វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9635 នាក់
ម្សិលមិញ 8227 នាក់
សរុប 14136516 នាក់
ប៉ៃលិន៖ ប្រជាពលរដ្ឋបានរាយការណ៍នៅថ្ងៃទី១០ ខែមីនា ឆ្នាំ២០២៣ឲ្យដឹងថា មានថៅកែក្រុមហ៊ុនកាស៊ីណូម្នាក់ បានយកគ្រឿងចក្រអេស្កាវ៉ាទ័រ ទៅជីកកកាយរំលោភយកដីមាត់អូរធម្មជាតិដើម្បី បុកគ្រឹះសាងសង់ជើងទេរ ជាប់នឹងអគារដ៏ខ្ពស់ស្កឹមស្កៃនៅចំណុចអូរកប់អង្ករ ក្នុងភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ ។តែអាជ្ញាធរមូលដ្ឋានថាគេចុះទៅត្រួតពិនិត្យហើយ មិនប៉ះពាល់អ្វីនោះទេ!។
ករណីយ៍នេះប្រជាពលរដ្ឋវាយតម្លៃថា ថ្ងៃខាងមុខ អាចនឹងប្រើប្រាស់ដីមាត់អូរខាងលើនេះជាបន្តបន្ទាប់ទៀត បង្កឱ្យមានការកកស្ទះទឹកពេលរដូវវស្សា។ប្រជាពលរដ្ឋឱ្យដឹងថា ថៅកែកាស៊ីណូនោះ ឈ្មោះ ឧកញ៉ា សៅ សេង បានបុកគ្រឹះសង់ជើងទេរ ជាប់នឹងអគារដ៏ធំមានប្រមាណ៤០ទៅ៥០បន្ទប់ នៅក្បែរអូរធម្មជាតិខាងលើ។សូមបញ្ជាក់ថា ថៅកែកាស៊ីណូខាងលើនេះ បានជីកកកាយដីបុកគ្រឹះរហូតទៅដល់ក្នុងដីចំណីអូរ ខណ:មានកម្មករប្រុសស្រីជាច្រើននាក់ កំពុងធ្វើការនៅទីនោះ។
ប្រភពបានបន្តថា ការបុកគ្រឹះរំលោភយកចំណីអូរធម្មជាតិធ្វើជាកម្មសិទ្ធិផ្ទាល់ខ្លួននេះ អាចនឹងបង្កផលប៉ះពាល់ដល់ប្រព័ន្ធផ្លូវទឹកហូរ ជាពិសេសនារដូវវស្សា ពេលដែលភ្លៀងធ្លាក់ជោកជាំ អាចនឹងធ្វើឱ្យទឹកហូរមិនទាន់ បង្កទៅជាស្ទះប្រព័ន្ធផ្លូវទឹក ជន់លិចលង់ដល់ផ្ទះពួកគាត់ ដែលរស់នៅក្បែរៗ នោះជាក់ជាមិនខាន។ ពួកគាត់ពិតជាមានការព្រួយបារម្ភខ្លាំងពីការលិចលង់ដល់ផ្ទះសម្បែងរបស់ខ្លួន បើសិនជាគ្មា នការពិនិត្យរៀបចំឱ្យបានត្រឹមត្រូវ។តែបើតាមលោក សៀ សុខុម អភិបាលស្រុកសាលាក្រៅ បានឱ្យកាសែតដឹងថា ខាងលោកបានចាត់ឱ្យមន្ត្រីក្រោមឱវាទចុះទៅពិនិត្យមើលកន្លែងបុកគ្រឹះសាងសង់អគារខាងលើរួចរាល់ហើយ គឺគេមិនធ្វើនៅលើចំណីអូរទេ ដោយគេបុកគ្រឹះសង់ជើងទេរ សម្រាប់ទប់ដីកុំឱ្យដីបាក់ចូលក្នុងអូរ ប៉ុណ្ណោះ?។លោកអភិបាលស្រុក មានប្រសាសន៍ថា «គេគ្រាន់តែសង់ខឿនដើម្បីទប់កុំបាក់ដី បង្កការស្រុតអគារ»។បើអាជ្ញាធរនិយាយចឹងហើយចប់មិនបាច់បរិយាយ៕