វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 581 នាក់
ម្សិលមិញ 5378 នាក់
សរុប 14079874 នាក់
កូរ៉េខាងជើង៖នៅថ្ងៃទី១៧ខែឧសភា អង្គការសុខភាពពិភពលោក WHO បានប្រកាសសន្យាជួយដល់កូរ៉េខាងជើងទប់ស្កាត់ការឆ្លងរាលដាលកូវីដ-១៩ ។បណ្ឌិត Poonam Khetrapal Singh អគ្គនាយកអង្គការ WHO ប្រចាំនៅតំបន់អាស៊ីអាគ្នេយ៍បានលើកឡើងថា អង្គការសុខភាពពិភពលោកបានបង្ហាញពីក្តីព្រួយបារម្ភយ៉ាងខ្លាំងពីការឆ្លងរាលដាលកូវីដ-១៩នៅកូរ៉េខាងជើង ។ ទន្ទឺមនឹងនោះWHO បានសន្យាជួយដល់កូរ៉េខាងជើងទប់ស្កាត់កូវីដ-១៩ ។ នៅពេលនេះដែរ កូរ៉េខាងជើង បានចល័តយោធារបស់ខ្លួនដើម្បីចែកចាយថ្នាំព្យាបាលជំងឺ COVID-19 និងដាក់ពង្រាយបុគ្គលិកសុខាភិបាលច្រើនជាង ១០,០០០នាក់ ដើម្បីតាមដានអ្នកជំងឺដែលមានរោគសញ្ញា ខណៈដែលប្រទេសមួយនេះកំពុងប្រយុទ្ធប្រឆាំងនឹងជំងឺឆ្លងមួយនេះ។
តាមសារព័ត៌មានរដ្ឋកូរ៉េខាងជើង KCNA, យោធាកូរ៉េខាងជើងត្រូវបានដាក់ពង្រាយភ្លាមៗដើម្បីធ្វើការចែកចាយថ្នាំពេទ្យក្នុងរដ្ឋធានីព្យុងយ៉ាង ជាកន្លែងផ្ទុះរាលដាលនៃមេរោគនេះ តាមបទបញ្ជារបស់លោក គីម ជុងអ៊ុន។អង្គការស្បៀងអាហារនិងកសិកម្មរបស់អង្គការសហប្រជាជាតិហៅកាត់ថាហ្វាវ (FAO) ក៏បានបើកភ្លើងខៀវឱ្យបរទេសផ្តល់ជំនួយជាបន្ទាន់ក្នុងវិស័យកសិកម្ម ក្នុងពេលដែលកូរ៉េខាងជើងកំពុងតែជួបផលលំបាកដោយសារតែការឆ្លងរាលដាលកូវីដ -១៩ ។តាមគេហទំព័ររបស់ (FAO) បានផ្សាយថា អង្គការនេះមានតួនាទីជួយដោះស្រាយគ្រោះអត់ឃ្លាននៅលើពិភពលោក ទទួលបានការលើកលែងទណ្ឌកម្មអន្តរជាតិក្នុងការដឹកជញ្ជូនស្បៀងអាហារ គ្រឿងម៉ាស៊ីនសម្រាប់វិស័យកសិកម្ម។
អង្គការ(FAO)មានរយៈពេលរហូតដល់ថ្ងៃទី៦ខែឧសភាឆ្នាំ ២០២៣ សម្រាប់ផ្តល់ជំនួយដល់កូរ៉េខាងជើងដើម្បីធានាដល់សន្តិសុខស្បៀងអាហារ តាមរយៈបង្កើនសមិទ្ធផលក្នុងវិស័យកសិកម្ម ទប់ទល់ជាមួយគ្រោះធម្មជាតិ។នៅថ្ងៃទី១៧ខែឧសភា កូរ៉េខាងជើង បានប្រកាសថា មានករណីគ្រុនក្តៅ២៧០ពាន់នាក់ ធ្វើឱ្យចំនួនអ្នកក្តៅខ្លួនកើនឡើងជាង១,៤លាននាក់ ។ បច្ចុប្បន្ននៅមានអ្នកជំងឺ ជាង៦៦៣ពាន់នាក់កំពុងព្យាបាល។ទោះជាយ៉ាងណាចំនួនអ្នកឆ្លង COVID-19 សរុបទូទាំងប្រទេស មិនត្រូវបានរាយការណ៍ទេ។
កូរ៉េខាងជើងដែលត្រូវបានចាត់ទុកថាជាប្រទេសដ៏ឯកោមួយនេះ កំពុងប្រឈមនឹងការព្រួយបាម្ភអំពីការខ្វះខាតវ៉ាក់សាំង និងឧបករណ៍វេជ្ជសាស្ត្រ ខណៈដែលការរាលដាលនៃជំងឺកូវីដ-១៩ បានបង្កើតវិបត្តិសាធារណៈបន្ថែមលើសេដ្ឋកិច្ចរបស់ខ្លួន៕