គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5446 នាក់

ម្សិលមិញ 9639 នាក់

សរុប 20695617 នាក់

ការបីទក្រុមហ៊ុនវិទ្យុVOAលោក ត្រាំអាចសល់លុយជិត៣០០លានលានដុល្លារក្នុង១ឆ្នាំតែនឹងថ្វើឲ្យប្រទេសផ្តាច់ការឡើងចាង

21-September-2026 / ព័ត៌មានអន្តរជាតិ

អាមេរិក៖ កាលពីថ្ងៃសៅរ៍ ទី១៥ ខែមីនា បុគ្គលិកសរុបជាង១៣០០នាក់ នៃបណ្តាញព័ត៌មានរដ្ឋអាមេរិក Voice of America ឬ VOA ត្រូវបានដាក់ឱ្យឈប់សម្រាកពីការងារ ហើយការផ្តល់មូលនិធិសម្រាប់បណ្តាញព័ត៌មាន២ផ្សេងទៀត គឺវិទ្យុអាស៉ីសេរីនិងវិទ្យុអឺរ៉ុបសេរី ត្រូវបានលុបចោល បន្ទាប់ពីប្រធានាធិបតីអាមេរិក លោក ដូណាល់ ត្រាំ បានចេញបញ្ជាប្រតិបត្តិសំដៅបង្រួមទីភ្នាក់ងារសហព័ន្ធ ដែលមានតួនាទីគ្រប់គ្រងប្រព័ន្ធផ្សព្វផ្សាយ ដែលទទួលមូលនិធិពីរដ្ឋាភិបាលអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ a trum voa

សូមបញ្ជាក់ថាទីភ្នាក់ងារមេរបស់ VOA គឺទីភ្នាក់ងារសហរដ្ឋអាមេរិកសម្រាប់ប្រព័ន្ធផ្សព្វផ្សាយសកល ហៅកាត់ USAGM ក៏បានលុបចោលការផ្តល់មូលនិធិ សម្រាប់វិទ្យុអឺរ៉ុបសេរី (Radio Free Europe/Radio Liberty) ហើយនិង វិទ្យុអាស៉ីសេរី (Radio Free Asia) ថែមទៀតផង។ទីភ្នាក់ងារ USAGM មានបុគ្គលិកសរុប ប្រមាណ ៣៥០០នាក់ ហើយក្នុងមួយឆ្នាំៗ ត្រូវចំណាយថវិកា ៨៨៦លានដុល្លារ (ជិត១ពាន់លានដុល្លារ)។ នេះបើយោងតាមរបាយការណ៍ចំណាយឆ្នាំ២០២៤ ដែលបានដាក់ជូនទៅសភាអាមេរិក។

បន្ទាប់ពីការប្រកាសនេះ លោក ដូណាល់ ត្រាំ បានតែងតាំង លោកស្រី Kari Lake ដែលជាអ្នកគាំ លោក និងជាអតីតពិធីការនីទូរទស្សន៍អាមេរិក ធ្វើជាទីប្រឹក្សារបស់ទីភ្នាក់ងារ USAGM ។ លោកស្រី Kari Lake បានលើកឡើងថា ការផ្តល់ជំនួយហិរញ្ញវត្ថុរបស់សហព័ន្ធដល់ប្រព័ន្ធផ្សព្វផ្សាយទាំងនេះ លែងជាអាទិភាពរបស់ទីភ្នាក់ងារ USAGM តទៅទៀត។នាយកវិទ្យុ VOA លោក Michael Abramowitz បានបង្ហាញពីអារម្មណ៍សោកស្តាយ បន្ទាប់ពីខ្លួនលោក ហើយនិងបុគ្គលិក VOA ជាង១៣០០នាក់ត្រូវដាក់ឲ្យសម្រាកពីការងារ។ ចំពោះនាយកគ្រប់គ្រងVOA ការសម្រេចរបស់លោកដូណាល់ ត្រាំបានធ្វើឲ្យប៉ះពាល់យ៉ាងធ្ងន់ធ្ងរដល់ដំណើរការផ្សាយរបស់វិទ្យុ VOA ដែលមានអាយុកាល ៨៣ឆ្នាំ និងផ្សាយជាភាសាបរទេស ចំនួន៤៨ភាសា និងមានចំនួនអ្នកស្តាប់ក្នុងមួយសប្តាហ៍ ប្រមាណ ៣៦០លាននាក់ នៅទូទាំងពិភពលោក ។ នាយករូបនេះបានបន្តទៀតថា វិទ្យុ VOA បានដើរតួនាទីយ៉ាងសំខាន់ក្នុងការប្រយុទ្ធប្រឆាំងដើម្បីសិទ្ធិសេរីភាព និង លទ្ធិប្រជាធិបតេយ្យ នៅទូទាំងពិភពលោក។

ក្នុងចំណែកនៃការកាត់បន្ថយការចំណាយរបស់រដ្ឋាភិបាលសហរដ្ឋអាមេរិកក្រោមការដឹកនាំរបស់រដ្ឋបាល ដូណាល់ ត្រាំ សហរដ្ឋបានដាក់គោលដៅកាត់បន្ថយការចំណាយពីរដ្ឋសហព័ន្ធ ដោយក្នុងនោះ រួមមានការបិទទីភ្នាក់ងារអភិវឌ្ឍន៍អន្តរជាតិរបស់សហរដ្ឋអាមេរិក (USAID) និងភ្នាក់ងារអប់រំសហព័ន្ធជាដើម ដោយមានក្រសួងប្រសិទ្ធភាពរដ្ឋាភិបាល (DOGE)។សារព័ត៌មាន AP បានរាយការណ៍ថា នៅយប់ថ្ងៃសុក្រ មិនយូរប៉ុន្មានបន្ទាប់ពីសភាបានអនុម័តច្បាប់ថវិកាផ្តល់មូលនិធិចុងក្រោយបំផុតសម្រាប់ដំណើរការរដ្ឋាភិបាល លោក ដូណាល់ ត្រាំ បានដឹកនាំរដ្ឋបាលរបស់លោកឱ្យកាត់បន្ថយមុខងាររបស់ទីភ្នាក់ងារជាច្រើនដល់កម្រិតអប្បបរមាដែលច្បាប់តម្រូវ។ វិទ្យុសំឡេងសហរដ្ឋអាមេរិកនឹងបាត់សំឡេងរបស់ខ្លួនជាលើកដំបូងក្នុងរយៈពេល៨៣ឆ្នាំ ហើយនៅក្នុងនោះបុគ្គលិកប្រមាណ១៣០០នាក់ត្រូវបានជូនដំណឹងឲ្យឈប់សម្រាក។

សេចក្តីថ្លែងការណ៍របស់ លោក Michael Abramowitz នាយកស្ថាប័ន Freedom House បាននិយាយថា «VOA លើកកម្ពស់សេរីភាព និងលទ្ធិប្រជាធិបតេយ្យនៅជុំវិញពិភពលោក ដោយប្រាប់ពីរឿងរ៉ាវរបស់អាមេរិក និងតាមរយៈការផ្តល់នូវព័ត៌មាន និងព័ត៌មានប្រកបដោយគោលបំណង និងតុល្យភាព ជាពិសេសសម្រាប់អ្នកដែលរស់នៅក្រោមរបបផ្តាច់ការ»។មានសេចក្តីរាយការណ៍មួយចំនួន បង្ហាញថា ប្រសិនបើលោកប្រធានាធិបតីដូណាល់ ត្រាំ ត្រូវបិទវិទ្យុសំឡេងអាមេរិក (VOA) នោះ រដ្ឋាភិបាលសហរដ្ឋអាមេរិកនឹងសន្សំប្រាក់ប្រមាណ ២៦៧,៥ លានដុល្លារក្នុងមួយឆ្នាំ ដែលជាថវិកាបច្ចុប្បន្នរបស់ VOA។ VOA ប្រតិបត្តិការក្រោមទីភ្នាក់ងារសហរដ្ឋអាមេរិកសម្រាប់ប្រព័ន្ធផ្សព្វផ្សាយសកល (USAGM) ដែលមានថវិកាសរុបជាង ៨៨៦លានដុល្លារក្នុងឆ្នាំ ២០២៤។ ដូច្នេះ ការបិទ VOA នឹងធ្វើឱ្យមានការសន្សំប្រហែល៣០% នៃថវិកាសរុបរបស់ USAGM.

លោក ដូណាល់ ត្រាំ និងជំនួយការជំនិតរបស់លោក គឺលោក Elon Musk បានលើកឡើងថា ទីភ្នាក់ងារព័ត៌មានទាំងនេះ ជាសត្រូវរបស់ប្រជាជនអាមេរិក។ ដោយពិតទៅ នយោបាយរបស់លោកដូណាល់ត្រាំ ក្នុងការរុះរើប្រព័ន្ធផ្សព្វផ្សាយរដ្ឋដែលកំពុងប្រតិបត្តិការនៅក្រៅប្រទេស អាចប្រឈមនឹងឧបសគ្គ ដោយសារថាសភាអាមេរិកជាអ្នកសម្រេចអនុម័តចុងក្រោយ ហើយទីភ្នាក់ងារព័ត៌មានមួយចំនួន ដូចជា ជាវិទ្យុអាស៊ីសេរី ក៏ធ្លាប់បានទទួលការគាំទ្រពីគណបក្សប្រជាធិបតេយ្យ និងគណបក្សសាធារណរដ្ឋ នាពេលកន្លងមក៕ a trum voa a trum voa2 a trum voa3