វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6465 នាក់
ម្សិលមិញ 5304 នាក់
សរុប 14145991 នាក់
ប្រទេសឥណ្ឌា៖ ទាហានឥណ្ឌា និងចិន បានរងរបួសស្រាលក្នុងការប៉ះទង្គិចគ្នាមួយកាលពីថ្ងៃទី៩ខែធ្នូនៅតំបន់ Tawang នៃរដ្ឋ Arunachal Pradesh របស់ប្រទេសឥណ្ឌា ដែលនោះជាឧបទ្ទវហេតុលើកដំបូង ចាប់តាំងពីការប៉ះទង្គិចគ្នាដ៏សាហាវរវាងអ្នកជិតខាងទាំងពីរ កាលពីខែមិថុនាឆ្នាំ២០២០។រដ្ឋ Arunachal Pradesh ស្ថិតនៅជាយភាគខាងកើតនៃប្រទេសឥណ្ឌា ហើយមានព្រំប្រទល់ជាប់ជាមួយប្រទេសចិន។
ប្រភពីកងទ័ពឥណ្ឌាបាននិយាយប្រាប់កាសែតកាលពីថ្ងៃចន្ទទី១២ខែធ្នូបានឲ្យដឹងថា៖ “ភ្លាមៗ ភាគីទាំងពីរបានបំបែកគ្នាចេញពីតំបន់នោះ”។ បន្ទាប់ពីឧបទ្ទវហេតុនោះ មេបញ្ជាការរបស់ខ្លួននៅក្នុងតំបន់ បានជួបជាមួយសមភាគីចិន ដើម្បីពិភាក្សាអំពីបញ្ហានេះ។ទោះបីជាយ៉ាងណាក៏ដោយ អ្នកនាំពាក្យក្រសួងការបរទេសឥណ្ឌា មិនបានឆ្លើយតបនឹងសំណើសុំការអត្ថាធិប្បាយទេខណៈអ្នកនាំពាក្យក្រសួងការពារជាតិ បានបដិសេធធ្វើអត្ថាធិប្បាយលើចំនួនទាហានរបួសទាំងសងខាងក្នុងអំឡុងពេលប៉ះទង្គិចគ្នា។ទាំងក្រសួងការបរទេសចិននិងស្ថានទូតរបស់ខ្លួននៅទីក្រុងញូវដេលី ក៏មិនបានឆ្លើយតបទៅនឹងសំណើសុំការអត្ថាធិប្បាយដែរ។
គួរបញ្ជាក់ថា ព្រំដែនមិនកំណត់ប្រវែង ៣៨០០ គីឡូម៉ែត្រ រវាងប្រទេសយក្សអាស៊ីទាំង២ បានរក្សាសន្តិភាពយ៉ាងទូលំទូលាយ ចាប់តាំងពីមានសង្គ្រាមឆ្នាំ១៩៦២ មុនការប៉ះទង្គិចគ្នាកាលពី២ឆ្នាំមុន ដែលធ្វើឲ្យទំនាក់ទំនងធ្លាក់ចុះ។កាលពីក្នុងខែមិថុនា ឆ្នាំ២០២០ កងទ័ពឥណ្ឌា និងចិន បានប្រយុទ្ធគ្នាដៃទល់នឹងដៃ នៅជ្រលងភ្នំ Galwan នៃតំបន់ Ladakh។ ឧបទ្ទវហេតុនោះ បានបណ្តាលឲ្យទាហានឥណ្ឌាស្លាប់២០នាក់ ខណៈចិនមិនបញ្ចេញតួលេខ។ឥណ្ឌាបានពឹងពាក់និងទិញអាវុធពីប្រទេសរុស្ស៊ីដើម្បីទប់ទល់ជាមួយចិន។ទោះជាយ៉ាងណាប្រទេសឥណ្ឌាក៨បានចងសម្ពន្ធ័ភាពយោធាជាមួយអាមេរិកអូស្ត្រាលីជប៉ុននៅសមុទ្ទដែលគេហៅថាឥណ្ឌូប៉ាស៊ីហ្វិកផងដែរ។
ជាក់ស្តែងកាលពីថ្ងៃចន្ទទី២៦ខែកញ្ញា រដ្ឋមន្ត្រីការពារជាតិអាមេរិក លោកឡយអូស្ទីន( Lloyd Austin )បានរៀបចំកិច្ចប្រជុំមួយ នៅឯមន្ទីរបញ្ចកោណជាមួយរដ្ឋមន្ត្រីការបរទេសឥណ្ឌាលោកស៊ូប្រាម៉ានយ៉ាមចៃស្សាកា (Subrahmanyam Jaishankar)ពិភាក្សាគ្នាអំពីវិធីធ្វើឲ្យកិច្ចសហប្រតិបត្តិការការពារជាតិទ្វេភាគី កាន់តែស៊ីជម្រៅ។មន្ទីរបញ្ចកោណនិយាយថា រដ្ឋមន្ត្រីទាំង២ បានបញ្ជាក់ជាថ្មីនូវការប្តេជ្ញាចិត្តរបស់ខ្លួន ក្នុងការធ្វើការរួមគ្នាជាដៃគូដ៏ខ្ជាប់ខ្ជួន ដើម្បីជំរុញចក្ខុវិស័យរួមគ្នារបស់សហរដ្ឋអាមេរិក និងឥណ្ឌាសម្រាប់តំបន់ឥណ្ឌូប៉ាស៊ីហ្វិកសេរី បើកចំហ និងច្បាស់លាស់។