វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4574 នាក់
ម្សិលមិញ 10264 នាក់
សរុប 14143756 នាក់
ម៉ូស្គូ៖អាមេរិកព្រមានដាក់ទណ្ឌកម្មសេដ្ឋកិច្ចលើប្រទេសឥណ្ឌាប្រសិនបើទិញកាំជ្រួចការពារដែនអាកាសs400ពីប្រទេសរុស្ស៊ី។
លោក រ៉េនដល ស្គ្រីវើ (Randall Schriver) Sputnik ជំនួយការរដ្ឋមន្ត្រីការពារជាតិអាមេរិកត្រូវបានសារព័ត៌មានដកស្រង់សម្តីមកផ្សាយនៅព្រឹកថ្ងៃព្រហស្បតិ៍ ទី៣០ ខែសីហា ឆ្នាំ២០១៨ ថា សហរដ្ឋអាមេរិកពិតជាការព្រួយបារម្ភ ចំពោះគំរោងរបស់ឥណ្ឌាក្នុងការទិញអាវុធពីរុស្ស៊ី ជាពិសេសគឺប្រព័ន្ធមីស៊ីលការពារដែនអាកាស S-400 ហើយថា បើសិនជាទីក្រុងញូដេលីហ៊ានទិញប្រព័ន្ធមីស៊ីលនេះមែន នោះទីក្រុងវ៉ាស៊ីនតោននឹងពិចារណាដាក់ទណ្ឌកម្ម។
ការលើកឡើងបែបនេះរបស់លោក Randall Schriver ធ្វើឡើងនៅក្នុងវេទិការស្ដីពីសន្តិភាពអន្តរជាតិ ក្នុងទីក្រុងវ៉ាស៊ីនតោននៅសប្ដាហ៍នេះ។ «ខ្ញុំមិនអាចប្រាប់អ្នកបានឡើយថា ពួកគេ (ឥណ្ឌា) នឹងរួចផុតពីការដាក់ទណ្ឌកម្ម... ហើយលោកប្រធានាធិបតី គឺជាអ្នកសម្រេចចិត្តថា ត្រូវ ឬក៏មិនត្រូវដាក់ទណ្ឌកម្ម បើសិនជាឥណ្ឌាទិញប្រព័ន្ធមីស៊ីល S-400 ពីរុស្ស៊ី»។
គួរបញ្ជាក់ថា កិច្ចព្រមព្រៀងទិញ S-400 ត្រូវបានចុះហត្ថលេខាដោយនាយករដ្ឋមន្ត្រីឥណ្ឌាលោក ណារិន ដ្រាម៉ូឌី និងប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីខែតុលា ឆ្នាំ២០១៦។ សហរដ្ឋអាមេរិកបានបង្កើតច្បាប់ថ្មីមួយ ដែលមានចេតនាដាក់ទណ្ឌកម្ម លើបណ្ដាប្រទេសទាំងឡយណា ដែលទិញអាវុធពីសត្រូវរបស់អាមេរិក។ ថ្មីៗនេះប្រទេសតួកគីក៏កំពុងរងការដាក់ទណ្ឌកម្មពីទីក្រុងវ៉ាស៊ីនតោនផងដែរ ការទិញកាំជ្រួចធុន S-400ពីរុស្ស៊ីនេះ៕