វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5847 នាក់
ម្សិលមិញ 5378 នាក់
សរុប 14085140 នាក់
វៀតណាម៖ប្រទេសវៀតណាម និងប្រទេសថៃបានសហការគ្នាបើកដំណើរការកន្លែងផលិតថាមពលអគ្គិសនីពន្លឺព្រះអាទិត្យធំជាងគេបំផុតនៅអាស៊ានដែលមានសមត្ថភាពផលិតថាមពលសរុបចំនួន ៤២០ មេហ្កាវ៉ាត់នៅតំបន់ខ្ពង់រាបនៃខេត្តតៃនិញប្រទេសវៀតណាម។ នេះបើតាមប្រភពសារពតិមានថៃ។
នាយកប្រតិបត្តិក្រុមហ៊ុន B.Grimm Power (BGRIM) បានឲ្យដឹងថា គម្រោងផលិតថាមពលព្រះអាទិត្យធំបំផុតនៅក្នុងអាស៊ាន (DT ទី១ និង DT ទី២) នេះត្រូវបានតំឡើង និងដាក់ពង្រាយដើម្បីទទួលបានថាមពលសរុប ៤២០ មេហ្កាវ៉ាត់នៅក្នុងខេត្តតៃមិញ ប្រទេសវៀតណាម ។ ប្រទេសវៀតណាមក៏ទើបបានបើកស្ថានីយអគ្គិសនី (COD) សម្រាប់ចរន្តអគ្គិសនីនៅវៀតណាម (EVN) និងរោងចក្រថាមពលពន្លឺព្រះអាទិត្យ Phu Yen TTP ដែលអាចផលិតថាមពល ២៥៧ មេហ្កាវ៉ាត់ កាលពីថ្ងៃទី៣ និង ថ្ងៃទី១៣ ខែមិថុនាកន្លងមកនេះផងដែរ។
គួរបញ្ជាក់ផងដែរថា បច្ចុប្បន្ននេះក្រុមហ៊ុន B.Grimm Power (BGRIM) មានរោងចក្រថាមពល (COD) ចំនួន ៤៥ កន្លែង រួមទាំងរោងចក្រថាមពលវារីអគ្គិសនី រោងចក្រថាមពលពន្លឺព្រះអាទិត្យចំនួន ១៧ កន្លែង គម្រោងវារីអគ្គិសនីចំនួន ២៤ កន្លែង និងរោងចក្រថាមពលម៉ាស៊ូត ១ កន្លែង ដែលអាចផលិតបានសរុប ២,៨៩២ មេហ្កាវ៉ាត់ ហើយមានគម្រោងចំនួន ១១ កំពុងសាងសង់ និង ការអភិវឌ្ឍដែលនឹងត្រូវបានដំណើរការប្រកបដោយជោគជ័យនៅឆ្នាំ ២០២៥ ដែលបង្កើតឱ្យមានសមត្ថភាពផលិតសរុបក្នុងគោលដៅ ៣,២៤៥ មេហ្កាវ៉ាត់ ដើម្បីបង្កើនសមត្ថភាពដល់ ៥០០០ មេហ្កាវ៉ាត់ទៅថ្ងៃមុខ។
ក្រុមហ៊ុន នឹងបានទទួលឱកាសពីរដ្ឋាភិបាលវៀតណាមដើម្បីសិក្សា និងអភិវឌ្ឍថាមពលកកើតឡើងវិញបន្ថែមទៀតនាពេលបច្ចុប្បន្ននេះ ដោយពិចារណាពីការពង្រីកការវិនិយោគលើគម្រោងរោងចក្រថាមពលអគ្គិសនីជាច្រើនដែលរំពឹងថានឹងបញ្ចប់នៅចុងឆ្នាំនេះ ហើយវិនិយោគនៅប្រទេសជាច្រើនទៀតដូចជាប្រទេសកូរ៉េខាងត្បូង ម៉ាឡេស៊ី កម្ពុជានិង ហ្វីលីពីនផងដែរ៕