ឈ្មួញនិយាយពីមេគយទំនប់រលកណុបអាននិងលោកកែវអង្កាមពូកែគោះថាយកឲ្យមេ!
16-April-2026 / ព័ត៌មានជាតិ
ខេត្តព្រះសីហនុ ៖ទោះបីជាមានការរអ៊ូរទាំពីរឿងគយគោះក៏ដោយតែទំនិញជាច្រើនប្រភេទដែលដឹកតាម ទូកពីប្រទេសថៃមកមកនៅតែសម្រុក ចូលចតនៅផែទំនប់រលក ខេត្តព្រះសីហនុ ដដែល។មូលហេតុគឺដោយសារគយនៅទីនោះបានជួយសម្រួលខ្លះដែរ។
គយនៅតំបន់មានទំនិញគេចពន្ធច្រើននោះគ្រប់គ្រងលោក ណុប សំអាន ប្រធានការិយាល័យគយ និងរដ្ឋាករទំនប់ រលក និងមានកិច្ចសហការជាមួយលោក កែវ អង្កាម គយចល័តប្រចាំការនៅផែទំនប់រលក ។ក្រុមឈ្មួញបានរាយការណ៍ថា ទាំងលោក ណុប សំអាន មេគយ ទំនប់ រលក និង លោក កែវអង្កាមមេគយចល័តប្រចាំការនៅផែទំនប់រលកបានបង្ខំឲ្យឈ្មួញបង់ប្រាក់ជាច្រើនដំណាក់កាល។
ក្នុងនោះ ទី១-មេគយទាំង២រូប បានយកលុយពីការដឹកជញ្ជូនទំនិញគ្រប់ប្រភេទ នៅលើទូក ដែលមកចតនៅកំពង់ផែ ។ទី២-លោក កែវ អង្កាម ក្រុមគយចល័តបានគំរាម និងតម្រូវឲ្យគយប្រចាំការនៅកំពង់ផែទំនប់រលក ត្រូវបង់លុយ មកឲ្យខ្លួន ក្នុងនាមគយចល័ត និងបង់លុយឲ្យគយចល័តសរុបរួម ទី៣-លោក ណុប សំអាន និង លោក កែវ អង្កាម បានយកលុយពីម្ចាស់ទំនិញ ដែលត្រូវលើកពីទូកយកមកដាក់លើគោក លើកដាក់រថយន្តនោះ ទី៤-លោក កែវ អង្កាម និង លោក ណុប សំអាន បានយកលុយពីក្រុមរថយន្តដឹកជញ្ជូនទំនិញទាំងនោះ ។
ជាទំនិញធម្មតាហាឆេងសម្រាប់កញ្ចប់រួមគយចល័ត លោក កែវ អង្កាម ផ្នែកគយចល័តបានយកលុយ ក្នុងមួយរថយន្ត១៥០ ដុល្លារ សម្រាប់ និង ១០០ដុល្លារផ្សេងទៀតសម្រាប់បុគ្គលខ្លួនផ្ទាល់ដោយលោកកែមអង្កាមថាយកឲ្យថ្នាក់លើ? ដែលចង់សំដៅលើលោកគុណញឹមមិនមែនលោកកើតសុធារ៉ាមេគយចលត័ធំទេ។
ក្រៅពីឲ្យឈ្មួញបង់ប្រាក់ក្នុងមួយរថយន្ត១៥០ដុល្លារ សម្រាប់ កញ្ចប់រួមគយចល័ត និង១០០ដុល្លារបន្ថែមទៀតសម្រាប់បុគ្គលលោក កែវ អង្កាមនៅគោះផ្សេងទៀត។ឧទ្ទាហ៍ដូចជាទំនិញស្ករសជាដើម…ទោះជា មានពន្ធនាំចូលក៏ដោយ ក៏លោក កែវ អង្កាម បង្ខំបញ្ជា ជំរិត តម្រូវឲ្យបង់ពន្ធ ក្នុងមួយរថយន្តចំនួន៣០ដុល្លារ សម្រាប់កញ្ចប់រួមគយចល័ត និង២០ដុល្លារបន្ថែមទៀត សម្រាប់បុគ្គលខ្លួនគាត់ ហើយក៏ចាត់ទុកថាប្រាក់ទាំងនេះ ត្រូវចាត់ចែងឲ្យលោកបណ្ឌិត គុណ ញឹម និង ភរិយា ដែរ?។
ឯលោក ណុប សំអាន មិនត្រឹមតែឲ្យមន្ត្រីរបស់ខ្លួនយកលុយពីទំនិញលើទូក ចតលើផែនោះទេគឺ យក លុយពីម្ចាស់អីវ៉ាន់ យកលុយពីឈ្មួញដឹកទំនិញ ក្នុងនោះបើឈ្មួញដឹកទំនិញ ទោះជារត់ការបង់ឲ្យមន្ត្រីរបស់គាត់ និងរត់ការឯកសាររួចរាល់ក៏ដោយ ក៏ត្រូវបង់ក្បាលរថយន្តពេលទំនិញដឹកចេញពីកំពង់ផែ យ៉ាងតិចក្នុងមួយរថ យន្ត៣០០-៥០០ដុល្លារដែរ ។ ក្រុមឈ្មួញ និងអ្នករកស៊ីគេចពន្ធផង មាន ចំនួនច្រើននាក់ដែលត្រូវអាសាច់ជូនមេគយទាំងពីរព្រោះខ្លួនក៏នៅចំណេញដែរ ។
ឈ្មួញធំៗទាំងនោះមានដូចជា៖ ១-ឈ្មោះ គា ធី ។២-យា វី ។៣-ចែ រ៉ា។ ៤-ណុប ។៥-កូ ៦-សុខុម ៧-ហួត និង មានឈ្មួញផ្សេងទៀតដែលស្គាល់មិនអស់ ។ ឈ្មួញទាំងអស់សុទ្ធតែមានរថយន្តប្រភេទយីឌុបដឹកជញ្ជូនទំនិញ ក្នុងមួយក្រុមហ៊ុនៗ យ៉ាងតិចមួយយប់មាន២ទៅ៥រថយន្ត ឬ២០-៣០គ្រឿង ក្នុងឈ្មួញនីមួយៗ ។ ដូច្នេះទំហំ់នៃចំណូលកើតឡើង ដោយអំពើពុករលួយ ក្រោមការគ្រប់គ្រងពីលោក ណុប សំអាន ប្រធានការិយាល័យគយ និងរដ្ឋាករទំនប់រលក និង លោក កែវ អង្កាម ក្រុមគយចល័តទទួលបានកញ្ចប់ថវិកាខ្មៅ ក្នុងមួយខែរាប់ម៉ឺន រាប់សែនដុល្លារ។
មិនទាន់អាចសុំការទំនាក់ទំនងពីលោក ណុប សំអាន ប្រធានការិយាល័យគយ និងរដ្ឋាករទំនប់រលក ព្រោះគ្មានលេខទូរស័ព្ទ ។ ឯលោក កែវ អង្កាម ផែ្នកគយចល័ត បានប្រាប់ កាសែតថា «ចំពោះការលើកឡើងរបស់ឈ្មួញថាខ្ញុំយកលុយ យកកាក់នោះ មិនត្រឹមត្រូវទេ ហើយក៏ខ្ញុំមិន អះអាងថា ធ្វើត្រូវ១០០ភាគរយដែរ ព្រោះខ្ញុំមានប្រពន្ធមានកូន មានមន្ត្រី កូនចៅ មានកងកម្លាំងសម្រាប់ធ្វើកិច្ច ការនេះ ដូច្នេះក៏ត្រូវការខ្លះដែរ ប៉ុន្តែមិនដល់១០០ភាគរយដូចគេចោទប្រកាន់នោះឡើយ ។ លោកលើកឧទ្ទាហរណ៍ជាក់ស្តែងឌឺថា៖ បើសិន ជាខ្ញុំអនុវត្តខុសប្រហែលជាថ្នាក់លើមិនឲ្យមកកាន់ទីនេះទេ ៕
.jpg)
