អាល្លឺម៉ង់ បើកដៃឲ្យអ៊ុយក្រែន យកអាវុធណាតូ វាយប្រហារចូលជ្រៅក្នុងដីរុស្ស៊ីជួនពេលដែលត្រាំថាពូទីនឆ្កួត
07-May-2026 / ព័ត៌មានអន្តរជាតិ
រុស្ស៊ី៖មេដឹកនាំវិមានក្រឹមឡាំង វ្ល៉ាឌីមៀរ ពូទីន មិនសប្បាយចិត្ត ចំពោះប្រទេសអាល្លឺម៉ង់ដែល បើកដៃឲ្យអ៊ុយក្រែន យកអាវុធរបស់អង្គការណាតូ ទៅបាញ់ចូលជ្រៅក្នុងទឹកដីរុស្ស៊ី ដែលការបើកដៃនេះ នឹងធ្វើឲ្យភ្លើងសង្គ្រាមកាន់តែឆាបឆេះ។
រូបភាពពូទីនជួបរដ្ឋមន្ត្រីការបរទេសតួគី
តាមសេចក្តីប្រកាសរបស់អធិកាបតីអាល្លឺម៉ង់ហ្វ្រេឌ្រិកមែ( Friedrich Merz) កាលពីថ្ងៃចន្ទទី២៦ខែឧសភាឆ្នាំ២០២៥បង្ហាញថាទីក្រុងបែរឡាំងនិងខ្នងបង្អែកលោកខាងលិចផ្សេងទៀតរបស់អ៊ុយក្រែន លែងដាក់កំហិតទីក្រុងកៀវ លើការប្រើប្រាស់សព្វាវុធដែលពួកគេជួយទៀតហើយ។ អ៊ុយក្រែនអាចការពារខ្លួនតាមរយៈការវាយប្រហារទីតាំងយោធាក្នុងប្រទេសរុស្ស៊ី ដោយប្រើបានទាំងមីស៊ីលអង់គ្លេស បារាំង អាល្លឺម៉ង់ ឬសហរដ្ឋអាមេរិក។ប្រតិកម្មតបភាគីរុស្ស៊ីបញ្ចេញប្រតិកម្មខ្លាំងៗ ដោយអ្នកនាំពាក្យវិមានក្រឹមឡាំង Dmitry Peskov និយាយថា ការសម្រេចចិត្តនេះ គឺផ្ទុយទៅនឹងកិច្ចខិតខំប្រឹងប្រែងរបស់រុស្ស៊ី ឆ្ពោះទៅដំណោះស្រាយជម្លោះដោយសន្តិវិធី?។ លោក Peskov ព្រមានថា «នេះពិតជាការសម្រេចចិត្តដ៏គ្រោះថ្នាក់ ម្តងទៀតហើយ ប្រសិនបើពួកគេពិតជាធ្វើមែន»។
ការប្រកាសបើដៃរបស់ប្រទេសក្នុងប្លុកណាតូនេះគឺបន្ទាប់ពីរដ្ឋការវិមានក្រឹមឡាំងបានបើកការវាយប្រហារយ៉ាឃោឃៅដោយប្រើដ្រូននិងកាំជ្រួចបាញ់ចូលទិក្រុងគៀវនិងក្រុងផ្សេងទៀតរបស់អ៊ុក្រែនបណ្តាលឲ្យមានជនស៊ីវិលស្លាប់និងរបួសជាច្រើននាក់។មិនត្រឹមតែប៉ុណ្ណោះរុស្ស៊ីបានបើកប្រតិបត្តិការវាយដណ្តើមយកភូមិចំនួន៤នៅតំបន់។ករណីយ៍វាយប្រហារសម្លាប់មនុស្សពីរុស្ស៊ីនេះដែរថ្លែងប្រាប់អ្នកសារព័ត៌មានមុនពេលឡើងយន្តហោះ Air Force One នៅក្នុងទីក្រុង Morristown នៃរដ្ឋ New Jersey កាលពីថ្ងៃចន្ទទី២៦ខែឧសភាឆ្នាំ២០២៥ ប្រធានាធិបតីអាមេរិក ដូណាល់ ត្រាំ និយាយថា ទីក្រុងវ៉ាស៊ីនតោន នឹងដាក់ទណ្ឌកម្មដែលធ្វើឲ្យរុស្ស៊ីភ្ញាក់ផ្អើល។
លោកត្រាំ គំរាមប្រើធម៌ក្តៅបែបនេះ បន្ទាប់ពីលោកហៅប្រធានាធិបតីរុស្ស៊ី វ្ល៉ាឌីមៀរ ពូទីន ថា ជាមនុស្សឆ្កួតមែនទែនហើយ ដោយសារតែមេដឹកនាំវិមានក្រឹមឡាំង នៅតែបន្តសម្លាប់មនុស្សមិនព្រមឈប់វាយប្រហារអ៊ុយក្រែនសោះ។
ឆ្លើយតបសំណួរអ្នកសារព័ត៌មានអំពីការដាក់ទណ្ឌកម្មធ្ងន់ធ្ងរលើរុស្ស៊ី ប្រមុខសេតវិមានលើកឡើងថា «មែនហើយ ពិតជាអ៊ីចឹងមែន! ពូទីន បាញ់រ៉ុកកែតលើទីក្រុងនានានិងសម្លាប់មនុស្ស។ ខ្ញុំមិនពេញចិត្តទាល់តែសោះ។ គាត់សម្លាប់មនុស្សច្រើនណាស់ ខ្ញុំមិនដឹងថាគាត់កើតស្អីទេ»។
មុននេះដែរ លោក ត្រាំ បានបញ្ជាក់យ៉ាងច្បាស់ហើយថា ប្រសិនបើ ពូទីន ចង់លេបយកប្រទេសអ៊ុយក្រែនទាំងមូលមែននោះ រុស្ស៊ីនឹងដួលរលំ ជាក់ជាមិនខាន។ដ្បិតថាលោក ត្រាំព្រមានម្តងហើយម្តងទៀតក៏ដោយ ប៉ុន្តែលោកពូទីនមិនខ្វល់ឡើយ ដោយនៅតែផ្គើនវាយប្រហារអ៊ុយក្រែន ជាពិសេសនៅថ្ងៃចន្ទដដែលនោះ ទីក្រុងមូស្គូបានបញ្ជូនដ្រូន៣៥៥គ្រឿង បាញ់ស្រោចលើអ៊ុយក្រែន ជាទ្រង់ទ្រាយធំបំផុតមិនធ្លាប់មានសោះ ក្នុងសង្គ្រាមអាយុកាលជាង៣ឆ្នាំមួយនេះ។ការវាយប្រហារចុងក្រោយនេះ គឺជាការបាញ់ស្រោច ៣យប់ជាប់គ្នារបស់រុស្ស៊ី លើប្រទេសអ៊ុយក្រែន ហើយក្រៅពីដ្រូន ទីក្រុងមូស្គូក៏បាញ់មីស៊ីលចំនួន៩គ្រាប់ផងដែរ.។
ទោះបីយ៉ាងសកម្មភាពការទូតដើម្បីបញ្ចប់សង្គ្រាមនៅតែបន្តផងដែរ។ជាស្តែងក្រសួងការបរទេសតួកគី បានឱ្យដឹងថា ប្រធានាធិបតីរុស្ស៉ី លោក វ្ល៉ាឌីមៀ ពូទីន និងរដ្ឋមន្រ្តីការបរទេសតួកគី លោក Hakan Fidan បានពិភាក្សាអំពីរបៀបបិទបញ្ចប់សង្រ្គាមនៅអ៊ុយក្រែន និងការវិវឌ្ឍចាប់តាំងពីមានកិច្ចចរចាផ្ទាល់រុស្ស៉ី-អ៊ុយក្រែន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី២៧ ខែឧសភា ឆ្នាំ ២០២៥។
លោក Fidan កំពុងស្ថិតនៅក្នុងទីក្រុងមូស្គូ សម្រាប់ដំណើរទស្សនកិច្ចរយៈពេលពីរថ្ងៃ ជាទីដែលលោកបានជួប លោក ពូទីន និងប្រធានអ្នកចរចារុស្ស៉ី លោក Vladimir Medinsky។ លោក Fidan ត្រូវជួបរដ្ឋមន្រ្តីការបរទេសរុស្ស៉ី លោក Sergei Lavrov នៅថ្ងៃអង្គារនេះ។ ក្រៅពីរឿងសង្រ្គាមរុស្ស៉ី-អ៊ុយក្រែន លោកពូទីន និងលោក Fidan បានជជែកអំពីទំនាក់ទំនងទ្វេភាគី លើបញ្ហាសេដ្ឋកិច្ច និងថាមពលផងដែរ។
លោកអធីការបតីអាល្លឺម៉ង់
