សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 5001 នាក់

ម្សិលមិញ 5304 នាក់

សរុប 14144527 នាក់

ចិនកំពុងចូកស្មៅក្រោមជើងប្រទេសឥណ្ឌាករណីយ៍កោះម៉ាល់ឌីវ

03-April-2024 / ព័ត៌មានអន្តរជាតិ

ចិន៖ ជើងហោះហើរដឹកអ្នកដំណើរចេញពីតំបន់ភាគខាងកើតប្រទេសចិនក្នុងខេត្ត Fuzhou ទៅកាន់រដ្ឋធានីមែល (Male) របស់ប្រទេសម៉ាល់ឌីវ បានចាប់ផ្តើមសម្ភោធដាក់ឱ្យដំណើរការហើយ។ ខណៈជើងហោះហើរដំបូងគេលេខ MF៨៧៧ របស់ក្រុមហ៊ុនអាកាសចរណ៍ចិន Xiamen Air បានធើ្វដំណើរទៅកាន់ទឹកដីប្រទេសម៉ាល់ឌីវពីទីក្រុង Fuzhou ដោយបានចំណាយពេលវេលាប្រមាណជា ៧ម៉ោង។
ការបើកឱ្យដំណើរការជើងហោះហើរត្រង់រវាងទីក្រុងទាំងពីរនេះ ធើ្វឡើងក្នុងគោលបំណងជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្ម និងលើកកម្ពស់វិស័យទេសចរណ៍ និងការផ្លាស់ប្តូរវប្បធម៌ប្រពៃណីរវាងពលរដ្ឋរបស់ប្រទេសទាំងពីរឱ្យកាន់តែងាយស្រួលនិងល្អប្រសើរ ។ a china maldiv

កាលពីថ្ងៃពុធសប្តាហ៍សប្តាហ៍មុនចិននិងម៉ាល់ឌីវបានដំឡើងកម្រិតទំនាក់ទំនងរវាងគ្នា អំលុងដំណើរទស្សនកិច្ចផ្លូវរដ្ឋលើកដំបូងរបស់ប្រធានាធិបតីម៉ាល់ឌីវថ្មី លោកម៉ូហាម៉េដមុយហ្សូ( Mohamed Muizzu )មកកាន់ទីក្រុងប៉េកាំង បន្ទាប់ពីរូបលោកបានប្រកាសចាត់ទុក ឥណ្ឌាគឺគូប្រជែងក្នុងតំបន់របស់ចិន ជាការគំរាមកំហែងមួយ ចំពោះអធិបតេយ្យរបស់ម៉ាល់ឌីវ។ ទីភ្នាក់ងារព័ត៌មាន Reuters នាថ្ងៃព្រហស្បតិ៍ ទី១១ ខែមករា ឆ្នាំ២០២៤បានឲ្យដឹងថាអំលុងជំនួបជាមួយលោកប្រធានាធិបតីម៉ាល់ឌីវ ប្រធានាធិបតីចិន លោក ស៊ី ជីនពីង បានព្រមព្រៀងដំឡើងកម្រិតទំនាក់ទំនងទ្វេភាគី ដល់ភាពជាដៃគូកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយ។ បើតាមប្រព័ន្ធផ្សព្វផ្សាយរដ្ឋចិន លោក ស៊ី បានប្រាប់ លោក Muizzu យ៉ាងដូច្នេះថា «ទំនាក់ទំនងចិននិងម៉ាល់ឌីវ កំពុងទទួលបានឱកាសជាប្រវត្តិសាស្ត្រមួយ ក្នុងការបោះជំហានទៅមុខ និងកសាងអនាគតរួមគ្នា»។

លោកមុហ្សូ( Muizzu) បានឡើងកាន់អំណាចកាលពីខែវិច្ឆិកា ឆ្នាំ២០២៣ បន្ទាប់ពីធ្វើយុទ្ធនាការឃោសនាបោះឆ្នោត ហៅថា «India Out» ដែលអំលុងពេលនោះ រូបលោកប្រកាសចាត់ទុកឥទ្ធិពលដ៏ធំរបស់ឥណ្ឌានៅម៉ាល់ឌីវ គឺជាការគំរាមកំហែងចំពោះអធិបតេយ្យ។ ចាប់តាំងពីពេលនោះមក រដ្ឋាភិបាលរបស់លោក បានស្នើឱ្យកងទ័ពឥណ្ឌា ដែលឈរជើងនៅម៉ាល់ដីវ ត្រឡប់ចាកចេញទៅវិញ ហើយទន្ទឹមគ្នា លោក Muizzu បានលើកអំពីឱកាសផ្សេងៗសម្រាប់វិនិយោគិនចិន។

គួរបញ្ជាក់ថា ទំនាក់ទំនងរវាងឥណ្ឌានិងចិនបានធ្លាក់ចុះដុនដាបជាខ្លាំង បន្ទាប់ពីកងទ័ពទាំងសងខាង បានប៉ះទង្គិចគ្នានៅតំបន់ព្រំប្រទល់ ម្តុំភាគខាងលិចជួរភ្នំហិម៉ាល័យ កាលពីខែមិថុនា ឆ្នាំ២០២០ ជាហេតុបណ្តាលឱ្យបាត់បង់ជីវិតទាហានឥណ្ឌា២០នាក់ និងទាហានចិន៤នាក់។ តាមរយៈការដំឡើងកម្រិតទំនាក់ទំនងជាមួយម៉ាល់ឌីវ ចិនមានឱកាសបង្កើនការវិនិយោគកាន់តែខ្លាំងថែមទៀត នៅក្នុងតំបន់មួយជាទីដែលឥណ្ឌា បានមើលឃើញរួចស្រេចមកហើយ នូវប្រទេសជិតខាងខ្លួនមួយទៀតគឺស្រីលង្កា ងាកមករកទីក្រុងប៉េកាំង។

សូមបញ្ជាក់ថាប្រទេសម៉ាល់ឌីវ (ភាសាឌីវេលី៖ ދިވެހިރާއްޖެ, ភាសាអង់គ្លេស៖ the Maldives) ដោយមានឈ្មោះជាផ្លូវការថា សាធារណរដ្ឋម៉ាល់ឌីវ គឺជារដ្ឋប្រជុំកោះមួយស្ថិតនៅក្នុងឧបទ្វីបឥណ្ឌានៃទ្វីបអាស៊ី លើមហាសមុទ្រឥណ្ឌា។ វាស្ថិតនៅភាគនិរតីនៃប្រទេសស្រីលង្កា និងប្រទេសឥណ្ឌា ប្រហែល ៧៥០ គីឡូម៉ែត្រពីអាស៊ីដីគោក។ ទឹកដីប្រទេសនេះមានលក្ខណៈជាប្រជុំកោះដោយបង្កើតចេញពីកម្រងអាតុលចំនួន ២៦ លាតសន្ធឹងពីអាតុលឥយ៉ាវងហ៊ីបប៉ូលូនៅភាគខាងជើងទៅ អាតុលអាដឌូនៅភាគខាងត្បូង (ឆ្លងកាត់ខ្សែអេក្វាទ័រ)។

ទឹកដីប្រទេសនេះផងដែរបានលាតសន្ធឹងប្រហែល ៩០,០០០ គីឡូម៉ែត្រការ៉េរួមទាំងផ្ទៃសមុទ្រ ហើយផ្ទៃដីនៃកោះនីមួយៗមានទំហំសរុប ២៩៨ គីឡូម៉ែត្រក្រឡា។ ម៉ាល់ឌីវជារដ្ឋអធិបតេយ្យដែលមានលក្ខណៈភូមិសាស្ត្របែកខ្ញែករប៉ាត់រប៉ាយខ្លាំងបំផុតមួយនៅលើពិភពលោក និងជាប្រទេសតូចបំផុតនៅអាស៊ីផងដែរ និងព្រមទាំងជាប្រទេសមូស្លីមដ៏តូចបំផុតមួយបើគិតតាមផ្ទៃដី និងមានប្រជាជនប្រហែល ៥៥៧,៧៥១ នាក់ប៉ុណ្ណោះ ដែលធ្វើឱ្យវាក្លាយជាប្រទេសដែលមានចំនួនប្រជាជនតិចបំផុតទីពីរនៅទ្វីបអាស៊ី។ ម៉ាល់គឺជារដ្ឋធានី និងជាទីក្រុងដែលមានប្រជាជនរស់នៅច្រើនជាងគេដែលតាមប្រពៃណី គេនិយមហៅថា "កោះស្តេច" ព្រោះវាជាកន្លែងដែលរាជវង្សបុរាណគ្រប់គ្រង។ a china maldiv1 a china maldiv2