គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 7254 នាក់

ម្សិលមិញ 9639 នាក់

សរុប 20697425 នាក់

អាមេរិករំលឹកគោលការណ៍ប្រទេសមួយរដ្ឋពីរក្រោយផ្ទុះហឹង្សារវាងអ៊ីស្រាអែលនិងប៉ាឡេស្ទីន

21-September-2026 / ព័ត៌មានអន្តរជាតិ

អ៊ីស្រាអែល៖ រដ្ឋមន្ត្រីការបរទេសអាម៉េរិក លោកអង់តូនីប្លីងខឹន( Antony Blinken )នៅថ្ងៃចន្ទដើមសប្តាហ៍នេះ បានជំរុញឱ្យរដ្ឋាភិបាលអ៊ីស្រាអែល និងប៉ាឡេស្ទីន គួរកាត់បន្ថយភាពតានតឹងលើបញ្ហាវិវាទទឹកដីនៅក្នុងតំបន់ West Bank និងតំបន់ Gaza Strip ហើយងាកមកគោរពតាមដំណោះស្រាយ “គោលការណ៍រដ្ឋមួយអំណាចពីរ” របស់អង្គការសហប្រជាជាតិ ស្ថិតក្រោមមាគ៌ាសន្ដិភាពតែមួយគត់សម្រាប់ដោះស្រាយបញ្ហាវិវាទដ៏រ៉ាំរ៉ៃរបស់ប្រជាជាតិទាំងពីរ។ a israel usa

ក្រោយជួបពិភាក្សាគ្នាជាមួយនាយករដ្ឋមន្ត្រីអ៉ីស្រាអែល លោក បេនចាមីន ណេតាន់យ៉ាហ៊ូ នៅទីក្រុងហ្សេរុយសាឡឹម លោក ប្លីនខិន បានគូសបញ្ជាក់ឡើងវិញនូវជំនឿជឿជាក់របស់សហរដ្ឋអាមេរិក ដែលថាដំណោះស្រាយរដ្ឋពីរ គឺជាមធ្យោបាយតែមួយគត់ ដើម្បីបញ្ចប់ជម្លោះរវាងអ៉ីស្រាអែលនិងប៉ាឡេស្ទីន។ ដំណោះស្រាយរដ្ឋពីរ ចង់សំដៅលើទឹកដីប៉ាឡេស្ទីនត្រូវបានទទួលស្គាល់ជាប្រទេសឯករាជ្យពេញលេញមួយ នៅទន្ទឹមគ្នាជាមួយអ៉ីស្រាអែល។ យ៉ាងណាក្តី ការស្ទង់មតិចុងក្រោយបានបង្ហាញថា ប្រជាជនទាំងសងខាង មានគាំទ្រទាបខ្លាំងណាស់ នាពេលនេះ ចំពោះដំណោះស្រាយរដ្ឋពីរ ហើយកិច្ចពិភាក្សាលើបញ្ហានេះ ដែលគាំទ្រដោយសហរដ្ឋអាមេរិក បានជាប់គាំងតាំងពីឆ្នាំ២០១៤មកម្ល៉េះ។ នៅថ្ងៃអង្គារនេះ លោក ប្លីនខិន នឹងត្រូវជួបជាមួយប្រធានាធិបតីប៉ាឡេស្ទីន លោក ម៉ាមូដ អាបាស់។

លោករដ្ឋមន្ត្រីការបរទេសអាមេរិក ក៏បានថ្កោលទោសការកើនឡើងនៃអំពើហិង្សាបង្ហូរឈាម រវាងអ៉ីស្រាអែលនិងប៉ាឡេស្ទីន ក្នុងមួយរយៈចុងក្រោយនេះផងដែរ។ លោក ប្លីនខិន បាននិយាយថា «វាគឺជាការទទួលខុសត្រូវរបស់យើងទាំងអស់ ដើម្បីចាត់វិធានការរំងាប់ភាពតានតឹង ជាជាងចាក់សាំងបន្ថែមលើភ្លើង។ យើងថ្កោលទោសអ្នកដែលសាទរអំពើហិង្សាទាំងនេះ ក៏ដូចជាសកម្មភាពអាក្រក់ៗដទៃទៀត ដែលផ្តាច់ជីវិតជនស្លូតត្រង់ ដោយពុំគិតថាជនរងគ្រោះជាអ្នកណា និងប្រកាន់ជំនឿបែបណាឡើយ។ មួយវិញទៀត ការសងសឹកគ្នាទៅវិញទៅមក ប្រឆាំងនឹងជនស្លូតត្រង់កាន់តែច្រើនថែមទៀត គឺមិនមែនជាចម្លើយនោះទេ»។ទស្សនកិច្ចនៅតំបន់ដើមបូព៌ារបស់លោកប្ល៊ីនកិនដែលបានគ្រោងទុកតាំងពីយូរធ្វើឡើងចំពេលដែលទើបមានផ្ទុះអំពើហិង្សាដល់កំពូលរវាងអ៊ីស្រាអែល និងប៉ាឡេស្ទីន។

គួរបញ្ជាក់ថា កាលពីថ្ងៃសុក្រសប្តាហ៍មុន ជនជាតិអ៉ីស្រាអែលសរុបចំនួន៧នាក់ ត្រូវបានបាញ់សម្លាប់ដោយបុរសប៉ាឡេស្ទីនម្នាក់ នៅភាគខាងកើតទីក្រុងហ្សេរុយសាឡឹម។ ដោយឡែក មួយថ្ងៃមុននោះ អ៉ីស្រាអែលបានបើកប្រតិបត្តិការវាយឆ្មក់លើ ជំរំជនភៀសខ្លួនមួយកន្លែង នៅតំបន់ហ្វេសប៊ែង (West Bank) ដែលបានផ្តាច់ជីវិតមនុស្ស១០នាក់។បន្ទាប់មកក្នុងថ្ងៃសៅរ៍ ទី២៨ មករា ក្មេងប៉ាឡេស្ទីនអាយុ ១៣ឆ្នាំម្នាក់បានបាញ់រះនៅក្នុងក្រុងហ្សេរ៉ុយសាឡឹមខាងកើតដោយបណ្តាលឲ្យរបួសមនុស្សពីរនាក់។ ប្រឈមនឹងព្រឹត្តិការណ៍ថ្ងៃសុក្រ និងថ្ងៃសៅរ៍ រដ្ឋអំណាចអ៊ីស្រាអែលបានចាត់វិធានការរួមចាស់ដៃលើក្រុមគ្រួសារជនដៃដល់ ដូចជាដកប័ណ្ណស្នាក់នៅ ឬឈូសឆាយផ្ទះសម្បែងរបស់ពួកគេជាដើម។ វិធានការនេះបានទទួលការប្រឆាំងពីប៉ាឡេស្ទីន ពិសេសក្រុមអង្គការក្រៅរដ្ឋាភិបាល។ លោករ៉ូយ យែលលីន មន្ត្រីអង្គការសិទ្ធិមនុស្ស B’Tselem នៅអ៊ីស្រាអែលយល់ថា វិធានការដាក់ទណ្ឌកម្មរួមនេះជាការចាក់សាំងបន្ថែមលើអណ្តាតភ្លើង។គិតចាប់តាំងពីដើមខែមករា ឆ្នាំ២០២៣ ពលរដ្ឋប៉ាឡេស្ទីនចំនួន ៣៥នាក់បានស្លាប់ ភាគច្រើនគឺជាក្រុមសកម្មប្រយុទ្ធ និងជាច្រើនសិបនាក់ផ្សេងទៀតត្រូវបានអាជ្ញាធរអ៊ីស្រាអែលចាប់ខ្លួនពាក់ព័ន្ធនឹងករណីអំពើហិង្សា ។ ប្រភព៖ Reuter a israel usa1 a israel2