វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2131 នាក់
ម្សិលមិញ 6359 នាក់
សរុប 14088764 នាក់
ចិន៖ មន្ត្រីនគរបាលក្នុងទីក្រុងសៀងហៃ បានចាប់ខ្លួនបាតុករដែលតវ៉ាជុំវិញវិធានការរឹតត្បិតជំងឺកូវីដ១៩ ក្រោមលក្ខខណ្ឌដ៏តឹងរ៉ឹងរបស់ប្រទេសចិន ក្រោយវិធានការនេះដាក់ចេញភ្លាមៗក្នុងរយៈពេល ៣ថ្ងៃ មកហើយ ។កាលពីថ្ងៃអាទិត្យ កន្លងទៅ បាតុករជាច្រើននាក់ បានប្រមូលផ្តុំគ្នានៅតាមដងផ្លូវ អ៊ូលូមូឈី (Wulumuqi) ស្ថិតនៅទីក្រុងសៀងហៃ ហាក់សម្តែងអារម្មណ៍មិនសប្បាយចិត្ត ចំពោះគោលនយោបាយ សូន្យកូវីដ របស់លោកប្រធានាធិបតី ស៊ី ជីនពីង ។
គិតត្រឹមល្ងាចថ្ងៃអាទិត្យទី២៧វិច្ឆិកា បាតុកររាប់រយនាក់ បានប្រមូលផ្តុំគ្នានៅក្នុងតំបន់ខាងលើ ដោយបាននាំគ្នាស្រែកតវ៉ា ស្របពេលដែលក្រុមមន្ត្រីនគរបាល ព្យាយាមបំបែកការតវ៉ាមួយនេះ ។សាក្សីមួយរូប បានរៀបរាប់ប្រាប់ទីភ្នាក់ងារសាព័ត៌មាន Reuters ថា គេឃើញមន្ត្រីនគរបាលចាប់យកបាតុករចូលទៅក្នុងរថយន្ត ក្រោយមក ក៏បើកចាកចេញពីហ្វូងបាតុករទៅ ។ បើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី២៨ ខែវិច្ឆិកា ឆ្នាំ២០២២បានឲ្យដឹងថាក្រៅតែពីទីក្រុងសៀងហៃ បាតុកម្មតវ៉ាក៏ត្រូវបានគេរាយការណ៍ដែរថាបានកើតឡើងនៅក្នុងទីក្រុងវូហាន (Wuhan) និងទីក្រុងឈិនទូ (Chengdu) ហើយនិស្សិត ជាច្រើននាក់បានប្រមូលផ្ដុំគ្នានៅតាមសាកលវិទ្យាល័យមួយចំនួន ដើម្បីសម្ដែងការមិនពេញចិត្តរបស់ពួកគេចំពោះគោលនយោបាយរឹតត្បិតពាក់ព័ន្ធនឹងការទប់ស្កាត់ កូវីដ១៩ របស់រដ្ឋាភិបាលចិន។
នៅព្រឹកព្រលឹមថ្ងៃចន្ទនេះដែរ ក្នុងទីក្រុងប៉េកាំង ក្រុមបាតុករចំនួន២ក្រុម មានគ្នាប្រហែលជា ១,០០០នាក់ បានបន្តប្រមូលផ្ដុំគ្នាតវ៉ា ក្នុងថ្ងៃទី៣ នៅតាមដងផ្លូវក្នុងទីក្រុងប៉េកាំង ស្ថិតនៅក្បែរទន្លេលៀងម៉ា (Liangma) និងបានបដិសេធមិនព្រមបំបែកហ្វូងនោះទេ។ មិនមានសេចក្ដីរាយការណ៍លម្អិតពីថាតើមានអ្នកត្រូវបានចាប់ខ្លួន ឬក៏រងរបួសនោះទេ។អ្នកកាសែតម្នាក់របស់ស្ថាប័ន BBC ត្រូវបានចាប់ខ្លួនដោយប៉ូលីសនៅក្នុងទីក្រុងសៀងហៃ (Shanghai) ប្រទេសចិននៅកន្លែងតវ៉ាកាលពីថ្ងៃអាទិត្យ ទី ២៧ វិច្ឆិកា ម្សិលមិញនេះ។ខណៈពេលដែលលោក Edward Lawrence ត្រូវបានដោះលែងដោយអាជ្ញាធរចិនមក អ្នកនាំពាក្យរបស់ BBC បានសម្តែងការព្រួយបារម្ភចំពោះការព្យាបាបលើរូបគាត់ ដោយនិយាយថាអ្នកកាសែតរូបនេះត្រូវបានវា.យដំ និងទាត់ធាក់ដោយប៉ូលីសចិន។
BBC និយាយក្នុងសេចក្តីប្រកាសថា «BBC មានការព្រួយបារម្ភយ៉ាងខ្លាំងចំពោះការព្យាបាបលើអ្នកកាសែតគឺលោក Edward Lawrence ដែលត្រូវបានចាប់ខ្លួន និងដាក់ខ្នោះពេលលោកកំពុងយកព័ត៌មានពីការតវ៉ានៅ Shanghai។ លោកត្រូវបានឃុំខ្លួនអស់រយៈពេលជាច្រើនម៉ោងមុនពេលត្រូវបានដោះលែង»។សម្រាប់សកម្មភាពខាងលើអ្វីដែលគួរឱ្យភ្ញាក់ផ្អើល នោះគឺបាតុកម្មតវ៉ាកម្រនឹង កើនឡើងខ្លាំងណាស់នៅក្នុងប្រទេសចិន ជាពិសេសនៅក្នុងអាណត្តិដឹកនាំរបស់លោកប្រធានាធិបតីចិន លោក ស៊ី ជិនពីង តែម្ដង។
កាលពីថ្ងៃព្រហស្បតិ៍ សប្តាហ៍មុន ស្ថិតក្នុងទីក្រុងអ៊ូរុមឈី (Urumqi) តំបន់ស៊ីនជាំង (Xinjiang) បានកើតមានករណីអគ្គិភ័យឆាបឆេះអគារលំនៅដ្ឋានមួយកន្លែង និងបានធ្វើឱ្យមានការចោទប្រកាន់ថា ក៏ព្រោះតែវិធានការបិទខ្ទប់នេះហើយ ទើបបានជា បណ្តាលឱ្យមនុស្ស ១០នាក់ស្លាប់ក្នុងឧប្បត្តិហេតុអគ្គិភ័យខាងលើនេះ ដោយហេតុការណ៍ខាងលើនេះហើយ ក៏បណ្តាលឱ្យមានការតវ៉ាជាហូរហែរ។