លោកហ្សេឡិនស្គី អំពាវនាវឱ្យនាយករដ្ឋមន្ត្រីឥណ្ឌា ចូលរួមរូបមន្តសន្តិភាពរបស់អ៊ុយក្រែននិងសុំឲ្យប្រទេសឧស្សាហកម្មធំទាំង៧ជួយបញ្ចប់នយោបាយឈ្លានពាន
03-April-2024 / ព័ត៌មានអន្តរជាតិ
ប្រទេសជប៉ុន៖ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានអំពាវនាវឱ្យ G7 រួមទាំងពិភពលោកទប់ស្កាត់កុំឱ្យសង្គ្រាមផ្ទុះឡើងនៅពេលអនាគត តាមរយៈ ការធានាឱ្យបានថារុស្ស៉ី គឺជាជនឈ្លានពានចុងក្រោយគេបំផុត។
ទីភ្នាក់ងារសារព័ត៌មាន AFP នៅថ្ងៃចន្ទ ទី២២ ខែឧសភា ឆ្នាំ២០២៣បានឲ្យដឹងថា៖នៅក្នុងសុន្ទរកថាមួយនាឱកាសបញ្ចប់ដំណើរទស្សនកិច្ចក្នុងប្រទេសជប៉ុន ដើម្បីចូលរួមកិច្ចប្រជុំ G7 និងជាការបញ្ចប់ទស្សនកិច្ចរយៈពេលជាងមួយសប្ដាហ៍ ក្នុងតំបន់អឺរ៉ុប មជ្ឈិមបូព៌ា និងអាស៊ី លោក ហ្សេលេនស្គី កាលពីថ្ងៃអាទិត្យចុងសប្ដាហ៍កន្លងទៅ បាននិយាយថាជ័យជម្នះរបស់អ៊ុយក្រែនប្រឆាំងនឹងរុស្ស៉ី អាចនឹងកំញើញ ក៏ដូចជា ទប់ស្កាត់កុំឱ្យមានជនឈ្លានពានតទៅទៀតនៅពេលអនាគត ហើយក៏បានទទូចឱ្យពិភពលោកគាំទ្រដល់រូបមន្តសន្តិភាព ១០ចំណុចរបស់អ៊ុយក្រែនផងដែរ។លោក ហ្សេលេនស្គី បានគូសបញ្ជាក់ដូច្នេះថា «យើងអាចទប់ស្កាត់ជនឈ្លានពានដទៃទៀត... នៅពេលដែលនរណាម្នាក់ចង់បង្កសង្គ្រាម បានឃើញថាតើពិភពលោកមាន ការប្ដេជ្ញាចិត្តដល់កម្រិតណា ដូចគ្នាទៅនឹងការចង់បានសន្តិភាពដែរ នោះសង្គ្រាមនឹងមិនអាចចាប់ផ្ដើមឡើយ»។ការអត្ថាធិប្បាយរបស់លោក ហ្សេលេនស្គី ធ្វើឡើងបន្ទាប់ពីអ៊ុយក្រែន ទទួលបានការធានាពីបណ្ដាប្រទេស G7 ដែលនឹងបង្កើនការដាក់សម្ពាធលើរុស្ស៉ី ហើយជំរុញការគាំទ្រដើម្បីការពារអ៊ុយក្រែន។
សូមបញ្ជាក់ដែរថាកំលុងជំនួបពិភាក្សាជាមួយសមភាគីឥណ្ឌានាយករដ្ឋមន្ត្រីឥណ្ឌា លោក ណារិនដ្រា ម៉ូឌី កាលពីថ្ងៃសៅរ៍សប្តាហ៍នេះនៅក្រៅកិច្ចប្រជុំកំពូល G7 ក្នុងប្រទេសជប៉ុន ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានឱ្យដឹងថា លោកបានអញ្ជើញឥណ្ឌាចូលរួមរូបមន្តសន្តិភាពរបស់អ៊ុយក្រែន ។ ទីភ្នាក់ងារព័ត៌មាន AFP នៅថ្ងៃអាទិត្យ ទី២១ ខែឧសភា ឆ្នាំ២០២៣បាមឲ្យដឹងថា៖លោក ហ្សេលេនស្គី បាននិយាយនៅលើប្រព័ន្ធតេឡេក្រាមថា អ្នកទាំងពីរក៏បានជជែកអំពីតម្រូវការរបស់អ៊ុយក្រែន សម្រាប់មន្ទីរពេទ្យចល័ត និងក្នុងការដោះមីនផងដែរ។
វាគឺជាជំនួបទល់មុខលើកដំបូងបង្អស់របស់មេដឹកនាំទាំងពីរ គិតចាប់តាំងពីរុស្ស៉ីបានបើកការឈ្លានពានលើអ៊ុយក្រែន កាលពីខែកុម្ភៈ ឆ្នាំ២០២២។ ក្ លោក ម៉ូឌី បានប្រាប់លោក ហ្សេលេនស្គី ថា លោកពិតជាចង់ជួយខ្លាំងណាស់ ដោយរូបលោកនឹងធ្វើអ្វីគ្រប់បែបយ៉ាងដើម្បីជួយអ៊ុយក្រែន តាមតែអាចធ្វើទៅបាន ខណៈសម្រាប់ខ្លួនលោកផ្ទាល់ សង្គ្រាមនៅអ៊ុយក្រែនគឺជាបញ្ហាពាក់ព័ន្ធទៅនឹងមនុស្សជាតិ ក៏ដូចជាទៅនឹងគុណតម្លៃរបស់មនុស្ស។
បើតាមមន្ត្រីការទូតជាន់ខ្ពស់ឥណ្ឌា លោក វីណេ ក្វាត្រា (Vinay Kwatra) លោក ហ្សេលេនស្គី ក៏បានអញ្ជើញលោក ម៉ូឌី ឱ្យទៅបំពេញទស្សនកិច្ច នៅអ៊ុយក្រែនថែមទៀតផង។ លោក ណារិនដ្រា ម៉ូឌី ធ្លាប់បានជួបសន្ទនាគ្នាតាមទូរស័ព្ទប៉ុន្មានលើក ទាំងជាមួយលោក ហ្សេលេនស្គី និងជាមួយប្រធានាធិបតីរុស្ស៉ី លោក វ្ល៉ាឌីមៀ ពូទីន ចាប់តាំងពីសង្គ្រាមបានផ្ទុះឡើងនៅអ៊ុយក្រែន ដោយលោកបានទទូចឱ្យភាគីទាំងពីរ ប្រើប្រាស់កិច្ចសន្ទនានិងការទូត ដើម្បីដោះស្រាយជម្លោះដោយសន្តិវិធី។
ទីក្រុងញូដេលីនិងទីក្រុងមូស្គូ មានទំនាក់ទំនងយ៉ាងជិតស្និទ្ធនឹងគ្នារាប់ទសវត្សរ៍មកហើយ។ ឥណ្ឌាស្ថិតក្នុងចំណោមប្រទេសដែលមិនបានថ្កោលទោសរុស្ស៉ី សម្រាប់សង្គ្រាមនៅអ៊ុយក្រែនឡើយ។ មិនតែប៉ុណ្ណោះ ការធ្វើពាណិជ្ជកម្មរបស់ឥណ្ឌាជាមួយទីក្រុងមូស្គូ ក៏បានកើនឡើងខ្ពស់ខ្លាំងដល់កំណត់ត្រាថ្មីផងដែរ ដែលជាចម្បងគឺត្រូវបានជំរុញដោយការបង្កើនទិញប្រេងពីរុស្ស៉ី។ ក្រុមមេដឹកនាំលោកខាងលិចមួយចំនួនបានរិះគន់ ចំណងទាក់ទងដ៏ស្និទ្ធស្នាលនេះរបស់ឥណ្ឌាជាមួយរុស្ស៉ី ខណៈដែលពួកគេព្យាយាមធ្វើឱ្យរុស្ស៉ីនៅឯកោតែមិហ៊ានធ្វើអ្វីខ្លាំងដាក់ឥណ្ឌាទេព្រោះប្រទេសឥណ្ឌាឈរចំទីតាំងសំខាន់ដែលៅមានប្រយោជន័ខ្ពស់សម្រាប់លោកខាងលិចរាប់ទាំងលការប្រឆាំងចិនផងដែរ៕
