វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4202 នាក់
ម្សិលមិញ 10264 នាក់
សរុប 14143384 នាក់
រុស្ស៊ី៖ បានដាក់ចេញវិធានការរដ្ឋបាលប្រឆាំងក្រុមហ៊ុន Facebook និង Twitter ហើយនៅថ្ងៃចន្ទនេះកពុងប្រឈមកាលបង្ក្រាបពីអាជ្ញាធរឃ្លាំមើលប្រព័ន្ធផ្សព្វផ្សាយរុស្ស៊ី Roskomnadzorដោយស្ថាបន័មួយនេះបានចោទថាក្រុមហ៊ុនបណ្ដាញទំនាក់ទំនងសង្គមអាមេរិកទាំងពីរមិនបានគោរពតាមច្បាប់របស់រុស្ស៊ី។
នៅថ្ងៃចន្ទ ទី២១ ខែមករា ឆ្នាំ២០១៩សារព័ត៌មាន Channel News Asia ដកស្រង់សម្តីលោក Alexander Zharov ប្រធាន Roskomnadzor មកផ្សាយថា៖«នៅថ្ងៃនេះ Roskomnadzor បានចាប់ផ្ដើមដាក់ចេញនូវវិធានការរដ្ឋបាលនានាប្រឆាំងក្រុមហ៊ុន Facebook ក៏ដូចជា Twitter»។ ក្រុមហ៊ុន អាមេរិកទាំងពីរនេះមិនបានផ្ដល់ព័ត៌មានគួរឱ្យទុកចិត្តស្ដីពីការកំណត់ទិន្នន័យរបស់អ្នកប្រើប្រាស់នៅលើទឹកដីរុស្ស៊ីនោះទេ ហើយមិនតែប៉ុណ្ណោះ ពួកគេក៏មិនបានផ្ដល់ព័ត៌មានលម្អិតពីគម្រោងស្ដុកទុកទិន្នន័យអ្នកប្រើប្រាស់ដែរ។
គួរបញ្ជាក់ថា អាជ្ញាធរុស្ស៊ីបានព្រមានក្រុមហ៊ុន Facebook និង Twitter ជាច្រើនលើកថាអាចនឹងប្រឈមមុខនឹងការបិទដំណើរការតែម្ដង បើ សិនជាមិនព្រមគោរពតាមច្បាប់ឆ្នាំ២០១៤ ដែលបានតម្រូវឱ្យក្រុមហ៊ុនបណ្ដាញទំនាក់ទំនងសង្គម ស្ដុកទុកទិន្នន័យអ្នកប្រើប្រាស់ជាជនជាតិ រុស្ស៊ីនៅក្នុងប្រទេសរុស្ស៊ី។ សូមបញ្ជាក់ថា៖ កាលពីឆ្នាំ២០១៦ ក្រុមហ៊ុន LinkedIn ត្រូវបានបិទដំណើរការដ៏គួរឱ្យភ្ញាក់ផ្អើលក្រោយអាជ្ញាធររុស្ស៊ី Roskomnadzor អះអាងថាក្រុមហ៊ុននេះបានរំលោភលើច្បាប់ស្ដុកទុកទិន្នន័យ៕