វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2546 នាក់
ម្សិលមិញ 6359 នាក់
សរុប 14089179 នាក់
ស៊ីរី៖ ទូរទស្សន៍រដ្ឋរបស់ស៊ីរីបានផ្សាយថា យន្តហោះចម្បាំងដែលកំពុងហោះហើរនៅលើទឹកដីរបស់ប្រទេសលីបង់ បានបាញ់មីស៊ីលឆ្ពោះមកកាន់តំបន់មួយក្បែរនឹង ទីក្រុងដាម៉ាស់របស់ស៊ីរី តែគ្រាប់មីស៊ីលមួយចំនួន ត្រូវបានបាញ់ទម្លាក់ ដោយអង្គភាពការពារអាកាសរបស់យោធាស៊ីរី កាលពីថ្ងៃអង្គារ ។
ទូរទស្សន៍ស៊ីរីមិនបានកំណត់អត្តសញ្ញាណយន្តហោះទាំងនេះទេ តែបើតាមទីភ្នាក់ងារសារព័ត៌មានជាតិរបស់ប្រទេសលីបង់ បានរាយការណ៍ថា យន្តហោះចម្បាំងដែលបាញ់មីស៊ីលទាំងនេះ គឺជាយន្តហោះរបស់យោធាអ៊ីស្រាអែល។
អង្គការឃ្លាំមើលសិទ្ធិមនុស្សស៊ីរី បាននិយាយថា ការវាយប្រហារតាមអាកាសរបស់ អ៊ីស្រាអែល មានគោលដៅទៅលើទីតាំងចំនួន៣ ភាគខាងត្បូងទីក្រុងដាម៉ាស់ ដែលជាឃ្លាំងអាវុធសម្រាប់ក្រុមសកម្មប្រយុទ្ធ Hezbollah របស់យោធាលីបង់និងកងកម្លាំងអ៊ីរ៉ង់។
នេះការវាយប្រហារជាលើកដំបូងចាប់តាំងពីប្រធានាធិបតីអាម៉េរិក Donald Trump បានប្រកាសកាលពីសប្តាហ៍មុនថា សហរដ្ឋអាមេរិកនឹងដកកងកម្លាំងសរុបរបស់ខ្លួន ជាង ២ពាន់នាក់ចេញពីប្រទេសស៊ីរី។
អ្នកនាំពាក្យយោធារបស់អ៊ីស្រាអែលបានបញ្ជាក់នៅក្នុងសេចក្តីថ្លែងការណ៍មួយ ដោយនិយាយថា "ប្រព័ន្ធការពារអាកាសមួយ ត្រូវបានធ្វើសកម្មភាពប្រឆាំងនឹងមីស៊ីលប្រឆាំងយន្តហោះដែលបានបាញ់ចេញពីប្រទេសស៊ីរី"។មិនទាន់មានរបាយការណ៏អំពីចំនួនអ្នកស្លាប់និងរបួសដោយការបាញ់ប្រហារនេះនៅឡើយទេ។