វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4340 នាក់
ម្សិលមិញ 4140 នាក់
សរុប 14166730 នាក់
ប្រទេសថៃ៖ មន្ត្រីថៃបានបើកកិច្ចចរចាដោយផ្ទាល់ ជាមួយក្រុមហាម៉ាសនៅប្រទេសអ៉ីរ៉ង់កាលពីសប្តាហ៍មុន ជុំវិញស្ថានភាពនៃចំណាប់ខ្មាំងជាជនជាតិថៃទាំង២២នាក់ ដែលត្រូវបានក្រុមសកម្មប្រយុទ្ធប៉ាឡេស្ទីននេះ ចាប់យកទៅកាន់តំបន់ Gaza Strip អំលុងការឆ្មក់វាយប្រហារទ្រង់ទ្រាយធំ លើប្រទេសអ៉ីស្រាអែលកាលពីថ្ងៃទី៧ ខែតុលា។
ទីភ្នាក់ងារព័ត៌មាន Reuters នៅថ្ងៃព្រហស្បតិ៍ ទី២ ខែវិច្ឆិកា ឆ្នាំ២០២៣បានឲ្យដឹងថា៖លោក អារីពីនអ៊ុតារ៉ាស៊ីន(Areepen Uttarasin) ប្រធានប្រតិភូថៃ បានប្រាប់ក្រុមអ្នកសារព័ត៌មាន នៅទីក្រុងបាងកកកាលពីថ្ងៃពុធសប្តាហ៍មុនថា ក្រុមអ្នកចរចារបស់ថៃ បានជួបជាមួយក្រុមមន្ត្រីរបស់ហាម៉ាស នៅរដ្ឋធានីតេហេរ៉ង់របស់អ៉ីរ៉ង់ កាលពីថ្ងៃទី២៦ ខែតុលា ហើយទទួលបានការសន្យាថា ជនជាតិថៃដែលជាចំណាប់ខ្មាំងនឹងត្រូវដោះលែង នៅពេលវេលាសមស្របមួយ។ លោក Areepen បានដឹកនាំក្រុមមន្ត្រីមានគ្នាសរុប៣នាក់ និងសុទ្ធតែជាជនមូស្លីម ដែលត្រូវបានចាត់តាំងដោយប្រធានរដ្ឋសភាថៃ ខណៈកិច្ចចរចាជាមួយក្រុមហាម៉ាសនៅអ៉ីរ៉ង់ បានប្រព្រឹត្តទៅអស់រយៈពេល២ម៉ោង។
លោក Areepen បានប្រាប់ថា «ខ្ញុំបានស្នើឱ្យហាម៉ាសដោះលែងចំណាប់ខ្មាំងថៃទាំងនោះ ព្រោះពួកគេសុទ្ធតែជាជនស្លូតត្រង់។ ខាងហាម៉ាស បានធានាអះអាងប្រាប់ខ្ញុំថា ពួកគេកំពុងមើលថែចំណាប់ខ្មាំងយ៉ាងយកចិត្តទុកដាក់ ប៉ុន្តែពួកគេមិនអាចប្រាប់ខ្ញុំពីកាលបរិច្ឆេទនៃការដោះលែងឡើយ ពោលគឺពួកគេកំពុងទន្ទឹងរង់ចាំពេលវេលាសមស្របមួយ»។ នាយករដ្ឋមន្ត្រីថៃ លោក សេដ្ឋា ថាវីស៊ីន អះអាងថារដ្ឋាភិបាលលោកកំពុងប្រឹងប្រែងជាខ្លាំង ដើម្បីនាំយកចំណាប់ខ្មាំងត្រឡប់មកផ្ទះវិញ ហើយរដ្ឋមន្ត្រីការបរទេសថៃ ទើបតែបើកកិច្ចពិភាក្សានៅប្រទេសកាតានិងអេហ្ស៉ីប ដែលជាអ្នកជួយសម្រុះសម្រួលជម្លោះអ៉ីស្រាអែល-ហាម៉ាស ក្នុងសប្តាហ៍នេះ។
គួរបញ្ជាក់ថា មានជនជាតិថៃសរុបប្រហែល៣០,០០០នាក់ ធ្វើការងារនៅប្រទេសអ៊ីស្រាអែល នៅពេលការវាយប្រហាររបស់ក្រុមហាម៉ាសកើតឡើង។ ក្រៅពីចំណាប់ខ្មាំង ជនជាតិថៃចំនួន៣២នាក់ផ្សេងទៀត បានបាត់បង់ជីវិតនិង១៩នាក់បានរងរបួស នៅក្នុងជម្លោះ ហើយថៃបានជម្លៀសពលរដ្ឋខ្លួនសរុបជាង៧,០០០នាក់ ត្រឡប់មកស្រុកកំណើតវិញហើយដែរ។ បើតាមអ៊ីស្រាអែល មនុស្សសរុបជាង២៣០នាក់ ត្រូវបានចាប់យកធ្វើជាចំណាប់ខ្មាំង អំលុងការវាយប្រហារថ្ងៃទី៧ ខែតុលា។ក្រុមចលនាជីហាដអ៊ិស្លាមហាម៉ាស់របស់ប៉ាឡេស្ទីន បានចាប់ជនបរទេសជាង២០០នាក់ជាចំណាប់ខ្មាំង នៅក្នុងអំឡុងពេលវាយប្រហារដ៏គួរឲ្យភ្ញាក់ផ្អើល ទៅលើប្រទេសអ៊ីស្រាអែល កាលពីថ្ងៃទី៧ ខែតុលា ឆ្នាំ២០២៣ ដោយបានសម្លាប់មនុស្ស ជាង ១ ៤០០នាក់ ប៉ុន្ដែឥឡូវ ក្រុមប្រដាប់អាវុធមួយនេះ បានអះអាង អំពីការដោះលែងជនរងគ្រោះមួយចំនួន នៅក្នុងរយៈពេលប៉ុន្មានថ្ងៃខាងមុខនេះ។
សារព័ត៌មានអារ៉ាប់អន្ដរជាតិ Al Arabiya News បានចេញផ្សាយ កាលពីថ្ងៃអង្គារ ទី៣១ ខែតុលា ឆ្នាំ២០២៣ ថា លោក អាប៊ូ អ៊ុយបៃដា (Abu Ubaida) អ្នកនាំពាក្យ ក្រុមហាម៉ាស់ បានថ្លែង កាលពីថ្ងៃអង្គារ (ទី៣១ ខែតុលា) ថា ក្រុមហាម៉ាស់ បានប្រាប់ដល់ក្រុមមន្ដ្រីអ្នកសម្របសម្រួល ថា ពួកគេនឹងដោះលែងជនបរទេស ជាចំណាប់ខ្មាំងមួយចំនួន នៅក្នុងរយៈពេលប៉ុន្មានថ្ងៃខាងមុខនេះ។អ្នកនាំពាក្យ ក្រុមហាម៉ាស់ បានសង្កត់ធ្ងន់ ថា ក្រុមសកម្មប្រយុទ្ធរបស់គាត់ បានវាយប្រហារតទល់ ជាមួយនឹងកងទ័ពអ៊ីស្រាអែល នៅលើសមរភូមិជួរមុខ ចំនួន៣កន្លែង ដោយបានសម្លាប់ និង ធ្វើឱ្យរងរបួសដល់ទាហានអ៊ីស្រាអែល ជាច្រើននាក់ ហើយថែមទាំងបានបំផ្លាញរថយន្តយោធា ចំនួន២២គ្រឿង ផងដែរ។ ជាមួយគ្នានេះ កងទ័ពជើងទឹករបស់ហាម៉ាស់ ក៏បានប្រើប្រាស់មីស៊ីលក្រោមទឹក Aasif(អាអាស៊ីហ្វ) ជាលើកដំបូង នៅក្នុងជម្លោះនេះផងដែរ។