ថៃអាចនឹងឲ្យកាដូចិនសម្រាប់ការដើរតួនាទីជួយ​បញ្ចុះ​កម្ដៅ​​ជម្លោះ​​កម្ពុជា-ថៃ!

ចិន៖ប្រទេសចិនបានអំពាវនាវ​ឲ្យ​កម្ពុជា និងថៃអនុវត្តការអត់ធ្មត់ និងការពារការកើនឡើងនៃជម្លោះបន្ថែមទៀត បន្ទាប់ពីការប្រយុទ្ធគ្នាថ្មីៗបានផ្ទុះឡើងតាមបណ្តោយព្រំដែនរួមរបស់ពួកគេ ដោយនិយាយថា ខ្លួនសង្ឃឹមថារដ្ឋាភិបាលទាំងពីរនឹង​រក​ឃើញ​ដំណោះស្រាយ ដើម្បីស្តារស្ថិរភាពឡើងវិញ។ 

យោង​តាមកាសែតស៊ិនហួ( Xinhua )លោកហ្គួជៀគុន( Guo Jiakun) អ្នកនាំពាក្យក្រសួងការបរទេស បានថ្លែងនៅក្នុងសន្និសីទសារព័ត៌មាន​កាល​ពី​ថ្ងៃ​ទី​៩​ខែ​ធ្នូ​ថា ទីក្រុងប៉េកាំងកំពុងតាមដានយ៉ាងដិតដល់លើស្ថានភាពនេះ។ លោក Guo បាន​លើក​ឡើង​ថា «ក្នុងនាមជាមិត្ត និងជាប្រទេសជិតស្និទ្ធជាមួយទាំងកម្ពុជា និងថៃ ប្រទេសចិនសង្ឃឹមយ៉ាងស្មោះស្ម័គ្រថា ភាគីទាំងពីរនឹងជៀសវាងធ្វើ​ឲ្យ​ស្ថានភាព​កាន់តែអាក្រក់ទៅៗ»។លោកបានបន្ថែមថា ប្រទេសចិន «នឹងបន្តដើរតួនាទីស្ថាបនា ក្នុងការបន្ធូរបន្ថយភាពតានតឹង និងធ្វើ​ឲ្យស្ថានការណ៍​ចុះ​ត្រជាក់​តាមមធ្យោបាយផ្ទាល់ខ្លួន» ដោយមិនបានផ្តល់ព័ត៌មានលម្អិតនោះទេ។

សូមបញ្ជាក់ថាក្នុងដំណើរយាងទស្សនកិច្ចប្រទេសរបស់ព្រះមហាក្សត្រថៃកាលពីខែវិច្ឆិកាកន្លងមកនេះប្រទេសចិនបានចាត់ទុកថៃជាបងប្អូនក្នុងពេលចិនចាត់ទុកកម្ពុជាក្នុងមិត្តភាពដែកថែបត្បូងពេជ្រ។ថៃនិងចិនកំពុងត្រូវការគ្នាទៅវិញទៅមកក្នុងពេលចិនរងការកៀបសង្កត់ពាណិជ្ជកម្មពីអាមេរិកនិងកំពុងប្រឈមជាមួយប្រទេសជប៉ុនហ្វីលីពីនវៀតណាម។ថៃត្រូវការលុយចិនរាប់ពាន់លានសម្រាប់ការអភិវឌ្ឈន៍ផ្លូវស្ពានជំនួសការជីកព្រែកក្រាឆ្លងកាតភាគខាងត្បូងប្រទេស។តែបញ្ហានៅត្រង់ថាបើថៃហ៊ានលេងបៀរហ្នឹងទាំងកម្ពុជាផងនឹងត្រូវកំផ្លៀងអាមេរិកមិនខាន។