វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4907 នាក់
ម្សិលមិញ 4563 នាក់
សរុប 14172283 នាក់
មីយ៉ាន់ម៉ា៖អ្នកទោសជាង៩.០០០នាក់ត្រុវបានរបបលោកស្រីអួសានសូជីដោះលែងពីពន្ធនាគារកាលពីថ្ងៃពុធ១៧មេសា បន្ទាប់ពីប្រធានាធិបតីបានចេញក្រឹត្យលើកលែងទោសនៅថ្ងៃដំបូងនៃពិធីចូលឆ្នាំប្រពៃណី។
ប្រធានាធិបតី លោកវីន ម្យីន(Win Myint) បានឲ្យដឹងថា អ្នកទោសចំនួន៩.៣៥៣នាក់ ដោយរួមទាំងជនបរទេស១៦នាក់ ត្រូវបានលើកលែងទោស ដើម្បីជាកាយវិការនៃការប្រារព្ធពិធីចូលឆ្នាំថ្មីមីយ៉ាន់ម៉ាសម្រាប់សន្តិភាពនិងការសប្បាយរីករាយនៃប្រជាជន និងការយកចិត្តទុកដាក់លើបញ្ហាមនុស្សធម៌។
នៅក្នុងសេចក្តីថ្លែងការណ៍របស់រដ្ឋាភិបាលឲ្យដឹងថា ក្រុមអាជ្ញាធរបានបន្តពិនិត្យមើលអ្នកទោសដែលនៅសេសសល់ “ដែលគួរតែនឹងត្រូវបានលើកលែងទោស” ។
មន្ត្រីសិទិ្ធមនុស្សមីយ៉ាន់ម៉ាម្នាក់បាននិយាយថា ពន្ធនាគារជាច្រើនបានចាប់ផ្តើមដោះលែងអ្នកទោសច្រើននាក់កាលពីពេលព្រឹកថ្ងៃពុធ ។
អ្នកយកព័ត៌មានឲ្យទីភ្នាក់ងារសារព័ត៌មានរ៉យទ័រ២នាក់ដែលត្រូវបានចាប់ដាក់គុកពីបទរំលោភច្បាប់សន្តិសុខជាតិនោះ មិនស្ថិតក្នុងចំណោមអ្នកដែលត្រូវបានលើកលែងទោសទាំងនោះទេ។