ថៃប្រកាសសង់របងយកដីពេលកម្ពុជានាំក្រុមIOTទៅមើលតែពន្យាមិនបណ្តេញពលរដ្ឋសិន!

បន្ទាយមានជ័យ៖នៅព្រឹក ថ្ងៃសុក្រ ទី៣ ខែតុលា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) អញ្ជើញចុះពិនិត្យទីតាំងជាក់ស្តែង នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដើម្បីសង្កេតការណ៍ ផ្ទៀងផ្ទាត់ និងរាយការណ៍ នៅស្ថានភាពព្រំដែន ក្រោយបទឈប់បាញ់ចូលជាធរមាន។ 

សម្រាប់ប្រទេសថៃវិញបើយោងការចុះផ្សាយរបស់ Khaosod មន្ត្រីយោធាថៃ បានឲ្យដឹងនៅថ្ងៃសុក្រទី០៣ខែតុលានេះថា ប្រទេសរបស់ខ្លួនបានចាប់ផ្តើមសាងសង់របងព្រំដែនដំបូងជាមួយកម្ពុជា ដែលមានប្រវែង ៥,១គីឡូម៉ែត្រ ក្នុងស្រុកអារញ្ញប្រាថេត ក្នុងគោលបំណងទប់ស្កាត់ការឆ្លងដែនខុសច្បាប់ និងឧក្រិដ្ឋកម្ម។

លោក Withai Laithomya អ្នកនាំពាក្យទីបញ្ជាការកងយោធពលខេមរភូមិន្ទថៃ (RTAFH) បាននិយាយថា គម្រោងនេះត្រូវបានអនុម័តដោយក្រុមប្រឹក្សាសន្តិសុខជាតិ (NSC) កាលពីថ្ងៃព្រហស្បតិ៍។ របងដែលចំណាយថវិកាអស់៦,៥លានបាតនឹងត្រូវសាងសង់ដោយអង្គភាពអភិវឌ្ឍន៍ចល័តលេខ១២ របស់បញ្ជាការដ្ឋានជាតិអភិវឌ្ឍន៍ដោយមានការសម្របសម្រួលជាមួយកងវរសេនាធំ Thap Phran ទី១២។

ការសាងសង់នឹងចាប់ផ្តើមនៅចន្លោះបង្គោលព្រំដែនលេខ៥០ និងលេខ៥១ ក្នុងភូមិ Ban Khok Sabaeng ស្រុក Tha Kham ក្នុងតំបន់ដែលគ្មានជម្លោះសកម្ម។ របងនេះនឹងមានបង្គោលបេតុង និងលួសបន្លាកម្ពស់ជាង២ម៉ែត្រដែលរុំជា៩ខ្សែ២ស្រទាប់ ហើយនឹងមានបំពាក់កាមេរ៉ា CCTV។ ការដំឡើងរបងព្រំដែននេះ រំពឹងនឹងបញ្ចប់ក្នុងរយៈពេលពី១ទៅ២ខែខាងមុខ។

ក្រុមប្រឹក្សាសន្តិសុខជាតិថៃ ក៏បានអនុម័តថវិកាបន្ថែមដើម្បីពង្រីកការសាងសង់ក្នុងដំណាក់កាលអនាគតផងដែរ ទោះបីជាសេចក្តីលម្អិតនៃដំណាក់កាលបន្ទាប់មិនទាន់ត្រូវបានប្រកាសនៅឡើយទេ។

ការប្រកាសកសាងរបងព្រុំដែនជាឯកតោភាគីថៃដោយមិនចាំការដោះស្រាយរបស់គណកម្មការចំរុះព្រុំដែនJBCនេះគឺកើ់តឡើងបន្ទាប់ពីមេយោធាភូមិភាគ១ថៃថ្មីលោកឧត្តមសេនិយ៍វរៈយុទកធលឿងស៊ុងវ៉ានបានចុះទៅពិនិត្យភូមិសាស្ត្រភូមិព្រៃមានភូមិជោគជ័យ។ការចុះត្រួតពិនិត្យគឺក្រោយពេឡទាហ៊ានថៃចាប់ប្រជាពលរដ្ឋខ្មែរដែលលួចឆ្លងដែនទៅរកការងារធ្វើនៅស្រុកថៃផងដែរ។

ទោះបីយ៉ាងណាមានសេចក្តីរាយការណ៍ថាលោកអនុទីនឆានវិរៈគុននាយករដ្ឋមន្ត្រីបានប្រកាសផ្អាកមិនទាន់ឲ្យធ្វើសកម្មភាពរុះរើបណ្តេញប្រជាពលរដ្ឋនៅភូមិព្រៃមាន់ភូមិជោគជ័យដែលឳសានុវាទមកដលត្រឹមថ្ងៃទី១០តុលាខាងមុខនេះទេដោយសំអាងមូលហេតុមនុស្សធម៍៕