វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 453 នាក់
ម្សិលមិញ 10264 នាក់
សរុប 14139635 នាក់
ម៉ានីល៖ លោក រ៉ូឌ្រីហ្គោ ឌូតឺតេប្រធានាធិបតីហ្វីលីពីនបានព្រមានថា លោកនឹងបញ្ជូនកងទ័ពឱ្យដឹកនាំបេសកកម្មអត្តឃាត បើសិនជាទីក្រុងប៉េកាំងមិនព្រមចាកចេញ ឬក៏ដោះលែងកោះរបស់ហ្វីលីពីន ក្នុងតំបន់សមុទ្រចិនខាងត្បូងទេនោះទេ។
សារព័ត៌មាន CNN ផ្សាយជាភាសាហ្វីលីពីនបានឱ្យដឹងនៅរសៀលថ្ងៃសុក្រ ទី០៥ ខែមេសា ឆ្នាំ២០១៩ថា លោក ឌូតឺតេ ធ្វើការព្រមាន នៅអំឡុងពិធីជួបជុំមួយនៅឯ ភឺតូ ព្រីនសេសា (Puerto Princesa) នៃខេត្ត ផាឡាវ៉ាន់ (Palawan) ក្រោយពីប៉ុន្មានថ្ងៃ បន្ទាប់ពីរដ្ឋាភិបាលទីក្រុងម៉ានីលបានទទួលស្គាល់ថា នារយៈពេលប៉ុន្មានខែចុងក្រោយនេះ ក្រុមនាវា និងទូករបស់ចិន ២៧៥គ្រឿង បានធ្វើដំណើរនៅជុំវិញកោះ ធីទូ (Thitu) ដែលហ្វីលីពីនកំពុងឈរជើង នៅក្នុងទីប្រជុំកោះ ជម្លោះស្ព្រាតលី (Spratly) នៃតំបន់សមុទ្រចិនខាងត្បូង។
លោក ឌូតឺតេ បានលើកឡើងយ៉ាងដូច្នេះថា «ចូរធ្វើជាមិត្តនឹងពួកយើង ហើយកុំប៉ះពាល់កោះ ផាហ្គាសា (Pagasa ឬ Thitu) ឱ្យសោះ... ប៉ុន្តែបើសិនជាអ្នក (ចិន) ហ៊ានប៉ះពាល់សូម្បីតែបន្តិច ខ្ញុំនឹងប្រាប់កងទ័ពរបស់ខ្ញុំឱ្យដឹកនាំបេសកកម្មអត្តឃាត ព្រោះខ្ញុំក៏មានកងទ័ពនៅទីនោះដែរ...»។
តែលោក ឌូតឺតេ អ្វីដែលលោកបាននិយាយមិនមែនជាការព្រមាននោះទេ ហើយថាវាគ្រាន់តែជាការឱ្យក្រើនរំលឹក ដល់មិត្តរបស់លោកតែប៉ុណ្ណោះ។ ប្រទេសហ្វីលីពីន មានកងអង្គភាពយោធាដ៏តូចមួយ និងប្រជាជនស៊ីវិលសរុប ១០០នាក់ កំពុងឈរជើងនៅលើកោះ Thitu ដែលស្ថិតនៅចំងាយ ៥០០គីឡូម៉ែត្រ ពីខេត្ត Palawan ប្រទេសហ្វីលីពីន។
ជុំវិញការក្រើនរំលឹកនេះ គេនៅមិនទាន់ឃើញមាន ប្រតិកម្មណាមួយពីសំណាក់ទីក្រុងប៉េកាំងនោះឡើយទេក្នុងពេលចុងខែឧសភាឆ្នាំ២០១៩នេះលោក ឌូតឺតេ នឹងថ្វើដមណើរទៅប្រជុំនៅទីក្រុងប៉េកាំង៕