» រកឃើញ​ទីតាំង​លួចលាក់​បន្ត​ផលិត​នុយ​ក្លេ​អែរ​កូរ៉េខាងជើង​អាមេរិក​ជប៉ុន​ប្រកាស​ពី​ការបន្ត​ដាក់ទណ្ឌកម្ម​ » អ្នក​សារ​ពត៍​ត្រូវ​ហាមឃាត់​មិន​ឲ្យ​ចូល​យក​ព​តិ​មាន​ករណី​យ៍​បូម​ខ្សាច់​ខុសច្បាប់​នៅ​ស្រុក​កំពង់ត្រឡាច​ » កាន់តែ​ចំហរ​ប្រុសៗ​យកគ្នា​ទោះ​គ្មាន​ច្បាប់​អនុញ្ញាត​ក៏ដោយ​ » អាល្លឺម៉ង់​លួច​ម៉ូត​ខ្មែរ​នៅ​មណ្ឌលគិរី​ » អង្គការ​លើកលែងទោស​អន្តរជាតិ​ដក​ពាន​ពី​អ្នកស្រី​ស៊ូ​ជី​ » ដែល​ឃើញ​រូបភាព​ស៊ី​អារម្មណ៍​របស់ ឱក សុគន្ធ​កញ្ញា និង​អេ​ន​ឌី អត់​? » ព្រះមហាក្សត្រ​តែងតាំង​ប្អូនប្រុស​លោក​កឹម​សុខា​ជា​រដ្ឋលេខាធិការ​ក្រសួងពាណិជ្ជកម្ម​ » ចុះ​ឆែក​ទីតាំង​រកស៊ី​ឆ្លាក់​រកឃើញ​សំណាក​សត្វព្រៃ​អត់​មានច្បាប់​ពី​មេព្រៃ​ » សម្តេច​កិត្តិ​ព្រឹទ្ធ​បណ្ឌិត ជួយឧបត្ថម្ភ​កុមារ​បងប្អូន​២​នាក់​នៅ​ខេត្តសៀមរាប ដែល​អាចនិយាយបាន​ច្រើន​ភាសា ! » ហ្គី​ណេ​ស​ប៊ុ​ក​ទទួលស្គាល​ទូក​ឈ្មោះ​“​កម្ពោជិក​បុត្តា​ខេមរា​តរី​”​ជា​ទូក​ដែល​វែង​ជាងគេ​ក្នុង​ពិភពលោក​ » បន្ទាប់ពី​ដេញ​នាយករដ្ឋមន្ត្រី​ប្រធានាធិបតី​សេរី​លង្កា​រំលាយ​សភា​បង្ក​ឲ្យ​មានការ​បារម្ភ​ពី​វិបត្តិ​នយោបាយ​ » លោក​សូ​ប្លា​តុង​ទៅ​ធើ​ចៅហ្វាយស្រុក​បាគង​លោក​នួន​ពុទ្ធា​រ៉ាចេញពីនាយករដ្ឋបាលសាលាខេត្ត​ចូល​ជំនួស​ » ដឹក​អង្កាម​បង្កប់​ឈើ​ចេញពី​ពោធិសាត់​មក​ជាប់​ត្រឹម​ខេត្តកំពង់ឆ្នាំង​សង្ស័យអត់បង់សេវា » ខួប​១០០​ឆ្នាំ​បញ្ជ​ប់​សង្គ្រាមលោកលើកទី​១​លោក​ជា​សុផារ៉ា​ចូលរួម​ក្នុង​ព្រះបរមនាម​ព្រះមហាក្សត្រ​ » អាជ្ញាធរ​ហុងកុង​ហាម​អ្នកកាសែត​អង់គ្លេស​ម្នាក់​មិន​ឲ្យ​ចូល​ស្រុក​ព្រោះ​គាំទ្រ​ឯករាជ្យ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2944 នាក់

ម្សិលមិញ 6275 នាក់

សរុប 823871 នាក់

គណបក្ស​ប្រជាធិបតេយ្យ ទទួល​ជ័យជំនះ​នៅក្នុង​ការបោះឆ្នោត​ពាក់កណ្តាល​អាណត្តិ​គម្រាមកំហែង​​លោក​ត្រាំ​ក្នុងការ​អនុវត្តន៍​នយោបាយ​!


​អាមេរិក​៖​លោក​ដូ​ណា​ល់​ត្រាំ​ប្រធានាធិបតី​អាមេរិក​មកពី​គណបក្ស​សាធារណៈរដ្ឋ​និង​ប្រឈម​បញ្ហា​នៅក្នុង​ការដឹកនាំ​ប្រទេស​ក្រោយ​ពេលដែល​គណបក្ស​ប្រជាធិបតេយ្យ ដណ្តើម បាន​សិទ្ធ​គ្រប់គ្រង​នៅក្នុង​សភា​នៅក្នុង​ការបោះឆ្នោត​កាលពី​ថ្ងៃទី​៦​វិច្ឆិកា ។​a elect us 

លោ ក​ប្រធានាធិបតី ដូ​ណា​ល​ត្រាំ​ត្រូវការ​សភា អនុម័ត​គាំទ្រ​ដល់​គោលនយោបាយ​ដឹកនាំ​របស់លោក​មុននឹង​បញ្ជូនទៅ​ព្រឹទ្ធសភា តែ​ពេលនេះ​បើ​គណបក្ស​ប្រជាធិបតេយ្យ គ្រប់គ្រង​នៅ​សភា​គឺអាច​រារាំង ។ គណបក្សនយោបាយ​ត្រូវការ ២១៨​អាសនៈ ដើម្បី​គ្រប់គ្រង​សម្លេង​ភាគច្រើន ក្នុង​សភា ជាន់ខ្ពស់ ។ ប៉ុន្តែ​ក្រុម​អ្នកឯកទេស​បានលើកឡើង​ថា គណបក្ស​ប្រជាធិបតេយ្យ ត្រូវការ​តែ ២៣​កៅអី​ពី​គណបក្ស​សាធារណរដ្ឋ​នោះ នឹងមាន​សិទ្ធ​គ្រប់គ្រង​សភា ។​

​មុននេះ ព្រឹទ្ធសភា និង​រដ្ឋសភា កំពុង​ស្ថិតក្រោម​ការកាន់កាប់​របស់​គណបក្ស​សាធារណរដ្ឋ វា​នឹង​បង្ក​ភាពងាយស្រួល​ដល់​ការដាក់ចេញ និង​អនុវត្ត​នូវ​នយោបាយ​របស់លោក​ដូ​ណា​ល់ ត្រាំ​។ ផ្ទុយទៅវិញ​ប្រសិនបើ​សំឡេង​ភាគច្រើន​ត្រូវ​ធ្លាក់​ទៅក្នុង​ដៃ​គណបក្ស​ប្រជាធិបតេយ្យ លោក​ដូ​ណា​ល់ ត្រាំ​នឹងត្រូវ​ប្រឈមមុខ​នឹង​បញ្ហា​ស្មុគស្មាញ ។​

​គណបក្ស​ប្រជាធិបតេយ្យ​បើ​អាច​កាន់កាប់​តែ​រដ្ឋសភា​ហើយ​ព្រឹទ្ធសភា​នៅក្នុង​ដៃ​ពួក​សាធារណៈរដ្ឋ​ក៏ដោយ ក៏​ពួកគេ​អាច​នឹង​រារាំង​នូវ​នយោបាយ​មួយផ្នែក​របស់លោក​ដូ​ណា​ល់ ត្រាំ​បាន ហើយ​អាច​បើក​ការស៊ើបអង្កេត ដោយមាន​ការបើក​សវនាកា​រ​សាធារណៈ និង​ធ្វើ​របាយការណ៍​ស៊ើបអង្កេត ទៅលើ​រឿងអាស្រូវ​ជាច្រើន ដែល​ជាប់​ពាក់ព័ន្ធ​នឹង​លោក​ដូ​ណា​ល់ ត្រាំ ។​


​សូមបញ្ជាក់ថា នៅ​អាមេរិក​មាន ការបោះឆ្នោត​សំខាន់ៗ​ត្រូវ​រៀបចំ​ធ្វើទៅ នៅ​រៀងរាល់ ២​ឆ្នាំ​ម្តង គឺ​ការបោះឆ្នោត​ប្រធានាធិបតី (​អាណត្តិ ៤​ឆ្នាំ​) ដែល​នៅ​ក្នុងនោះ ក៏មាន​ការបោះឆ្នោត​សភា និង​អភិបាលរដ្ឋ​មួយផ្នែក​ផងដែរ និង​ការបោះឆ្នោត នៅពេលដែល​ប្រធានាធិបតី​កាន់តំណែង​បាន​ពាក់កណ្តាល​អាណត្តិ ដែល​គេ​ហៅថា ការបោះឆ្នោត​កណ្តា​លអាណ​ត្តិ (Midterm Elections)​។​

​នៅ​ថ្ងៃ​អង្គារ ទី​៦ វិច្ឆិកា ២០១៨​នេះ ពលរដ្ឋ​អាមេរិក​នឹង​បោះឆ្នោត​ជ្រើសរើស​សមាជិក​រដ្ឋសភា (​ឬ​សភា​តំណាង​) ព្រឹទ្ធសភា និង​អភិបាលរដ្ឋ ព្រមទាំង​អភិបាលក្រុង និង​សមាជិកសភា​នៅតាម​រដ្ឋ​នីមួយៗ​។​

-​រដ្ឋសភា​៖ សមាជិក​រដ្ឋសភា​ទាំង ៤៣៥ នឹងត្រូវ​បោះឆ្នោត​ជ្រើសរើស​ថ្មី​។ នៅ​អាមេរិក សមាជិក​រដ្ឋសភា​មាន​អាណត្តិ​តែ​ពីរ​ឆ្នាំ​ប៉ុណ្ណោះ​។ ដូច្នេះ ការបោះឆ្នោត​ជ្រើសរើស​សមាជិក​ថ្មី ត្រូវធ្វើឡើង នៅ​រៀងរាល់​ពីរ​ឆ្នាំ​ម្តង គឺ​ម្តង​ស្របពេល​ជាមួយនឹង​ការបោះឆ្នោត​ប្រធានាធិបតី និង​ម្តងទៀត នៅក្នុង​ការបោះឆ្នោត​កណ្តា​ល​អាណត្តិ​។​

-​ព្រឹទ្ធសភា​៖ សមាជិក​ព្រឹទ្ធសភា​អាមេរិក​មាន​ចំនួន​សរុប ១០០​រូប ហើយ​មាន​អាណត្តិ ៦​ឆ្នាំ ដោយនៅ​ក្នុងនោះ គេ​រៀបចំ​ឲ្យ​មាន​សមាជិក ១​ភាគ​៣ (៣៣​រូប ឬ ៣៤​រូប​) ត្រូវផុត​អាណត្តិ​ជា​បន្តបន្ទាប់​គ្នា ហើយ​ត្រូវ​បោះឆ្នោត​ជ្រើសរើស​ថ្មី​នៅ​រៀងរាល់​ពីរ​ឆ្នាំ​ម្តង គឺ​ម្តង​ស្របពេល​ជាមួយនឹង​ការបោះឆ្នោត​ប្រធានាធិបតី និង​ម្តងទៀត នៅក្នុង​ការបោះឆ្នោត​កណ្តា​ល​អាណត្តិ​។ សមាជិក​ព្រឹទ្ធសភា​ដល់​ទៅ ៣៥​រូប ត្រូវ​បោះឆ្នោត​ជ្រើសរើស​ជាថ្មី ដោយសារ​តែមាន សមាជិក ៣៣​រូប ត្រូវផុត​អាណត្តិ ចំណែកឯ ២​រូប​ទៀត​បាន​លាឈប់​មុន​ចប់​អាណត្តិ​។​

-​អភិបាលរដ្ឋ​៖ សហរដ្ឋអាមេរិក មាន​រដ្ឋ​ជា​សមាជិក​ចំនួន ៥០ ហើយ​រដ្ឋ​នីមួយៗ​ត្រូវ​ដឹកនាំ​ដោយ​អភិបាលរដ្ឋ​។ អភិបាលរដ្ឋ​មាន​អាណត្តិ ៤​ឆ្នាំ លើកលែងតែ​នៅ​រដ្ឋ​ពីរ (Vermont និង New Hampshire) ដែល​អភិបាលរដ្ឋ​មាន​អាណត្តិ​តែ​ពីរ​ឆ្នាំ​។ អភិបាលរដ្ឋ​ទាំង ៥០​នេះ មិន​ត្រូវបាន​បោះឆ្នោត និង​ចប់​អាណត្តិ​នៅក្នុង​ឆ្នាំ​តែមួយ​ដូចគ្នា​ទាំងអស់​នោះទេ គឺ​អាស្រ័យ​ទៅតាម​ច្បាប់​កំណត់​នៅក្នុង​រដ្ឋ​នីមួយៗ ក៏ប៉ុន្តែ រដ្ឋ​ភាគច្រើន (៣៤​រដ្ឋ​) បោះឆ្នោត​ជ្រើសរើស​អភិបាលរដ្ឋ​របស់ខ្លួន នៅក្នុង​អំឡុង​ការបោះឆ្នោត​កណ្តាល​អាណត្តិ​។​a elect us1 a elect us3