វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 445 នាក់
ម្សិលមិញ 6501 នាក់
សរុប 13949000 នាក់
ហុងកុង៖អ្នកនិពន្ធជាន់ខ្ពស់របស់កាសែតមួយឈ្មោះ Financial Times ត្រូវបានបដិសេធមិនផ្តល់ទិដ្ឋាការឱ្យចូលទៅក្នុងទីក្រុងហុងកុងក្នុងនាមអ្នកទេសចរណ៍ម្នាក់ ។
កាសែត Financial Times បានរាយការណ៍ថា៖លោក Victor Mallet អ្នកនិពន្ធព័ត៌មានអាស៊ីរបស់កាសែតនេះ( FT )បានព្យាយាមចូលក្រុងហុងកុងក្នុងនាមជាភ្ញៀវទេសចរជនជាតិអង់គ្លេសប៉ុន្តែត្រូវបានបដិសេធ។
សូមបញ្ជាក់ថា៖ជាទូទៅពលរដ្ឋអង់គ្លេសត្រូវបានអនុញ្ញាតឱ្យស្នាក់នៅក្នុងទឹកដីហុងកុងរហូតដល់១៨០ថ្ងៃដោយគ្មានទិដ្ឋាការ។ប៉ុន្តែរដ្ឋាភិបាលក្រុងហុងកុងបានបដិសេធមិនបន្តទិដ្ឋាការការងារទៅលោកម៉ាឡេត(Mallet) កាលពីខែតុលាដោយគ្មានហេតុផល។ការហាមឃាត់នេះគឺគេដឹងមូលហេតុដោយសារនៅខែសីហាលោក Mallet បានធ្វើជាសុន្ទរកថាមួយដែលគាំទ្រឯករាជ្យភាពរបស់ហុងកុងពីប្រទេសចិន។
អាជ្ញាធរមូលដ្ឋាន បានបដិសេធការបន្តទិដ្ឋាការរបស់គាត់ស្របតាមជំហររឹងមាំរបស់ទីក្រុងប៉េកាំងប្រឆាំងនឹងសកម្មភាពឯករាជ្យភាពនៅក្នុងទឹកដីនេះ។
សមាគមអ្នកកាសែតហុងកុងបានចេញសេចក្តីថ្លែងការណ៍មួយដោយនិយាយថាការរារាំងការចូលរបស់លោក Mallet ធ្វើឱ្យប៉ះពាល់ដល់សេរីភាពខាងសារព័ត៌មាន។ពួកគេថាសហគមន៍អន្តរជាតិនឹងមានការសង្ស័យបន្ថែមទៀតអំពីទីក្រុងហុងកុងថាតើវានៅតែជាសង្គមសេរីនិងបើកចំហហើយថារូបភាពនិងឋានៈលើឆាកអន្ដរជាតិរបស់ទីក្រុងនឹងរងការប៉ះពាល់យ៉ាងធ្ងន់ធ្ងរ៕