វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1607 នាក់
ម្សិលមិញ 4186 នាក់
សរុប 11278778 នាក់
ប្រទេសបង់ក្លាដេស៖ ផ្លូវធំមួយត្រូវបានបិទដោយកម្មករក្នុងការតវ៉ាទាមទារប្រាក់ឈ្នួលរបស់ពួកគេដែលមិនទាន់បើកឱ្យក្នុងអំឡុងពេលចំណាត់ការបិទប្រទេសដោយជម្ងឺកូវិដ ដែលបានបង្ខំឱ្យរោងចក្រភាគច្រើនផ្អាកដំណើរការ។ការតវ៉ាត្រូវបានរាយការណ៍នៅផ្នែកជាច្រើននៃទីក្រុងដាក្កា ខណៈដែលកម្មកររាប់រយនាក់បានបិទផ្លូវធំមួយនៅក្រៅទីក្រុងនេះ ។
អ្នកតវ៉ាបាននិយាយថា”រដ្ឋាភិបាលគួរតែយកចិត្តទុកដាក់លើពួកយើងខ្ញុំដែលមិនបានទទួលប្រាក់ឈ្នួលរបស់ខ្លួនក្នុងរយៈពេល២ខែចុងក្រោយនេះទេ”។
ក្នុងរឿងនេះមេដឹកនាំនៃសមាគមម្ចាស់រោងចក្របានស្តីបន្ទោសលើក្រុមហ៊ុនទិញសម្លៀកបំពាក់ល្បីៗពិភពលោកដែលបានលុបចោលការបញ្ជាទិញពីរោងចក្រជាច្រើន។
ឧស្សាហកម្មវាយនភណ្ឌនៅបង់ក្លាដែស តំណាងអោយចំនួនជិត៨៥ភាគរយ នៃចំនួនទឹកប្រាក់នាំចេញប្រចាំឆ្នាំរបស់ប្រទេសនេះចំនួន៤០ ពាន់លានដុល្លារ ហើយផ្តល់ការងារដល់កម្មករជិត៤លាននាក់។ ឧស្សាហកម្មនេះ កំពុងប្រឈមមុខនឹងបញ្ហាធ្ងន់ធ្ងរ បន្ទាប់ពីក្រុមហ៊ុនទិញសម្លៀកបំពាក់ល្បីៗជាច្រើន បានលុបចោលការបញ្ជាទិញ ដោយសារតែជំងឺរាតត្បាតកូវីដ១៩៕