀមរាប។
ចាប់ពីក្រោយថ្ងៃរំដោះថ្ងៃ៧មករាឆ្នាំ១៩៧៩ លោកគួច ចំរើន ចូលរៀនថ្នាក់ដំបូងក្រោមផ្ទះមួយនៅក្នុងភូមិត្រាចថ្មី ឃុំកំពង់ក្តី ស្រុកជីក្រែង ខេត្តសៀមរាប បន្ទាប់មក បានទៅរៀននៅសាលាគំរូកំពង់ក្តីនិងបញ្ចប់សាលាចំណេះដឹងទូទៅនៅសាលា១០មករាសៀមរាបនៅ ឆ្នាំ១៩៨៩។
នៅឆ្នាំ១៩៩០ លោក បានចូលរៀននៅមហាវិទ្យាលយ័បច្ចេកទេសកងទព័ ប្រទេសវៀតណាម ក្រោយមកនៅថ្ងៃ២៨ខែមីនាឆ្នាំ១៩៩៣ បានសិក្សាបន្តនៅមហាវិទ្យាលយ័និតិសាស្ត្រ និងវិទ្យាសាស្ត្រសេដ្ឋកិច្ច ដែលបញ្ចប់នៅថ្ងៃទី២២ខែកក្កដាឆ្នាំ១៩៩៧ ដោយទទួលបានបរិញ្ញាប័ត្រវិទ្យាសាស្ត្រសេដ្ឋកិច្ច ។ នៅថ្ងៃទី០១ខែតុលាឆ្នាំ២០០៤ បានចូលសិក្សានៅសាកលវិទ្យាលយ័និតិសាស្ត្រនិងវិទ្យាសាស្ត្រសេដ្ឋកិច្ចទទួលបានបរិញ្ញាបត្រ័ជាន់ខ្ពស់រដ្ឋបាលសាធារណៈនៅថ្ងៃទី០១ខែសីហាឆ្នាំ២០០៧។
លោក គួច ចំរើន អាចប្រើប្រាស់បាននូវភាសាអង់គ្លេសនិងវៀតណាម។ ក្រៅពីការសិក្សានៅតាមមហាវិទ្យាលយ័ និងសាកលវិទ្យាលយ័ លោកក៏បានទទួលការបណ្តុះបណ្តាលនិងវគ្គសិក្សាខ្លីៗ កម្រិតវិញ្ញាបនប័ត្រ ពីអង្គការJICAលើការគ្រប់គ្រងរដ្ឋបាលមូលដ្ឋាននៅប្រទេសជប៉ុន ឆ្នាំ២០០០ ពីក្រសួងរៀបចំដែនដីនគរូបនីយកម្ម និងសំណង់លើផ្នែកច្បាប់ភូមិបាល ,ពីវិទ្យាស្ថានខ្មែរសម្រាប់សហប្រតិបត្តិការនិងសន្តិភាពលើផ្នែកហ្វឹកហ្វឺនទំនាក់ទំនងអន្តរជាតិ ពីវិទ្យាស្ថានកម្ពុជាដើម្បីសិទ្ធិមនុស្សលើការងាររដ្ឋបាលសម្រាប់មន្ត្រីខេត្តក្រុង ពី UNIVERSITY OF SANFRANCISCO លើច្បាប់បោះឆ្នោត,ពីវិទ្យាស្ថានកម្ពុជាដើម្បីសិទ្ធិមនុស្សលើផ្នែកអភិបាលកិច្ចល្អ និងទទួលបានវិញ្ញាបនបត្រ័ពីសាលាក្រុងភ្នំពេញលើការងាររដ្ឋបាល។
លោកគួច ចំរើន ចូលបម្រើការងារជាកងទព័ នៅខេត្តសៀមរាបនា១៩៨៩ទេ។ នៅថ្ងៃទី១៥កញ្ញាឆ្នាំ១៩៨៩ ត្រូវបានអង្គភាពបញ្ជូនទៅរៀននៅសាលាវប្បធម៌កងទព័ស្វាយរលំ ខេត្តកណ្តាល។ ពីឆ្នាំ១៩៩០ដល់ថ្ងៃទី២៨មីនាឆ្នាំ១៩៩១ មានតួនាទីជាប្រធានខ នៅសាលាវប្បធម៌កងទព័។
លោកគួចចំរើន ទៅបន្តការសិក្សានៅមហាវិទ្យាល័យបច្ចេកទេសកងទ័ពប្រទេសវៀតណាម រយៈពេលមួយឆ្នាំ(១៩៩០)។បន្ទាប់ពីមានកិច្ចព្រមព្រៀងសន្តិភាពទីក្រុងប៉ារីស កងទព័ដែលបានបញ្ជូនទៅរៀននៅបរទេសទាំងអស់ត្រូវបានក្រសួងការពារជាតិហៅអោយត្រឡប់ចូលមកស្រុកវិញនៅឆ្នាំ១៩៩១។
លោកគួច ចំរើនបានចូលទៅនៅអង្គភាពង៧០(ដេអិន)និង បានស្នាក់នៅបណ្តោះអាសន្នមួយរយៈពេលខ្លី នៅសាលាយោធាឬស្សីកែវហើយបានបន្តទៅនៅក្នុងកងពលលេខ៧ (ឧត្តង្គ) រហូតដល់ថ្ងៃទី២៨ខែមីនាឆ្នាំ១៩៩៣ បានផ្ទេរទៅរៀននៅសាលាសេដ្ឋកិច្ចដល់ចប់ ហើយក៏ផ្ទេរក្របខណ្ឌចេញពីក្រសួងការពារជាតិទៅក្រសួងមហាផ្ទៃ និងមកបម្រើការងារនៅសាលាក្រុងភ្នំពេញ។
ពីឆ្នាំ១៩៩៨ដល់ខែកក្កដាឆ្នាំ១៩៩៩ លោកគួច ចំរើនជាបុគ្គលិកចាត់តាំងសាលាខណ្ឌចំការមន រាជធានីភ្នំពេញ។ ពីថ្ងៃទី១៣ខែកក្កដាឆ្នាំ១៩៩៩ដល់ថ្ងៃទី២៣ខែកក្កដាឆ្នាំ២០០៤ ជាអភិបាលរងខណ្ឌចំការមន។ពីថ្ងៃទី២៣ខែកក្កដាឆ្នាំ២០០៤ដល់ថ្ងៃទី១៦ខែឧសភាឆ្នាំ២០១៤ ជាអភិបាលខណ្ឌមានជយ័ ។ពីថ្ងៃទី១៦ខែឧសភាឆ្នាំ២០១៤ដល់ថ្ងៃទី៦ខែធ្នូឆ្នាំ២០១៦ ជាអភិបាលខណ្ឌដូនពេញ។ពីថ្ងៃទី០១ខែធ្នូឆ្នាំ ២០១៦ដល់ថ្ងៃទី១៦ខែមិថុនាឆ្នាំ២០១៧ ជាអគ្គនាយករងរដ្ឋបាលក្រសួងមហាផ្ទៃហើយនឹងបច្ចុប្បន្ន ជាអភិបាល នៃគណៈអភិបាលខេត្តកំពង់ចាម។
លោកគួចចំរើនមានរហស័នាមតាមវិទ្យុទាក់ទងប៉េ៥(P5)។ លោកគួច ចំរើន បានដំណាលពិលូមហេតុថា៖ក្រោយការបោះឆ្នោតឆ្នាំ១៩៩៣ ដែលរៀបចំឡើងដោយ UNTAC នៅភ្នំពេញមានចលនាយុវជនជាច្រើនក្រុមបម្រើអោយគណបក្សនយោបាយផ្សេងៗគ្នា។ លោកគួចចំរើនរួមជាមួយនឹងមេដឹកនាំនិស្សិតតាមបណ្តាគ្រឹះស្ថានឧត្តមសិក្សានានាចំនួន២២នាក់សម្រេចចូលរួមក្នុងក្រុមយុវជនបក្សប្រជាជនកម្ពុជា ។
នៅឆ្នាំ១៩៩៥ កាលនោះសម្តេចជានាយករដ្ឋមន្ត្រីទី២បានអនុញ្ញាតអោយក្រុមនិស្សិតដែលមានគ្នាចំនួន២២នាក់ ចូលជួបសំណេះសំណាលនៅភូមិគ្រឹះវិមានឯករាជ្យ។ សម្តេចបានប្រសិទ្ធិនាមក្រុមនិស្សិតនេះថាជាក្រុម២២ ។ សម្តេចបានប្រគល់ក្រុមនេះអោយទៅគណបក្សប្រជាជនកម្ពុជារាជធានីភ្នំពេញ ដែលមានឯកឧត្តមជា សុផារ៉ា អភិបាលរងទី១នៃរាជធានីភ្នំពេញដែលមានរហស្ស័នាមថាK5ជាអ្នកដឹកនាំនិងគ្រប់គ្រង។
ដើម្បីងាយស្រួលធ្វើការទំនាក់ទំនងគ្នាតាមវិទ្យុទាក់ទង ក្រុមយុវជន២២ក៏បានដាក់រហស័នាមអោយគ្រប់គ្នា ដោយអក្សរប៉េគឺចាប់ពីប៉េ១ឡើងដោយលោកគួចចំរើនមានរហស័នាមប៉េ៥ ឯលោកឃួងស្រេងអភិបាលរាជធានីរហស្ស័នាមប៉េ៧ ។
លោក គួច ចំរើន មានភរិយាឈ្មោះ អ៊ូ ធីតាពៅ កើតថ្ងៃទី២៤ខែមេសាឆ្នាំ១៩៨៤ មានមុខរបរជាមេធាវី ស្នាក់នៅផ្ទះលេ១៤ ផ្លូវលេខ៤៤៦ ភូមិ៥សង្កាត់ទួលទំពូងខណ្ឌចំការមន រាជធានីភ្នំពេញ។មានកូនប្រុសបីនាក់ ឈ្មោះគួច ចំរើនរដ្ឋ , គួច ចំរើនជាតិ និង គួចចំរើនភព អ្នកទាំងបីកំពុងសិក្សា។
លោកគួច ចំរើន មានឪពុកបង្កើតឈ្មោះ គួច ណាំហេង ដែលបានទទួលមរណកាលក្នុងរបបប៉ុលពត ។ មានម្តាយបង្កើតឈ្មោះសុខ ឈាង កើតនៅថ្ងៃទី១ខែមករាឆ្នាំ១៩៤៤ នៅភូមិត្នោត ឃុំកំពង់ចិន ស្រុកស្ទោង ខេត្តកំពង់ធំ បច្ចុប្បន្នរស់នៅរាជធានីភ្នំពេញ។
លោកគួច ចំរើន ជាកូនទី៤ នៃបងប្អូនទាំង៥នាក់។កាលក្នុងរបបប៉ុលពតលោកគួច ចំរើន ស្ថិតក្នុងវយ័កុមារភាពនៅឡើយដោយរស់នៅភូមិតាពរ័លើ ឃុំពង្រក្រោមដែលជាទីកំណើតរបស់លោករហូតដល់ឆ្នាំ១៩៧៨ ទើបគេចាប់ផ្តើមប្រើអោយជួយធ្វើការងារដូចជាកុមារដទៃទៀតដែរ។