» អ្នកលេង​គុន​ខ្មែរ ព្រំ សំណាង ផ្ដួល​ជើង​ខ្លាំងរ​អង់គ្លេស Thomas លើស​ង្វៀន Thai Fight ទឹក​ទី​១ » ចិន​ប្រតិកម្ម​បន្ទាប់ពី​អាមេរិក​បាញ់​ទម្លាក់​បាល់​ឡុង​ហោះ​ » ឃើញ​ខាង​ស្រី​ឲ្យ​ដៃ​នាំគ្នា​ចូល​បន្ទប់​បី​ថ្ងៃ​បាន​២៣​ដង​ត្រូវ​ប៉ូលិស​វ៉ៃខ្នោះ​ » បុរស​ម្នាក់​សម្លាប់​ស្រី​ស្នេហ៍​បើកឡាន​ទម្លាក់​ទឹក​ហើយ​ឡើង​ចងក​ធ្វើអត្តឃាត​ចោល​ប្រពន្ធ​និង​កូន​ » ធនាគារជាតិ និង​នគរបាលជាតិ ប្រកាស​ចាត់វិធានការ​តឹងរ៉ឹង​តាមផ្លូវ​ច្បាប់ ដល់​ការផ្តល់​ឥណទាន​ខុសច្បាប់​បន្ទាប់ពី​មានការ​រអ៊ូ​ពី​សហជីព​ » ឈ្មួញ​ជីកដី​ស្រះ​បុរាណ​មួយ​នៅ​សៀមរាប​ជម្រៅ​ជាង​១០​ម៉ែត្រ​អាជ្ញាធរ​ឆ្លើយ​ឡេ​ម​ឡំ​ធើ​មិនដឹង​? » រុស្ស៊ី​កំពុង​រៀបចំ​ប្រតិបត្តិការ​សឹក​ថ្មី​មួយ​ដើម្បី​រំលឹក​ដល់​ថ្ងៃ​នៃ​ការចាប់ផ្តើម​សង្គ្រាម​និង​គម្រាម​អ៊ីស្រាអែល​បើ​ហ៊ាន​ជួយ​អ៊ុយ​ក្រែ​ន » ឧបនាយករដ្ឋមន្ត្រីប្រាក់​សុខុន​៖​គោល​យោ​បាយ​ការបរទេស​កម្ពុជា​គឺ​ឯករាជ្យ​និង​ផ្អែកលើ​ច្បាប់​ » បញ្ជូន​អតីត​មេដឹកនាំ​ខ្មែរក្រហម​ដែល​នៅសល់តែ​ម្នាក់​ទៅ​ដាក់គុក​នៅ​ខេត្តកណ្តាល​ » បាត់​មុខ​មួយរយៈ​ធំ​ពី​ធី​ការ​រិ​នី​ឌួង​ហ្សូ​លីដា​បង្ហាញ​ភាព​ក្រអឺតក្រទម​បង្ក​ឲ្យ​មានកា​រិះគន់​ពី​អ្នកលេង​បណ្តាញ​សង្គម​ » រុស្ស៊ី​ចង់​ជម្រុញ​ទំនាក់ទំនង​ជាមួយ​ចិន​ឡើងដល់​ក្រឹ​ត​កម្ពស់​ថ្មីកម្មពីលោកខាងលិច » ក្រសួងកសិកម្ម ចុះ​កំណត់​ទីតាំង និង​ឧបករណ៍​នេសាទ​លៀស​ក្នុង​ខេត្តកំពង់ឆ្នាំង​ » បង្ក្រាបបាន​ក្រុមចោរ​៣​នាក់ ពេល​កំពុង​លួច​ត្រង់​ស្វ័​រ​អគ្គីសនី​របស់​រដ្ឋ នៅ​ឃុំ​បិត​ត្រាំ​ង ស្រុក​ព្រៃនប់ ខេត្ត​ព្រះសីហនុ​ » ក្មេងប្រុស​កម្ពុជា​ដែល​ទទួល​ការវះកាត់​បេះដូង​នៅ​កូរ៉េ​ទទួលបាន​កិត្តិយស​ចូលមក​កាន់​ការិយាល័យ​ប្រធានាធិបតី​ » រដ្ឋមន្ត្រី​សុខាភិបាល ស្នើ​ឲ្យ​ចាត់វិធានការ​ចំពោះ​រថយន្ដ​គិលានសង្គ្រោះ​ដែល​ឈរជើង​ប្រចាំការ​តាម​ដងផ្លូវ​គ្មាន​ការអនុញ្ញាត​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4423 នាក់

ម្សិលមិញ 3845 នាក់

សរុប 12122102 នាក់

ក្តៅៗ​ក្រសួងការពារជាតិ​ថា ចេតនា​អនុព័ន្ធយោធា​អាមេរិក​ចុះទៅ​កាន់​តំបន់​រាម «​មិនមែន​ដើម្បី​អស់​មន្ទិលសង្ស័យ​អំពី​មូលដ្ឋានទ័ព​ចិន​» ឡើយ !?

 

​ភ្នំពេញ​៖ នៅ​ថ្ងៃទី​១១ ខែមិថុនា ឆ្នាំ​២០២១​នេះ​ប្រតិភូ​យោធា​អាមេរិក​ដឹកនាំ​ដោយ​លោក​វរសេនីយឯក Marcus M. Ferrara អនុព័ន្ធយោធា​អាមេរិក ប្រចាំ​នៅ​កម្ពុជា បាន​ចុះ​ពិនិត្យមើល​មូលដ្ឋាន​កងទ័ពជើងទឹក​រាម នៅ​ខេត្ត​ព្រះសីហនុ បន្ទាប់ពី​មានការ​អនុញ្ញាត​ពី​រាជរដ្ឋាភិបាល​កម្ពុជា​។a army ream1

​តែ​បន្ទាប់ពី​បញ្ចប់​ទស្សនកិច្ច ស្ថានទូត​អាមេរិក​ប្រចាំ​នៅ​កម្ពុជា បានចេញ​សេចក្តីថ្លែងការណ៍​មួយ​តាម​បណ្តាញ​សង្គម​ថា កម្ពុជា​មិន​អនុញ្ញាតឱ្យ​យោធា​អាមេរិក ចូលទៅ​កាន់​គ្រប់កន្លែង​នោះទេ​។ «​នៅក្នុងពេល​ទស្សនកិច្ច​ដ៏​ខ្លី​នោះ មន្ត្រី​យោធា​កម្ពុជា​មិនបាន​អនុញ្ញាត​ឲ្យ​លោក​អនុព័ន្ធយោធា ទៅ​មើល​គ្រប់កន្លែង នៅក្នុង​មូលដ្ឋាន​កងទ័ពជើងទឹក​នោះទេ​»​។

ស្ថានទូត​អាមេរិក​ប្រចាំ​កម្ពុជា​បញ្ជាក់ទៀតថា នៅពេល​ដឹង​ច្បាស់​ថា លោក​មិនត្រូវ​បានអនុញ្ញាត​ឲ្យ​ចូល​មើល​បាន​អស់ លោក​វរសេនីយឯក Ferrara បានបញ្ចប់​ការដើរ​មើល ហើយ​បាន​ស្នើសុំ​ឲ្យ​មន្ត្រី​យោធា​កម្ពុជា​កំណត់ពេល​ទស្សនកិច្ច​ឡើង​វិញ ដោយ​អនុញ្ញាត​ឲ្យ​មាន​ការដើរ​មើល​គ្រប់កន្លែង នៅក្នុងពេល​ខាងមុខ​ឲ្យ​បាន​ឆាប់​បំផុត​។​​ស្ថានទូត​សហរដ្ឋអាមេរិក សង្កត់ធ្ងន់ថា ទស្សនកិច្ច​ជាធម្មតា និង​ញឹកញាប់ របស់​អនុព័ន្ធយោធា​របស់​សហ​រដ្ឋ​អាមេរិក និង​អនុព័ន្ធយោធា​បរទេស​ដ​ទៃទៀត នៅ​មូលដ្ឋាន​កងទ័ពជើងទឹក​រាម អាចជា​ជំហាន​មួយ​យ៉ាងសំខាន់ ឆ្ពោះទៅរក​តម្លាភាព និង​ការទុកចិត្ត​គ្នា​ទៅវិញទៅមក​បាន​ច្រើន ។​

​ឆ្លើយតប​សេចក្តីប្រកាស​នេះ នាយ​ឧ​ត្ត​ម​សេនីយ៍ ណឹ​ម សុវត្ថិ បានបញ្ជាក់​យ៉ាងច្បាស់​ថា ក្រុមការងារ​បាន​អនុវត្ត​ពេញលេញ​ណាស់​ជាមួយ​បទបញ្ជា​ថ្នាក់លើ ក្នុង​ការទទួល​អនុព័ន្ធ​យោធា​អាមេរិក​តាម​បច្ចេកទេស​។ លោក​បញ្ជាក់​យ៉ាង​ដូច្នេះ​ថា​៖ «​អ្វីដែល​យើង​ឃើញ​ព័ត៌មាន​ចេញពី​ស្ថានទូត គឺ​ប្រាសចាក​ពី​ភាពជាក់ស្តែង និង​ការពិត​»​។ លោក​ថា​៖ «​វា​ជា​ការយល់​ខុស​មួយ​យ៉ាង​ធំ​ដែលថា យើង​មិន​សហការ​នោះ គឺ​យើង​បានធ្វើ​យ៉ាង​ល្អ​តាម​ក្បួនខ្នាត ដែលមាន ហើយ​ដែល​លើកឡើង​ដោយ​ថ្នាក់ដឹកនាំ​»​។​

​មន្ត្រីជាន់ខ្ពស់​ក្រសួងការពារជាតិ​រូបនេះ បាន​បញ្ជាក់ថា ការទាមទារ​ទៅ​មើល​កន្លែង​ផ្សេងៗ​ទៀត​នោះ គឺ​ហួស​ព្រំដែន​នៃ​កម្រិត​ទស្សនកិច្ច​ដែល​បានដាក់ចុះ​។ លោក​បញ្ជាក់​បន្ថែមថា ក្នុងការ​ទស្សនកិច្ច​យោធា គឺមាន​កម្រិត​នៅ​គ្រប់កន្លែង មិនមែន​តែ​នៅ​កម្ពុជា​ទេ​។ ដោយឡែក​ការចង់​ចុះទៅ​ច្រើនដង​ទៀត គឺ​អាស្រ័យ​លើ​ការជជែក​គ្នា​បន្តទៀត រវាង​ភាគី​ទាំងពីរ​។​«​យើង​ជា​ម្ចាស់​ប្រទេស យើង​ក៏មាន​ការគិតគូ​រលាក់​ការណ៍​ខ្លះ​ដែរ សម្រាប់​វិស័យ​ការពារជាតិ​យើង ប្រទេស​ណា​ក៏មាន​កម្រិត​ដែរ យ​សារ​ផ្នែក​យោធា​ត្រូវមាន​បែបបទ​ច្បាស់លាស់​ណាស់​»​។ នេះ​ជាការ​បញ្ជាក់បន្ថែម​រប​ស់នាយ​ឧ​ត្ត​ម​សេនីយ៍​។​

​ឧ​ត្ត​ម​សេនីយ៍​ឯក សួន សំណាង អគ្គនាយករង អគ្គនាយកដ្ឋាន​នយោបាយ និង​កិច្ចការបរទេស តំណាង​ក្រសួងការពារជាតិ ដែល​ទទួល​ស្វាគមន៍​អនុព័ន្ធយោធា​អាមេរិក បានបញ្ជាក់​ឱ្យ​កាសែត​ដឹងថា យោធា​កម្ពុជា​បាន​នាំ​អនុព័ន្ធយោធា​អាមេរិក ទៅ​មើល​កន្លែង​ជាច្រើន​នៅ​មូលដ្ឋាន​កងទ័ពជើងទឹក​រាម គឺ​កន្លែង​ដែល​គាត់​សង្ស័យ ជាពិសេស​គឺ​កន្លែង​ដែល​យើង​រើ​ទីបញ្ជាការដ្ឋាន​ជួរមុខ​របស់​គណៈកម្មកា​រ​ជាតិ​លំហ​សមុទ្រ​។​​ «​យើង​បាន​នាំ​គាត់​ទៅ​មើល​កំពង់ផែ​រាម ទៅ​មើល​នាវា​របស់​យើង ដែល​គាត់​សង្ស័យថា​ជា​មូលដ្ឋានទ័ព​របស់​ចិន បន្ទាប់មក​យើង​នាំ​គាត់​ទៅ​មើល​រោង​ជាង ដែលជា​ជំនួយ​របស់​អូស្ត្រាលី​មួយទៀត ដែល​នៅក្បែរនោះ ហើយ​បន្ទាប់មកទៀត គាត់​ចង់ទៅ​មើល​មន្ទីរពេទ្យ យើង​ក៏បាន​ជូនទៅ​មើល​មន្ទីរពេទ្យ​ទៀត ចុងក្រោយ​យើង​បាន​នាំ​គាត់​មើល​ទីកន្លែង​ថ្មី​របស់​ទីបញ្ជាការដ្ឋាន​ជួរមុខ របស់​គណៈកម្មការ​ជាតិ​លំហ​សមុទ្រ​នៅ​កោះ​ព្រាប​ទៀត​»​។​​លោក​បាន​បន្តថា «​គាត់​ព្យាយាម​រុល​ទៅរក​កន្លែង​ផ្សេងទៀត​ដែល​មិនចាំបាច់ និង​មិន​ស្ថិតនៅក្នុង​សំណូមពរ និង​សំណើ​ដែល​គាត់​បានស្នើ​មក​ទេ គឺ​គាត់​បាន​បង្កើត​សំណើ​ភ្លាមៗ​តែម្តង សឹងតែ​ថា​រុល​ឱ្យទៅដល់​ចង្ក្រាន​បាយ និង​កន្លែងដេក​របស់​យើង​។ វា​ជាការ​ជ្រៀតជ្រែក​ក្នុង​បេះដូង​របស់​យើង​»​។​

​ករណីនេះ​មន្ត្រីជាន់ខ្ពស់​នៃ​ក្រសួងការពារជាតិ​កម្ពុ​ជា បាន​សង្ស័យថា ចេតនា​របស់​សហរដ្ឋ​អាមេរិក​ក្នុង​ការចុះពិនិត្យ​នៅ​មូលដ្ឋាន​កងទ័ពជើងទឹក​រាម​នេះ មិនមែន​ដើម្បី​អស់​មន្ទិលសង្ស័យ​អំពី​មូលដ្ឋាន​កងទ័ព​ចិន នៅក្នុង​ប្រទេស​កម្ពុជា​នោះឡើយ ប៉ុន្តែ​អាចជា​ការធ្វើ​មើលមិនឃើញ​ថា «​គ្មាន​មូលដ្ឋានទ័ព​ចិន​» ហើយ​បង្កើត​បញ្ហា​បន្តបន្ទាប់ ដើម្បី​ផលប្រយោជន៍ «​ភូមិសាស្ត្រ​នយោបាយ​»​។​

​សូមបញ្ជាក់ថា​ការចុះពិនិត្យ​នៅ​តំបន់​រាម​របស់​អនុព័ន្ធយោធា​អាមេរិក បាន​ធ្វើឡើង​បន្ទាប់ពី សម្តេច​តេ​ជោ ហ៊ុន សែន ប្រមុខ​រាជរដ្ឋាភិបាល​កម្ពុជា បាន​ឯកភាព​តាមរយៈ លោកស្រី Wendy Ruth Sherman អនុរដ្ឋមន្ត្រី​ការបរទេស​អាមេរិក ឱ្យ​អនុព័ន្ធយោធា​សហរដ្ឋអាមេរិក អំឡុង​បំពេញ​ទស្សនកិច្ច ចុះ​ពិនិត្យ​កំពង់ផែ​រាម ដើម្បី​ឱ្យអស់​មន្ទិលសង្ស័យ​ថា​មាន​មូលដ្ឋានទ័ព​ចិន​។​a army ream2 a army ream3 a army ream4 a hun usa