វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 565 នាក់
ម្សិលមិញ 5020 នាក់
សរុប 14116012 នាក់
ខេត្តព្រៃវែងៈក្រសួងសេដ្ឋកិច្ចនិងហិរញ្ញវត្ថុ បានចេញសេចក្ដីប្រកាស លើកលែងមិនយកពន្ធ លើមុខទំនិញជាប្រភេទចំណីអាហាររយៈពេល២ឆ្នាំ ដើម្បីលើកស្ទួយជីវភាព ប្រជាជនតែលោក ផែន ភឿន ប្រធានស្នាក់ការគយតំបន់២ បង្ការនិងបង្ក្រាបបទល្មើសរត់ពន្ធមិនស្ដាប់និងមិនអនុវត្តហើយៅបន្តគាបសង្កត់កំណត់យកលុយ ពីអាជីវករអ្នកដឹក.ទំនិញ.បន្លែ.ផ្លែឈើ.ត្រីសាច់.ពីប្រទេសវៀតណាម ចូលមកកម្ពុជា តាមផ្លូវជាតិលេខ១ យ៉ាងពេញបន្ទុកដដែល។មិនដឹងថាតើអ្នកធំជាងអ្នកណាបើចឹង?។
ជាក់ស្ដែង៖ នៅថ្ងៃទី២៤មករា២០២២ អាជីវករអ្នកដឹកផ្លែឈើបានអះអាងថា៖ ខ្លួនដឹកផ្លែឈើ ពីវៀតណាម ចូលមកកម្ពុជា តាមផ្លូវជាតិលេខ១ ។
ដោយប្រើរថយន្តប្រភេទភ្លៅ៥ គឺមួយជើង ត្រូវគយចល័តផ្លូវជាតិលេខ១ ដែលមានស្នាក់ការ នៅចំណុច ឃុំរំចេក ស្រុកព្រះស្ដេច ខេត្តព្រៃវែង កំណត់យកលុយ ចំនួន៦០០.០០០រៀលជាកំហិតដោយមិនចេញវិក័យបត្រ័។សម្រាប់គយលោកផែនភឿនរថយន្តដឹកបន្លែចំណុះ២តោនកន្លះ ក្នុង១ជើង គយចល័តផ្លូវជាតិលេខ១ កំណត់យកលុយ ចំនួន១០ម៉ឺនរៀលជាកំហិត!។
រថយន្តដឹកផ្លែឈើចំណុះ៥តោនហាងឆេង កំណត់យក២០ម៉ឺនរៀលជាកំហិត រថយន្ត”វ៉េអង”ដឹកផ្លែឈើបង់ចាប់ពី៣០ម៉ឺនរៀល ទៅ៦០ម៉ឺនរៀលក្នុង១ជើង ។
រថយន្តសាំយ៉ុងដឹកបន្លែ ក៍ត្រូវបានលោក ផែន ភឿន កំណត់យក១០ម៉ឺនក្នុង១ជើងផងដែរ.ចំពោះរ៉ឺម៉កដឹកបន្លែ១ជើងបង់៨ម៉ឺនរៀលជាកំហិត។តៃកុងឡាននិងអាជីវករ បានអះអាងដូចៗគ្នាថា៖ តាំងពីមុនរហូតមកដល់ពេលនេះ គយចល័តផ្លូវជាតិលេខ១ ក្រោមការដឹកនាំរបស់លោក ផែន ភឿន ប្រធានស្នាក់ការ គឺនៅតែបន្តកំណត់យកលុយពីពួកខ្លួនដដែល។
សូមបញ្ជាក់ថា៖ កាលពីថ្ងៃទី១១.០១.២០២២.ក្រសួងសេដ្ឋកិច្ចនិងហិរញ្ញវត្ថុ បានចេញសេចក្ដីប្រកាសលេខ.០០៩.សហវ.ប្រក ស្ដីពីការលើកលែងពន្ធចំពោះ ទំនិញអាហារ ជាមូលដ្ឋានរយៈពេល២ឆ្នាំ.គឺចាប់ពីថ្ងៃទី០១.មករា.២០២២ រហូតដល់ថ្ងៃទី៣១.១២.២០២៣។ជុំវិញការលើកឡើងខាងលើនៅព្រឹកទី២៤.០១.២០២២«សារព័ត៌មានយើង»បានព្យាយាមសុំការបកស្រាយពីលោក គឹម សុភៈ អ្នកនាំពាក្យក្រសួងសេដ្ឋកិច្ចនិងហិរញ្ញវត្ថុ ប៉ុន្តែលោកពុំបកស្រាយឡើយ។ករណីគយលោកផែនភឿនកៀបសង្កតយកលុយពីអាជីវករដឹកជញ្ជូនផ្លែឈើនោះដែរ កាលពីថ្ងៃទី០៩.មិថុនា២០២១ ក៍មានប្រតិកម្មផ្ទុះការតវ៉ាពីអាជីវករផងដែរតែដូចជាគ្មានមេធំណាហ៊ានក្អក?។