វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7031 នាក់
ម្សិលមិញ 8227 នាក់
សរុប 14133912 នាក់
ប្រទេសឥណ្ឌា៖ កាលពីថ្ងៃអង្គារ៍ទី២១កញ្ញាបុគ្គលិករាប់រយនាក់នៅរោងចក្រផលិតរថយន្ត Ford ក្នុងរដ្ឋគូចារ៉ាត់ (Gujarat) ភាគខាងលិចប្រទេសឥណ្ឌាបានធ្វើបាតុកម្មទាមទារឲ្យលុបចោលគម្រោងបិទរោងចក្រនេះ បើមិនដូច្នោះទេត្រូវផ្តល់ការងារផ្សេងឲ្យពួកគេ។
បុគ្គលិក បានប្រមូលផ្តុំគ្នានៅខាងក្រៅរោងចក្រផលិតម៉ាស៊ីននិងរថយន្តរបស់ក្រុមហ៊ុន Ford នៅក្នុងទីក្រុងសាណាន់ (Sanand) និងបាននិយាយថាផែនការបិទរោងចក្រនេះនៅចុងឆ្នាំនេះនឹងធ្វើឲ្យពួកគេបាត់បង់មុខរបរចិញ្ចឹមជីវិត។ក្រុមហ៊ុន Ford ដែលបានសាងសង់រោងចក្ររបស់គេនៅក្នុងប្រទេសឥណ្ឌាកាលពីទសវតរ្ស៍ឆ្នាំ១៩៩០នោះបាននិយាយកាលពីដើមខែកញ្ញានេះថា គេគ្រោងនឹងឈប់ផលិតរថយន្តនៅក្នុងប្រទេសនេះ ដោយសារមានការខាតបង់ប្រាក់ប្រមាណ២ពាន់លានដុល្លារអាមេរិក។
អ្នកនាំពាក្យឲ្យរោងចក្រផលិតរថយន្ត Ford នៅឥណ្ឌាបាននិយាយក្នុងសេចក្តីថ្លែងការណ៍ថា រោងចក្រនេះមានបុគ្គលិកជិត១,២០០នាក់។
អ្នកនាំពាក្យបានបន្ថែមថា «ពួកយើងកំពុងធ្វើការជាមួយក្រុមសហជីពនិងភាគីពាក់ព័ន្ធផ្សេងទៀតដើម្បីរកវិធានការដោះស្រាយចំពោះអ្នកដែលរងផលប៉ះពាល់ដោយផ្ទាល់ពីបញ្ហានេះ។ការណ៍ដែលក្រុមហ៊ុនផលិតរថយន្តជាច្រើនបានដកខ្លួនចេញនិងបិទរោងចក្រជាបន្តបន្ទាប់នៅក្នុងប្រទេសឥណ្ឌាក្នុងរយៈពេលប៉ុន្មានឆ្នាំចុងក្រោយនេះបានធ្វើឲ្យវិបត្តិគ្មានការងារធ្វើក្នុងប្រទេសនេះកាន់តែអាក្រក់ទៅៗដោយបង្កបញ្ហាឈមប្រឈមដ៏ធំសម្រាប់លោកនាយករដ្ឋមន្ត្រី ណារ៉េនដ្រា ម៉ូឌី (Narendra Modi) ដែលបានឡើងកាន់តំណែងកាលពីឆ្នាំ២០១៤និងសន្យាបង្កើតការងារបន្ថែមឲ្យពលរដ្ឋ៕