មន្ត្រីព្រំដែនកម្ពុជាវៀតណាមកោះធំ អនុញ្ញាតឱ្យសាច់គោ និងភ្លៅមាន់ជាង៨តោន នាំចូលពីវៀតណាមមន្ត្រីកសិកម្មអ្នកចាប់!?

ACU បើកការស៊ើបអង្កេតលោក ស៊ាន បូរ៉ាត់ និងឧត្តមសេនីយ៍ឯក ស ថាវី ក្នុងសំណុំរឿងអតីតឧកញ៉ា ឡេង ចាន់ណា!

កម្ពុជាត្រូវការកម្លាំងពលកម្មប្រមាណជាង ២៥ម៉ឺនកន្លែងក្នុងពេលពលករនៅថៃមានជាង១លាននាក់

រាជរដ្ឋាភិបាល ដំណើរការចាប់ឆ្នោតជុំទី១ សម្រាប់ពលរដ្ឋដែលបានដាក់ពាក្យស្នើសុំដី នៃកម្មវិធីផ្តល់ដី

មានមនុស្សមកបំពានចាក់ដីលុបទំនប់មេទឹកឃុំតាសាលស្រុកឱរ៉ាល់ខេត្តកំពង់ស្ពឺយកធ្វើកម្មសិទ្ធអាជ្ញាធរប៉ក់ល្វើយ

ប្រធា នាធិបតី បារាំងសន្យានឹងជួយសម្រួលផ្ដល់ឯកសារផ្សេងៗដល់កម្ពុជា-ថៃ សម្រាប់ដំណើរការទៅកាន់តុលាការយុតិ្តធម៌អន្តរជាតិ ICJ?

ការចរចាពន្ធបដិការ កម្ពុជា-អាមេរិក បានត្រឹមឯកភាពលើបញ្ញត្តិជាច្រើនមិនទាន់បានផលអីទេ

ជាច្រើនទៀត

ចំនួនអ្នកទស្សនា

ថ្ងៃនេះ 5875 នាក់

ម្សិលមិញ 5272 នាក់

សរុប 17111500 នាក់

សហរដ្ឋអាម៉េរិក និងចិន ព្រមព្រៀងលើលក្ខខណ្ឌពាណិជ្ជកម្មជាមូលដ្ឋាន ក្រោយចរចា ២ថ្ងៃនៅក្នុងទីក្រុងឡុងដ៍ឯប្រទេសផ្សេងៗទុកសិន

07-June-2025 / ព័ត៌មានអន្តរជាតិ

អាមេរិក៖ ប្រធានាធិបតីសហរដ្ឋអាមេរិក លោក Donald Trump កាលពីថ្ងៃពុធ១១ ខែមិថុនា បានប្រកាសថា ទំនាក់ទំនងជាមួយប្រទេសចិនល្អប្រសើរណាស់ បន្ទាប់ពីកិច្ចចរចាពាណិជ្ជកម្មរយៈពេលពីរថ្ងៃ បានផ្តល់កិច្ចព្រមព្រៀងក្របខ័ណ្ឌមួយ ដែលរួមបញ្ចូលសម្បទានរបស់ចិន លើវត្ថុធាតុរ៉ែកម្រជាមួយទីក្រុងវ៉ាស៊ីនតោន ដែលអនុញ្ញាតឱ្យនិស្សិតចិន សិក្សានៅសាកលវិទ្យាល័យនានារបស់អាមេរិក។ a china eco us3

នៅលើបណ្ដាញសង្គម Truth Social លោក Trump បាននិយាយថា កិច្ចព្រមព្រៀងរបស់លោកជាមួយប្រទេសចិន បានធ្វើរួចរាល់ហើយ។ ប៉ុន្តែលោកបានកត់សម្គាល់ថាវានៅតែងក្រោយពីប្រធានាធិបតីចិន Xi Jinping និងរូបលោកផ្ទាល់។នៅក្រោមកិច្ចព្រមព្រៀងនេះ ប្រទេសចិន នឹងផ្គត់ផ្គង់រ៉ែ និងមេដែកកម្រសម្រាប់ឧស្សាហកម្មអាមេរិក ខណៈទីក្រុងវ៉ាស៊ីនតោននឹងអនុញ្ញាតឱ្យនិស្សិតចិនបន្តការសិក្សាក្នុងបណ្ដាសាកលវិទ្យាល័យអាមេរិក ដែលជាការបញ្ច្រាសពីការគំរាមកំហែងកាលពីកន្លងទៅក្នុងការលុបចោលទិដ្ឋាការរបស់ពួកគេ។

លោក Trump បានបន្ថែមថា លោកប្រធានាធិបតី Xi និងរូបលោក នឹងធ្វើការយ៉ាងជិតស្និទ្ធជាមួយគ្នា ដើម្បីបើកចំហប្រទេសចិន ចំពោះពាណិជ្ជកម្មអាមេរិក ។ករណីយ៍នេះដែររដ្ឋមន្ត្រីក្រសួងពាណិជ្ជកម្មអាមេរិក លោក Howard Lutnick បាននិយាយថា កិច្ចពិភាក្សានៅទីក្រុងឡុងដ៍គឺ ស្ថិតនៅលើផ្លូវត្រូវទាំងស្រុង ដោយបន្ថែមថាទីក្រុងប៉េកាំង នឹងចាប់ផ្តើមអនុម័តកម្មវិធីមេដែកអាមេរិកភ្លាមៗ បន្ទាប់ពីការយល់ព្រមផ្លូវការនៃកិច្ចព្រមព្រៀងនេះ ហើយអាមេរិកនឹងដកវិធានការនៅពេលចិនចាត់វិធានការលើការងារនេះ។

រដ្ឋមន្ត្រីក្រសួងរតនាគារលោកអាមេរិក Scott Bessent បានព្រមានថាកិច្ចព្រមព្រៀងទូលំទូលាយជាមួយប្រទេសចិននឹងចំណាយពេលដំណើរការយូរ ដោយនិយាយថាវាអាចទៅរួចដើម្បីធ្វើឱ្យមានតុល្យភាពឡើងវិញនូវទំនាក់ទំនងសេដ្ឋកិច្ចជាមួយទីក្រុងប៉េកាំងបាន លុះត្រាតែទីក្រុងប៉េកាំងបង្ហាញភាពជាដៃគូដែលអាចទុកចិត្ត បានក្នុងការចរចាពាណិជ្ជកម្ម។

សូមបញ្ជាក់ថាសហរដ្ឋអាម៉េរិក-ចិន៖ សហរដ្ឋអាម៉េរិកនិងចិន បានឈានដល់កិច្ចព្រមព្រៀងជាមូលដ្ឋាន ជុំវិញរបៀបឬលក្ខខណ្ឌដែលភាគីទាំងពីរនឹងឆ្ពោះទៅមុខលើផ្នែកពាណិជ្ជកម្ម ដោយរឿងនេះ បានកើតឡើងបន្ទាប់ពីមានកិច្ចពិភាក្សារយៈពេលពីរថ្ងៃនៅឯទីក្រុងឡុងដ៍ ចក្រភពអង់គ្លេស ។

មន្ត្រីចរចាពាណិជ្ជកម្មអន្តរជាតិនៃក្រសួងពាណិជ្ជកម្មចិន លោក លី ឆឹងហ្គាង (Li Chenggang) បានថ្លែងប្រាប់ទៅកាន់អ្នកសារព័ត៌មានថា កិច្ចព្រមព្រៀងនេះ ផ្អែកលើអ្វីដែលមេដឹកនាំនៃប្រជាជាតិទាំងពីរ បានពិភាក្សាគ្នារួចមកហើយក្នុងអំឡុងកិច្ចសន្ទនាតាមទូរសព្ទកាលពីថ្ងៃទី៥ ខែមិថុនា និងក្នុងអំឡុងកិច្ចពិភាក្សាកាលពីខែមុននៅឯទីក្រុងហ្សឺណែវ ។រដ្ឋមន្ត្រីក្រសួងពាណិជ្ជកម្មអាមេរិក លោក Howard Lutnick បាននិយាយកាលពីថ្ងៃអង្គារ (១០ មិថុនា) នៅពេលបញ្ចប់កិច្ចចរចាពាណិជ្ជកម្មរយៈពេលពីរថ្ងៃនៅទីក្រុងឡុងដ្រ៍ របស់ចក្រភពអង់គ្លេសថា ក្រុមមន្ត្រីសហរដ្ខអាមេរិក និងប្រទេសចិន បានព្រមព្រៀងលើក្របខ័ណ្ឌមួយ ដើម្បីបន្តកិច្ចព្រមព្រៀងពាណិជ្ជកម្មរបស់ភាគីទាំងពីរឡើងវិញ និងដោះស្រាយការរឹតបន្តឹងលើការនាំចេញរបស់ចិន លើរ៉ែកម្រ និងមេដែកដ៏សំខាន់។

លោក Lutnick បានប្រាប់អ្នកយកព័ត៌មានថា ក្របខណ្ឌនោះបានដាក់ "ខ្លឹមសារពេញលេញបន្ថែម" លើកិច្ចព្រមព្រៀងដែលបានឈានដល់កាលពីខែមុនក្នុងទីក្រុងហ្សឺណែវ ដើម្បីបន្ធូរបន្ថយពន្ធសងសឹកគ្នាទៅមក រួមទាំងការគ្រប់គ្រងរបស់ចិន លើការនាំចេញសារធាតុរ៉ែសំខាន់ៗ។ លោកបន្តថា កិច្ចព្រមព្រៀងនេះក៏នឹងលុបចោលការរឹតបន្តឹងលើការនាំចេញមួយចំនួនរបស់សហរដ្ឋអាមេរិក ដែលត្រូវបានដាក់ឱ្យដំណើរការនាពេលថ្មីៗនេះផងដែរ។

នៅក្នុងបទសម្ភាសន៍ដាច់ដោយឡែកមួយ អនុរដ្ឋមន្ត្រីពាណិជ្ជកម្មចិន លោក Li Chenggang ក៏បាននិយាយផងដែរថា ក្របខ័ណ្ឌពាណិជ្ជកម្មមួយត្រូវបានឈានដល់ ដែលនឹងត្រូវនាំយកទៅវិញឱ្យមេដឹកនាំសហរដ្ឋអាមេរិក និងចិនពិនិត្យ។ លោក Li បានប្រាប់អ្នកយកព័ត៌មានថា "ជាគោលការណ៍ ភាគីទាំងពីរបានឈានដល់ក្របខ័ណ្ឌមួយសម្រាប់អនុវត្តការឯកភាព ដែលប្រមុខរដ្ឋទាំងពីរសម្រេចបាន អំឡុងកិច្ចសន្ទនាតាមទូរសព្ទកាលថ្ងៃទី០៥ ខែមិថុនា ហើយនិងការឯកភាពគ្នាដែលបានឈានដល់នៅឯកិច្ចប្រជុំទីក្រុងហ្សឺណែវ"។

កាលពីថ្ងៃពុធ ទី១១ ខែមិថុនា ប្រធានាធិបតីអាមេរិក លោក ដូសម្រាប់ការដាក់ពន្ធលើប្រទេសផ្សេងៗវិញលោកដូណាល់ ត្រាំ បាននិយាយថា រូបលោកនឹងស្ម័គ្រចិត្តពន្យារពេលថ្ងៃកំណត់ «៨ កក្កដា» សម្រាប់កិច្ចចរចាពាណិជ្ជកម្មជាមួយបណ្តាប្រទេសនានា មុនពេលការយកពន្ធគយខ្ពស់របស់អាមេរិក ត្រូវចូលជាធរមាន ប៉ុន្តែរូបលោកមិនជឿថា វានឹងចាំបាច់នោះឡើយ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។

ការផ្អាកជាបណ្តោះអាសន្នរយៈពេល៩០ថ្ងៃ នៃការអនុវត្តវិធានការពន្ធបដិការរបស់លោក ត្រាំ នឹងផុតកំណត់នៅថ្ងៃទី៨ ខែកក្កដាខាងមុខ ហើយមកទល់នឹងពេលនេះ អាមេរិកសម្រេចបាន កិច្ចព្រមព្រៀងពាណិជ្ជកម្មតែមួយប៉ុណ្ណោះ គឺជាមួយចក្រភពអង់គ្លេស ខណៈការចរចាជាមួយប្រទេសជាច្រើនដទៃទៀត កំពុងបន្តស្ថិតក្នុងដំណាក់កាលផ្សេងៗគ្នា។កាលពីថ្ងៃពុធ រដ្ឋមន្ត្រីហិរញ្ញវត្ថុអាមេរិក លោក Scott Bessent ក៏បានប្រាប់គណៈកម្មាធិការព្រឹទ្ធសភាអាមេរិកផងដែរថា រដ្ឋបាល លោក ត្រាំ អាចនឹងពន្យារថ្ងៃផុតកំណត់ នៃកិច្ចចរចាពាណិជ្ជកម្ម សម្រាប់បណ្តាប្រទេសទាំងឡាយ ដែលកំពុងចរចាដោយសុឆន្ទៈជាមួយអាមេរិក។គួរបញ្ជាក់ថា លោក ត្រាំ បានប្រកាសការផ្អាកវិធានការពន្ធបដិការរបស់លោក កាលពីថ្ងៃទី៩ ខែមេសា ពោលគឺមួយសប្តាហ៍ ក្រោយបង្ហាញចេញនូវចំណាត់ការយកពន្ធដ៏ចម្រូងចម្រាសទៅលើ ដៃគូពាណិជ្ជកម្មស្ទើរតែទាំងអស់របស់សហរដ្ឋអាមេរិក៕ a china eco us1 a china eco us2