ថៃធើស៊ី៎ឧកញ៉ាកុកអានសមាជិកព្រឹទ្ធភាកម្ពុជាប្រតិកម្មថាបៀមឈាមព្រួស
11-February-2026 / ព័ត៌មានជាតិ
ថៃ ៖ កាសែតក្នុងស្រុកថៃដែលចុះផ្សាយនៅថ្ងៃទី៨ ខែកក្កដា ឆ្នាំ២០២៥ឲ្យដឹងថា៖ លោក កុក អាន សមាជិកព្រឹទ្ធសភាកម្ពុជា និងមានងារជា «អ្នកឧកញ៉ា» ត្រូវតុលាការថៃចេញដីកាចាប់ខ្លួន បន្ទាប់ពីអាជ្ញាធរថៃរកឃើញថា ជំនួញជាច្រើនរបស់លោក កុក អាន ជាប់ពាក់ព័ន្ធនឹងក្រុមបណ្តាញឧក្រិដ្ឋកម្មឆ្លងដែន និងឧក្រិដ្ឋកម្មលាងលុយកខ្វក់។
ក្នុងការចុះផ្សាយរបស់កាសែតថៃ ដីកាចាប់ខ្លួនលោក កុក អាន នេះធ្វើឡើងដោយសម្អាងលើភស្តុតាងរឹងមាំ បន្ទាប់ពីអាជ្ញាធរថៃបានឆ្មក់ចូលឆែកឆេរទីតាំងចំនួន ១៩កន្លែងដែលជាកម្មសិទ្ធិរបស់លោក កុក អាន ដោយរឹបអូសបានរថយន្តទំនើបៗ និងលុយប្រមាណ ២៧លានបាត។សូមបញ្ចាក់ថាប៉ូលិសថៃបានឆ្មក់ចូលទីតាំងចំនួន ១៩ កន្លែងនៅក្នុងប្រទេសថៃ ដោយរុះរើបណ្តាញ និងរឹបអូសបានរថយន្តទំនើបៗជាច្រើន និងប្រាក់ចំនួន ២៧ លានបាត។ ជាមួយគ្នានេះ ប៉ូលិសថៃបានបិទនិងឆែកឆេរទីតាំងចំនួន ១៩ នៅទីក្រុងបាងកក សាមុតប្រាកាន និងឈុនបុរី ក្រោមប្រតិបត្តិការ «បិទគណនីលុយមូល។ ប្រមាញ់រាជធានីខ្មែរ»។ នេះបើយោងតាម កាសែតថៃខាវសុត( Khaosod) បានផ្សាយនៅថ្ងៃទីអង្គារ។
ខាវសុត(Khaosod) បានរាយការណ៍ថា ឧកញ៉ា កុក អាន ដែលគេស្គាល់ថា«បិតាក្រុងប៉ោយប៉ែត» ហើយជាប់ពាក់ព័ន្ធនឹងអាណាចក្រ មជ្ឈមណ្ឌលឆបោក Call Center ។ ទីតាំងសំខាន់មួយដែលត្រូវបានឆែកឆេរនោះគឺផ្ទះមួយកន្លែងក្នុងលំនៅឋានមួយក្នុងតំបន់ Bang Phli ខេត្ត Samut Prakan។ ដីកាវឆែកឆេររបស់តុលាការព្រហ្មទណ្ឌបានអនុវត្តដើម្បីស្វែងរកភស្តុតាង និងចាប់ខ្លួនលោក កុក អាន ម្ចាស់កាស៊ីណូ Crown Casino Resort (អគារ ២៥ ជាន់ / អគារ ១៨ ជាន់ / មូលដ្ឋានមជ្ឈមណ្ឌលទូរស័ព្ទធំនៅក្រុងប៉ោយប៉ែត) ដែលចោទថាបានឆបោកប្រជាជនថៃនៅកម្ពុជា។ ឧកញ៉ា កុក អាន ត្រូវបានចោទប្រកាន់ពីបទចូលរួមក្នុងអង្គការឧក្រិដ្ឋកម្មឆ្លងដែន និងការលាងលុយកខ្វក់។
តាមកាសែតថៃ បានបន្តថា ការស្វែងរកនេះគឺជាលទ្ធផលនៃ CCIB លេខ 172/2568 ចុះថ្ងៃទី 26 ខែមិថុនា ឆ្នាំ 2025 ដែលបានបង្កើតគណៈកម្មាធិការស៊ើបអង្កេតមួយដើម្បីស៊ើបអង្កេតករណីពាក់ព័ន្ធនឹងអង្គការឧក្រិដ្ឋកម្ម។ ករណីទាំងនេះពាក់ព័ន្ធនឹងអង្គការឧក្រិដ្ឋកម្មឆ្លងដែនដែលមានបុគ្គលដែលមានសញ្ជាតិច្រើន ដោយមានការបែងចែកការងារជារចនាសម្ព័ន្ធ។ មជ្ឈមណ្ឌលប្រតិបត្តិការត្រូវបានបង្កើតឡើងនៅទីតាំងផ្សេងៗក្នុងក្រុងប៉ោយប៉ែត ប្រទេសកម្ពុជា ដូចជាអគារ 25 ជាន់ អគារ 18 ជាន់ អគារ HISO និងកាស៊ីណូក្រោន។
ក្រុមឧក្រិដ្ឋជនបានប្រើប្រាស់ទីតាំងទាំងនេះ ដើម្បីធ្វើការបោកប្រាស់តាមប្រព័ន្ធអ៊ីនធឺណេតជាច្រើន រួមមាន Hybrid Scams មជ្ឈមណ្ឌលហៅទូរស័ព្ទ និងការលាងលុយកខ្វក់តាមរយៈគណនីបញ្ឆោតប្រាក់ និងរូបិយប័ណ្ណឌីជីថល។ ពលករថៃមួយចំនួនធំត្រូវបានបោកបញ្ឆោតឱ្យធ្វើការជាមេលុយ និងបង្ខំឱ្យស្កេនមុខដើម្បីបញ្ជាក់ពីប្រតិបត្តិការ ហើយមានករណីឃុំខ្លួនបុគ្គលនៅបរទេសដោយខុសច្បាប់។អ្នកឧកញ៉ា កុក អានសមាជិកព្រឹទ្ធសភាត្រូវបានគេដឹងថា ជាជំនិតលោក ហ៊ុន សែន និងជាម្ចាស់ក្រុមហ៊ុន អានកូ (ANCO GROUP) និងមានកាស៊ីណូជាច្រើនកន្លែង ដូចជានៅក្រុងប៉ោយប៉ែត ជ្រៃធំ និងប៉ាវិត។នៅក្រុងព្រះសីហនុ លោក កុក អាន ជាម្ចាស់សួនឧស្សាហកម្ម Crown Industrial Park។ ទីនេះ រងការចោទប្រកាន់ថាជាកន្លែងឆបោកតាមអនឡាញ ការបង្ខាំងមនុស្សធ្វើជាទាសករ និងទារុណកម្មផង។
ទាកទិនបញ្ហាអាជ្ញាធរថៃធើស៊ីឧកញ៉ាកុកអាននេះ លោក ជា ធីរិទ្ធ បានចេញប្រតិកម្មធ្ងន់ៗទៅកាន់បណ្តាញផ្សព្វផ្សាយរបស់ថៃ ហើយចាត់ទុកថា នេះជាល្បិចព្រួសឈាមរបស់ថៃ។លោកបានបញ្ជាក់យ៉ាងដូច្នេះថា «ថៃអាចប្រើវិធីគ្រប់យ៉ាង អញ្ជើញប្រើមកល្បិចកលទាំងប៉ុន្មាន ដើម្បីវាយប្រហារបន្តុះបង្អាប់កម្ពុជា កម្ពុជារបស់យើងមិនខ្លាចទេ ហើយមេដឹកនាំរបស់កម្ពុជា សម្តេចតេជោ និងសម្តេចធិបតី អាចកំដរបានជានិច្ច។ អីចឹងរកវិធីថែមទៀតមក ដើម្បីវាយប្រហារកម្ពុជាទៀតមក។ ប៉ុន្តែ ពិភពលោកនេះគេដឹងហើយថា ប្រទេសអ្នកឯងជាមជ្ឈមណ្ឌលចែកចាយឧក្រិដ្ឋកម្មពាសពេញពិភពលោក ដូច្នេះខ្ញុំសូមបញ្ជាក់បន្ថែមថា រឿងភ្ជាប់អ្នកស្និទ្ធសម្តេចតេជោ យកល្អបើតុលាការថៃចិត្តសឿង គួរតែចោទប្រកាន់ ថាក់ស៉ីន ព្រោះជាមនុស្សដែលស្និទ្ធបំផុតជាមួយសម្តេចតេជោ ជាមនុស្សដែលត្រូវបានសម្តេចតេជោ ចិញ្ចឹម សម្តេចតេជោ ចិញ្ចឹមគ្រួសារ ថាក់ស៉ីន មួយពូជ»៕
