វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3342 នាក់
ម្សិលមិញ 5378 នាក់
សរុប 14082635 នាក់
ភ្នំពេញ៖ លោកស្រីរ៉ូណាស្មីតអ្នករាយការណ៍ពិសេសអង្គសហប្រជាជាតិ(អ.ស.ប)ទទួលបន្ទុកសិទ្ធិមនុស្សនៅកម្ពុជាបានអំពាវនាវឲ្យមានការដោះលែងលោកកឹមសុខាអតីតប្រធានគណបក្សសង្គ្រោះជាតិនិងជំរុញឲ្យបញ្ចប់ការស៊ើបអង្កេត និងទម្លាក់ចោលបទចោទប្រកាន់លើលោកកឹម សុខានិងបានសូមឲ្យមានការលើកលែងការចោទប្រកាន់លើមន្ត្រីអាដហុក និងអ្នកស្រី ទេព វន្នី សកម្មជនដីធ្លីបឹងកក់ផងដែរ។
ការអំពាវនាវនេះ បានធ្វើឡើងនៅក្នុងសន្និសីទកាសែតនៅរសៀលថ្ងៃទី៨ ខែវិច្ឆិកា នេះ។ លោកស្រី រ៉ូណា ស្មីត លើកឡើងថា លោកស្រីមានការកង្វល់អំពីលោក កឹម សុខា ដែលត្រូវបានដាក់ឲ្យស្ថិតនៅក្រោមការឃុំខ្លួនក្នុងផ្ទះ បន្ទាប់ពីលោកត្រូវបានចាប់ដាក់ឃុំខ្លួនក្នុងពន្ធនាគារត្រពាំងផ្លុងអស់រយៈពេលជាង ១ឆ្នាំកន្លងមក។
លោកស្រីហៅការឃុំខ្លួននេះថា បានរឹតត្បិតសេរីភាពរបស់លោក កឹម សុខា។«ខ្ញុំក៏សូមអំពាវនាវឲ្យមានការដោះលែងលោក កឹម សុខា ពីការឃុំឃាំងដ៏រឹតត្បិត និងបញ្ចប់ការស៊ើបអង្កេតឲ្យបានឆាប់នៅក្នុងសុំណុំរឿងរបស់គាត់ ដើម្បីធានាពីសិទ្ធិរបស់គាត់ក្នុងការទទួលបានការកាត់ក្តីរយៈពេលសមស្របមួយដោយឈរលើការវាយតម្លៃពីភស្តុតាងមួយច្បាស់លាស់ និងមានតម្លាភាព ឬបើមិនដូច្នេះ ត្រូវទម្លាក់បទចោទប្រឆាំងនឹងរូបគាត់»។
លោកស្រី រ៉ូណា ស្មីត បានអះអាងទៀតថា កង្វល់នេះ ក៏ត្រូវបានលោកស្រីលើកយកទៅជជែកជាមួយក្រសួងយុត្តិធម៌ និងគណៈកម្មាធិការសិទ្ធិមនុស្សរបស់រដ្ឋាភិបាលផងផងដែរ។
អ្នកជំនាញសិទ្ធិមនុស្សអង្គការសហប្រជាជាតិរូបនេះ បានបង្ហាញការខកចិត្តទៅនឹងចៅក្រមដែលមិនអនុញ្ញាតិឲ្យលោកស្រី បានជួបលោក កឹម សុខា ដែលកំពុងត្រូវបានបង្គាប់ឲ្យឃុំខ្លួនក្នុងផ្ទះ។
លោកស្រីបញ្ជាក់ថាថា៖ «ក្នុងនាមខ្ញុំជាអ្នកជំនាញរបស់អង្គការសហប្រជាជាតិឯករាជ្យ ដែលតែងតាំងដោយរដ្ឋជាសមាជិក គឺខ្ញុំមានសិទ្ធិចូលគ្រប់កន្លែងទាំងអស់ ដែលមានការឃុំឃាំង។ នេះជាសិទ្ធិរបស់ខ្ញុំ ហើយសិទ្ធិមនុស្សត្រូវបានបដិសេធចោល ហើយអ្វីដែលខ្ញុំត្រូវធ្វើបន្ត គឺខ្ញុំត្រូវរាយការណ៍ទៅក្រុមប្រឹក្សាសិទ្ធិមនុស្សអំពីការបដិសេធនេះ»។
អ្នករាយការណ៍ពិសេសអង្គការសហប្រជាជាតិបានអញ្ជើញមកបំពេញទស្សនកិច្ចនៅប្រទេសកម្ពុជា ចាប់ពីថ្ងៃទី២៩ ខែតុលា ដល់ ថ្ងៃទី០៨ ខែវិច្ឆិកា ឆ្នាំ២០១៨ តាមការអញ្ជើញរបស់រាជរដ្ឋាភិបាល។
ក្នុងអំឡុងពេលទស្សនកិច្ចរយៈពេល ១១ថ្ងៃនៅកម្ពុជាប្រទេស អ្នកជំនាញរូបនេះបានជួបប្រជុំជាមួយមន្ត្រី ជាន់ខ្ពស់របស់រដ្ឋាភិបាលមានរដ្ឋមន្ត្រីក្រសួងមហាផ្ទៃក្រសួងកសិកម្មក្រសួងដែនដីក្រសួងយុត្តិធមិគណកម្មាធិការសិទ្ធមនុស្សរាជរដ្ឋាភិបាល តំណាងសង្គមស៊ីវិល និងសមាជិកសហគមន៍ការទូតនានា។ក្រៅពីនេះលោកស្រីអ្នករាយការណ៍ពិសេសអង្គសហប្រជាជាតិ(អ.ស.ប)បានចេញសេចក្តីថ្លែងការណ៍មួយបញ្ជាក់ពីការងារលោកស្រី១០ថ្ងៃនៅស្រុកខ្មែរដែរ។