វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 163 នាក់
ម្សិលមិញ 5304 នាក់
សរុប 14139689 នាក់
អាមេរិករុស្ស៊ីៈសន្ធិសញ្ញា អាវុធនុយក្លេអ៊ែរ កម្រិត មធ្យម «The Intermediate-Range Nuclear Forces Treaty (INF) ដែលលោករ៉ូណាល់រីហ្គែនប្រធានាធិបតីអាមេរិកបានចុះហត្ថលេខា ជាមួយលោកហ្គបាឆូវប្រធារដ្ឋសហភាព សូវៀតកាលពីជាង៣០ឆ្នាំមុន ត្រូវបានលោក ប្រធានាធិបតីដូណាល់ ត្រាំ រំលាយចោលចាប់ពីថ្ងៃទី២ ខែកុម្ភៈ ឆ្នាំ២០១៩នេះទៅ ។
រដ្ឋមន្ត្រីការបរទេសអាមេរិក លោក ម៉ៃក៍ ប៉ុមប៉េអូ បានប្រកាសនៅថ្ងៃ១ខែកុម្ភៈថា សហរដ្ឋអាមេរិកនឹងបញ្ឈប់រាល់កាតព្វកិច្ចរបស់ខ្លួនដែលមានចែងនៅក្នុងសន្ធិសញ្ញា (INF) ចាប់ពីថ្ងៃទី០២ ខែកុម្ភៈ តទៅ។ លោក ប៉ុមប៉េអូ បានព្រមានទៀតថាសន្ធិសញ្ញា INF នឹងត្រូវរំលាយចោលទាំងស្រុងតែម្តង ប្រសិនបើរុស្ស៊ីមិនអាចបំពេញតាមការទាមទាររបស់សហរដ្ឋអាមេរិក ជុំវិញបញ្ហាល្មើសនឹងសន្ធិសញ្ញានេះ ពោលគឺទីក្រុងវ៉ាស៊ីនតោនទំនងជាចង់ឲ្យទីក្រុងម៉ូស្គូកម្ទេចចោលរាល់គ្រាប់មីស៊ីល 9M729 និងបរិក្ខាពាក់ព័ន្ធដទៃទៀតដែលរងការចោទប្រកាន់ថាបានរំលោភលើសន្ធិសញ្ញា INF។
សារព័ត៌មាន AFP បានផ្សាយថា នៅក្នុងសេចក្តីប្រកាសរបស់អាមេរិកដែលផ្តល់ពេល ៦០ថ្ងៃ នោះបានផុតទៅហើយ ។ អាមេរិកបានចោទប្រកាន់ទៅលើរុស្ស៊ី ថា មិនបានដោះស្រាយរាល់ក្តីកង្វល់របស់អាមេរិកស្តីពីអាវុធ មីស៊ីលបរមាណូរយៈចម្ងាយមធ្យម ជាការបំពានដល់សន្ធិសញ្ញា INF ។
បើតាម លោករដ្ឋមន្ត្រីការបរទេសអាមេរិក ទីក្រុងម៉ូស្គូមានរយៈពេល០៦ខែ ដើម្បីព្យាយាមស្រោចស្រង់សន្ធិសញ្ញា INF ឡើងវិញ ខណៈទីក្រុងវ៉ាស៊ីនតោនត្រូវចំណាយពេលកន្លះឆ្នាំ ឆ្លងកាត់នីតិវីធីនៃការដកខ្លួនចេញពីសន្ធិសញ្ញានុយក្លេអ៊ែរនេះទាំងស្រុង ។
ប្រតិកម្មពីបញ្ហានេះ អ្នកនាំពាក្យក្រសួងការបរទេស លោកស្រីម៉ារីយ៉ាហ្សាខារ៉ូវ៉ា( Maria Zakharova) បានប្រាប់ បណ្តាញទូរទស្សន៍ Rossiya-1ថារុស្ស៊ីនិងចាត់ការតាមសមត្តភាពរបស់ខ្លួនដើម្បីឆ្លើយតប។ នេះបើតាមទីភ្នាក់ងារចិនស៊ិនហួ ចេញផ្សាយនៅថ្ងៃសៅរ៍ ទី២ ខែកុម្ភៈ។