» ប្រធាន​គណបក្សកាន់អំណាច​សន្យា​បន្តដំណើរ​លើ​មាគ៌ា​ប្រជាធិបតេយ្យ​សេរី ពហុបក្ស និង នីតិរដ្ឋ​ » ប្រជាពលរដ្ឋ​ក្តៅ​រឿង​សណ្ឋាគារ​ព្រី​នប​ង្ហូ​ទឹក​សម្អុយ​ចូល​ផ្ទះ​ » អ្នករកស៊ី​តាម​អន​ឡាញ​បើ​មិន​ចុះបញ្ជីរ​នឹង​ប្រឈម​ការផាកពិន័យ​ » ឧកញ៉ា​ម្នាក់​ប្តឹង​ប៉េអឹម​ឲ្យ​ចាប់ខ្លួន​ជំនួយការ​ខ្លួន​រឿង​កឹ​ប​លុយ​ » លោក សោម ច័ន្ទឌីណា​អនុរដ្ឋលេខាធិការ ក្រសួងមហាផ្ទៃ ចេញ​លិខិតអញ្ជើញ អគ្គនាយិកា សារព័ត៌មាន​”​នគរវត្ត​”​ចូល​បំភ្លឺ ទទួល​ប្រតិកម្ម​ថា​សំអាង​លើ​ច្បាប់​អី​? » ចាប់​មនុស្ស​៣​នាក់​បញ្ជូនទៅ​តុលាការ រឿង​ក្លែង​ឯកសារ​ដក​លុយ​ពី​ធនាគារ​ » អាទិត្យ​ដើមខែ​កក្កដា​ភ្លៀង​និង​មាន​ខ្យល់​កន្ត្រាក់​រន្ទះ​ដដែល​ប្រ​យ​ត្ន័​ផង​ » មេដឹកនាំ​ប្រទេស​ឧស្សាហកម្ម​ជឿនលឿន​(G7)​ប្តេជ្ញា​ធ្វើជា​ដៃគូរ​យូរអង្វែង​ជាមួយ​អ៊ុយ​ក្រែ​ន​និង​ស្វែង​លុយ​ដើម្បី​ទប់ទល់​ជាមួយ​ចិន » ប្រេសិត​ពិសេស​ប្រធាន​អាស៊ាន​ស្នើ​មេដឹកនាំ​យោធា​មី​យ៉ាន់​ម៉ា​ឱ្យ​បញ្ជូន​លោកស្រី អោ​ង​សាន ស៊ូ​ជី​ពី​គុក មក​ឃុំ​នៅ​លំនៅដ្ឋាន​វិញ​ » ក្រសួងសុខាភិបាល​ប្រកាស​ពី​ការ​ផ្ទះ​ច​ម្ងឺ​កាមរោគ​ស្វាយ​! » ចាក់​សម្លាប់​ក្មួយ​ឯង​យ៉ាង​សាហាវ​ដោយសារ​គំនំ​ » កម្មវិធី​ប្រកួត​បវរកញ្ញា​ខ្ទើយ​អ្នក​គ្រង​មកុដ​មកពី​ហ្វីលីពីន​កម្ពុជា​បាន​ត្រឹម​ជា​ស្រី​ថតរូប​ស្អាត​ » កាលី​នី​ន​ក្រា​ត​ទឹកដី​ដែល​អាច​បង្កើន​ភាព​តានតឹង​រវាង​រុស្ស៊ី​និង​ណា​តូ? » ក្រុម​ជន​ងងឹត​ប្រដាប់អាវុធ​បាញ់​ត្រូវ​អធិការរង​នគរបាល​ក្រុង​សីហនុ​រងរបួស​ចាប់ខ្លួន​បាន​ហើយ​! » ផ្លូវជាតិ​លេខ​១០​ថ្មី​ពី​សំឡូត​-​វាលវែង​-​អូរ​សោម​ដល់​កោះកុង​សង់​បាន​៦០​ភាគរយ​ហើយ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5114 នាក់

ម្សិលមិញ 7552 នាក់

សរុប 10991089 នាក់

លី​ទុយ​អា​នី​បិទ​ច្រក​ដឹកទំនិញ​ទៅកាន់​ដែនដី​កាលី​នី​ន​ក្រា​តរបស់​រុស្ស៊ី​

​ប្រទេស​លី​ទុ​អា​នី​៖​ក្រសួងការបរទេស​រុស្ស៊ី​នៅ​ថ្ងៃ​ចន្ទ ទី​២០​មិថុនា បាន​តវ៉ា​ជំទាស់ ចំពោះ​ប្រទេស​លី​ទុយ​អា​នី ដែល​បានសម្រេច រឹតបន្តឹង​ការដឹក​ទំនិញ​តាម​រថភ្លើង​ឆ្លងកាត់​ប្រទេស​នេះ ឆ្ពោះទៅកាន់​ដែនដី​រុស្ស៊ី នៅ​តំបន់​កាលី​នី​ង​ហ្ក្រា​ដ​។ លី​ទុយ​អា​នី ដែលជា​សមាជិក​អឺរ៉ុប និង​អូតង់​ផង​នោះ បាន​អះអាងថា ខ្លួន​ធ្វើ​នេះ​ដោយ​អនុលោម​ទៅតាម​វិធានការ​ទណ្ឌកម្ម របស់​សហភាព​អឺរ៉ុប​ដាក់​ទៅលើ​រុស្ស៊ី​។a liningrad1 

រដ្ឋមន្ត្រី​ក្រសួងការបរទេស​លី​ទុយ​អា​នី បាន​ប្រាប់​អ្នកយកព័ត៌មាន​ទីភ្នាក់ងា​របា​រាំង AFP ថា​ខ្លួន​បានចាប់ផ្តើម​អនុវត្ត​ការដាក់កំហិត ហាមឃាត់​ការដឹកជញ្ជូន​ទំនិញ ដែកថែប និង​លោហៈធាតុ​ផ្សេងទៀត ដែល​រុស្ស៊ី​ដឹក​តាម​ផ្លូវដែក ឆ្លងកាត់​ប្រទេស​ខ្លួន ឆ្ពោះទៅកាន់​ដែនដី កាលី​នី​ង​ហ្ក្រា​ដ ចាប់ពី​ថ្ងៃទី ១៧​មិថុនា​។ ការហាមឃាត់​នេះ គឺ​ដោយ​អនុលោម ទៅតាម​វិធានការ​ទណ្ឌកម្ម​របស់​សហភាព​អឺរ៉ុប ហើយ​ខ្លួន​បាន​ជូនដំណឹង​នេះ ទៅកាន់​ភាគី​រុស្ស៊ី ឲ្យ​បានដឹង​ហើយ​។​

​ក្រសួងការបរទេស​រុស្ស៊ី បាន​ចោទ​វិធានការ​ហាមឃាត់​របស់​លី​ទុយ​អា​នី ថា​ជា​វិធានការ​រករឿង ប្រឆាំងនឹង​រុស្ស៊ី​។ ទូត​លី​ទុយ​អា​នី​ប្រចាំ​នៅ​ក្រុង​ម៉ូស្គូ ត្រូវបាន​ក្រសួងការបរទេស​រុស្ស៊ី កោះហៅ​ឲ្យ​ចូលជួប ពន្យល់​ពី​បញ្ហា​នេះ​។ លោក Dmitri Peskov អ្នកនាំពាក្យ​វិមាន​ក្រឹម​ឡាំង បាន​លើកឡើងថា បញ្ហា​នេះ ជា​រឿង​មិនអាច​ទទួលយក​បានជា​ដាច់ខាត ហើយ​រុស្ស៊ី​នឹង​ចាត់វិធានការ​សង​សិ​ក​វិញ ប្រសិនបើ​លី​ទុយ​អា​នី មិន​បើក​ឲ្យ​ទំនិញ​រុស្ស៊ី​ឆ្លងកាត់​តាមផ្លូវ​ដែក ឆ្ពោះទៅកាន់​តំបន់​កាលី​នី​ង​ហ្ក្រា​ដ​។ ក្រសួងការបរទេស​រុស្ស៊ី​បាន​អះអាង​ទៀតថា ការហាមឃាត់​ទំនិញ​រុស្ស៊ី​មិន​ឲ្យ​ឆ្លងកាត់​ដែនដី​អឺរ៉ុប ឆ្ពោះទៅកាន់​តំបន់​កាលី​នី​ង​ហ្ក្រា​ដ គឺ​វា​ជាការ​បំពាន​ទៅនឹង​កិច្ចព្រមព្រៀង រវាង​រុស្ស៊ី​និង​សហភាព​អឺរ៉ុប ចុះ​នៅ​ឆ្នាំ​២០០២​។​

​ទាក់ទង​និង​បំរាម​នេះ​អភិបាល​តំបន់​កាលី​នី​ង​ហ្ក្រា​ដ បាន​អះអាងថា គេ​នឹង​ចាប់ផ្តើម​បញ្ជូន​ទំនិញ​តាមផ្លូវ​សមុទ្រ​វិញ ប្រសិនបើ​លី​ទុយ​អា​នី​នៅតែ​មិន​ព្រម​ដកចេញ​បម្រាម​។ ប្រភព​ដដែល​នេះ អះអាងថា ទំនិញ​យ៉ាងហោច ពី​៤០ ទៅ​៥០% ដែល​ត្រូវបាន​ប៉ះពាល់ មិនអាច​ដឹក​តាមផ្លូវ​ដែក​បាន ក្នុងនោះ​មាន​ធ្យូងថ្ម ទំនិញ​លោហៈធាតុ សម្ភារៈ​សំណង់ និង​ទំនិញ​បច្ចេកវិទ្យា​ទំនើប​មួយចំនួន​។​

​តំបន់​កាលី​នី​ង​ហ្ក្រា​ដ គឺជា​ដែនដី​សហភាពសូវៀត​បាន​វាយ​ដណ្តើមបាន នៅ​ឆ្នាំ​១៩៤៥​។ ក្រោយ​ការដួលរលំ​នៃ​របប​សហភាពសូវៀត រដ្ឋ​របស់​សហភាពសូវៀត​ជាច្រើន​បានប្រកាស​ឯករាជ ទុក​ឲ្យ​ដែនដី​កាលី​នី​ង​ហ្ក្រា​ដ នៅ​ដាច់​តែម្នាក់ឯង​ជាប់​សមុទ្រ​បាល់​ទិ​ក និង​ព័ទ្ធ​ដោយ​ប្រទេស​ប៉ូឡូញ និង​លី​ទុយ​អា​នី​។ តំបន់​នេះ មាន​សារៈសំខាន់​យុទ្ធសាស្ត្រ​ណាស់ សម្រាប់​រុស្ស៊ី ព្រោះ​ជា​មូលដ្ឋាន​ជួរមុខ របស់​កងទ័ព​រុស្ស៊ី នៅ​កណ្តាល​ប្រទេស​សមាជិក​អឺរ៉ុប និង​អូតង់​តែម្តង​។ ជានិច្ច​ជា​កាល តំបន់​កាលី​នី​ង​ហ្ក្រា​ដ​នេះ តែងតែ​ជា​ចំណុចរសើប​បង្ក​ការ​ថ្នាំងថ្នាក់ រវាង​លោកខាងលិច ជាមួយនឹង​រុស្ស៊ី​។ គឺ​នៅ​កាលី​នី​ង​ហ្ក្រា​ដ​នេះហើយ ដែល​រុស្ស៊ី​បានដាក់​បញ្ឈរ ប្រព​ន្ធ័​បាញ់​មី​ស៊ី​ល Iskander ដែលមាន​សមត្ថភាព​ពា​ក់​ក្បាល​គ្រាប់​នុយក្លេអ៊ែរ​៕a lituany