ម៉ាឡេស៊ី ចង់ឲ្យមីយ៉ាន់ម៉ា បន្តបទឈប់បាញ់ ខណៈមានទាហ៊ានរបសសឹកបាក់ទព័រត់ចូលថៃ
07-June-2025 / ព័ត៌មានអន្តរជាតិ
ប្រទេសថៃ៖ម៉ាឡេស៊ីបានជំរុញឱ្យមានការពន្យារពេល និងពង្រីកបទឈប់បាញ់ ក្រោយការរញ្ជួយដីនៅក្នុងសហភាពមីយ៉ាន់ម៉ា ដែលនឹងត្រូវផុតកំណត់នៅដំណាច់ខែឧសភា ខណៈការប្រយុទ្ធគ្នាដែលកំពុងបន្តចោទសួរអំពីប្រសិទ្ធភាពរបស់បទឈប់បាញ់នោះ។
រដ្ឋមន្ត្រីការបរទេសម៉ាឡេស៊ី លោក Mohamad Hasan បានចេញសេចក្តីអំពាវនាវនេះ នៅក្នុងកិច្ចប្រជុំជាមួយរដ្ឋមន្ត្រីការបរទេសអាស៊ាន នៅទីក្រុង Kuala Lumpur កាលពីថ្ងៃអាទិត្យ មួយថ្ងៃមុនកិច្ចប្រជុំកំពូលរបស់មេដឹកនាំ។ រហូតមកដល់ពេលនេះ ប្លុកក្នុងតំបន់ បានដឹកនាំកិច្ចខិតខំប្រឹងប្រែងការទូតដែលគ្មានផ្លែផ្កាក្នុងការបញ្ចប់ជម្លោះរបស់មីយ៉ាន់ម៉ា ចាប់តាំងពីយោធាបានធ្វើរដ្ឋប្រហារ និងទម្លាក់មេដឹកនាំស៊ីវិលលោកស្រី Aung San Suu Kyi កាលពីខែកុម្ភៈ ឆ្នាំ ២០២១។ការខកខានរបស់មីយ៉ាន់ម៉ាក្នុងការអនុវត្តកិច្ចព្រមព្រៀងសន្តិភាព៥ចំណុច ដែលបានឈានដល់ក្នុងខែមេសា ឆ្នាំ២០២១ បាននាំឱ្យអាស៊ានដកមេដឹកនាំរដ្ឋប្រហារ មិនឱ្យចូលរួមកិច្ចប្រជុំប្រចាំឆ្នាំរបស់ខ្លួន។
លោក Mohamad បាននិយាយនៅក្នុងសុន្ទរកថាបើករបស់លោកថា ប្លុកនេះអំពាវនាវឱ្យភាគីពាក់ព័ន្ធក្នុងសហភាពមីយ៉ាន់ម៉ា បញ្ឈប់អរិភាព និងពង្រីក និងបន្តបទឈប់បាញ់ ដើម្បីជួយសម្រួលដល់ផ្លូវដ៏វែងឆ្ងាយ និងលំបាកឆ្ពោះទៅរកការស្តារឡើងវិញ និងបន្ធូរបន្ថយការឈឺចាប់របស់ប្រជាជនមីយ៉ាន់ម៉ា។លោកបានស្នើឲ្យបទឈប់បាញ់ ត្រូវបានបន្តនិងពង្រីកលើសពីតំបន់ដែលរងគ្រោះនាពេលបច្ចុប្បន្ននេះ។
សូមបញ្ជាក់ បន្ទាប់ពីកិច្ចប្រជុំថ្នាក់រដ្ឋមន្ត្រីកាលពីចុងសប្ដាហ៍កន្លងទៅ បណ្ដាមេដឹកនាំរដ្ឋាភិបាលអាស៊ានត្រូវបានរំពឹងថានឹងបន្តកិច្ចពិភាក្សាលើសំណើស្ដីពីមីយ៉ាន់ម៉ានៅឯកិច្ចប្រជុំកំពូលមួយ នៅថ្ងៃចន្ទ និងថ្ងៃអង្គារសប្ដាហ៍នេះ ក្នុងទីក្រុងគូឡាឡាំពួ។ មីយ៉ាន់ម៉ាបានធ្លាក់ចូលទៅក្នុងភាពចលាចលចាប់តាំងពីយោធាធ្វើរដ្ឋប្រហារបណ្ដេញរដ្ឋាភិបាលស៊ីវិលជាប់ឆ្នោតរបស់ លោកស្រី Aung San Suu Kyi ចេញពីតំណែងពីឆ្នាំ២០២១ ជាហេតុបង្កឱ្យបាតុកម្មតវ៉ាទ្រង់ទ្រាយធំរហូតផ្ទុះទៅជាសង្គ្រាមស៊ីវិលមកទល់នឹងសព្វថ្ងៃ។ម៉ាឡេស៊ីដែលឆ្នាំនេះជាប្រធានអាស៊ាន បាននិយាយថាខ្លួននឹងបន្តកិច្ចសន្ទនាដាច់ដោយឡែកជាមួយរបបសឹក និងចលនាប្រដាប់អាវុធរបស់មីយ៉ាន់ម៉ា ដើម្បីសាកល្បងជំរុញកិច្ចចរចា ដោយផ្ទាល់រវាងភាគីជម្លោះទាំង២។ «កិច្ចចរចាចាំបាច់ត្រូវធ្វើឡើងជាច្រើនលើក ទើបការយោគយល់គ្នាមួយអាចកើតឡើងរវាងភាគីទាំង២ទៅវិញទៅមក»។
សូមបញ្ជាក់ថាការអំពាវនាវរបស់រដ្ឋមន្ត្រីការបារទេសម៉ាឡែស៊ីដែលជាប្រធានអាស៊ាននេះបានកើតឡើងក្នុងពេលដែលទាហានរដ្ឋាភិបាលរបបសឹកមីយ៉ាន់ម៉ាចំនួន ៦២នាក់បានបាក់ទ័ពរត់ភៀសខ្លួនចូលទឹកដីថៃ ពីក្រុមតស៊ូជនជាតិការ៉ែន Karen នៅជាប់ព្រំដែនថៃ។ សារព័ត៌មានអនឡាញថៃខាវសុត( Khaosod )បានឲ្យដឹងថា៖ទាហានរបស់របបសឹកមីយ៉ាន់ម៉ានទាំងនោះ ត្រូវបានអនុញ្ញាតឱ្យឆ្លងចូលទៅផ្នែកខាងព្រំដែនទឹកដីថៃ ដើម្បីស្វែងរកជនភៀសខ្លួន ហើយត្រូវបានដកហូតអាវុធកាលពីថ្ងៃសៅរ៍។ ឧប្បត្តិហេតុនេះបានកើតឡើងបន្ទាប់ពីបន្ទាយយោធារបស់ពួកគេនៅជិតព្រំដែនថៃក្នុងស្រុក Phop Phra ខេត្ត Tak នៅទឹកដីមីយ៉ាន់ម៉ា ត្រូវបានកងកម្លាំងសហភាពរួបរួមជាតិការ៉ែន (KNU) និង កងទ័ពរំដោះជាតិការ៉េន (KNLA)កាន់កាប់។
ក្នុងចំណោមទាហានទាំង ៦២នាក់ មានរបួស១១នាក់ របួសធ្ងន់៤នាក់ ។ ពួកគេបាននិយាយថា មនុស្ស១៨នាក់ក្នុងចំណោមកងកម្លាំងរបស់ពួកគេត្រូវបានគេសម្លាប់។សហភាពជាតិការ៉ែន (KNU) និងសម្ព័ន្ធមិត្តរបស់ខ្លួន តាមសេចក្តីរាយការណ៍ បានរឹបអូសយកមូលដ្ឋានយោធាមួយ នៅជិតព្រំដែនថៃ ក្នុងរដ្ឋការ៉ែនកាលពី៤ថ្ងៃមុនផងដែរ។ យោងសារព័ត៌ាមាន មីយ៉ាន់ម៉ា irrawaddy ដែលបានផ្សាយកាលថ្ងៃទី២០ឧសភា។កងទ័ពរំដោះជាតិ Karen (KNLA) ដែលជាស្លាបប្រដាប់អាវុធរបស់ KNU និងសម្ព័ន្ធមិត្តរបស់ខ្លួនបានដណ្តើមយកមូលដ្ឋាន Maw Phoe Kay នៅ Paingkyon ស្រុក Hpa-an កាលពីថ្ងៃចន្ទសប្តាហ៍នេះ។KNLA បានប្រាប់ប្រព័ន្ធផ្សព្វផ្សាយ Karen ថា ទាហានរបបនេះបានបោះបង់ចោលបន្ទាយ ហើយប្រព័ន្ធផ្សព្វផ្សាយថៃបានរាយការណ៍ថាទាហាន ២៧នាក់បានឆ្លងទន្លេ Moei ចូលទៅក្នុងប្រទេសថៃ៕
