ករណីយ៍វ៉ៃខ្នោះអ្នកបើកឡានដែលស្នងការរងបុកស្នងការដ្ឋាននគរបាលខេត្តស្វាយរៀងចេញ បំភ្លឺ
21-September-2026 / សន្តិសុខសង្គម
ស្វាយរៀង៖ ស្នងការដ្ឋាននគរបាលខេត្តស្វាយរៀង នៅថ្ងៃទី៥ ខែឧសភា ឆ្នាំ២០២៥ បានចេញមកបំភ្លឺជូនសាធារណជនបន្ទាប់ពីករណីគ្រោះថ្នាក់ចរាចរណ៍រវាងរថយន្តម៉ាកហៃឡឹនឌឺរ័( Highlander )និងរថយន្តម៉ាក Mazda នៅយប់ថ្ងៃទី០៤ ខែឧសភា ឆ្នាំ២០២៥ នៅលើផ្លូវជាតិលេខ១ ក្នុងភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង រហូតដល់ចាប់វាយខ្នោះអ្នកបើកបររថយន្ត ហៃឡឹនឌឺរ(Highlander)។
បើតាមសេចក្តីថ្លែងការណ៍របស់អ្នកនាំពាក្យ នៃស្នងការដ្ឋាននគរបាលខេត្តស្វាយរៀង បានឱ្យដឹងថា នៅវេលាម៉ោង ១៩៖៤០នាទីយប់ នៅលើផ្លូវជាតិលេខ១ ត្រង់ភូមិកំពោតប្រស់ សង្កាត់ច្រកម្ទេស ក្រុងបាវិត មានគ្រោះថ្នាក់ចរាចរណ៍រវាងរថយន្តម៉ាក Highlander និងរថយន្តម៉ាក Mazda បើកបរស្របទិសគ្នាពីលិចទៅកើត។រថយន្តម៉ាក Highlander បើកបរនៅខាងមុខរថយន្តម៉ាក Mazda ប្រហែល ៤០-៥០ម៉ែត្រ លុះដល់ត្រង់ចំណុចកើតហេតុខាងលើ ស្រាប់តែរថយន្ត Highlander បានស៊ីញ៉ូភ្លើងអែបមកចញ្ចើមផ្លូវខាងស្តាំ រួចស្រាប់តែបត់ឆ្វេងឡើង កាត់ទ្រូងផ្លូវភ្លាមៗតែម្តង ធ្វើឱ្យរថយន្ត Mazda បើកបរពីខាងក្រោយមកដល់គៀកនៅសល់ចម្ងាយប្រហែល១០ម៉ែត្រ ខណៈដែលរថយន្ត Highlander នៅទទឹងលើទ្រូងផ្លូវ។ ភ្លាមនោះធ្វើឱ្យរថយន្ត Mazda បុករថយន្ត Highlander ពីចំហៀង ខាងឆ្វេងតែម្តង បណ្តាលឱ្យខូចខាតមធ្យោយបាយទាំងសងខាង មិនបណ្តាលឱ្យមានរងរបួសភាគីណាមួយនោះទេ។
ក្រោយពីកើតហេតុភ្លាមៗ សមត្ថកិច្ចបានព្យាយាមឱ្យអ្នកបើកបររថយន្ត Highlander ចុះពីលើរថយន្តដើម្បីធ្វើការដោះស្រាយ និងត្រួតពិនិត្យជាតិអាកុល ប៉ុន្តែអ្នកបើកបរមិនព្រមចុះ រហូតបន្តិចក្រោយមក ក៏បានចុះពីលើ រថយន្តក្នុងស្ថានភាពស្រវឹង ដោយធ្វើសកម្មភាពច្រងេងច្រង៉ាង និយាយមិនស្តាប់គ្នា ហើយប្រកែកយកឈ្នះមិនព្រមចូលខ្លួនដោះស្រាយ និងព្យាយាមរត់គេចចេញពីកន្លែងកើតហេតុ មិនទទួលខុសត្រូវ ទើបសមត្ថកិច្ចបង្ខំចិត្ត ដាក់ខ្នោះដៃសិន។
បន្តិចក្រោយមក ក្រុមគ្រួសារភាគីរថយន្ត Highlander មកដល់ទើប សមត្ថកិច្ចក៏ដោះខ្នោះដៃចេញវិញ តែក្រុមគ្រួសាររារាំងមិនឱ្យអ្នកបើកបររថយន្ត Highlander ចូលខ្លួនដើម្បីដោះស្រាយនៅអធិការដ្ឋាននគរបាលក្រុងបាវិត និងថែមបានជម្លៀសអ្នកបើកបររថយន្តចេញទៅបាត់ ខណៈដែលសមត្ថកិច្ចកំពុងស្ទួចយករថយន្តទាំងពីរគ្រឿង ចេញពីកន្លែងកើតហេតុយកទៅរក្សាទុកនៅអធិការដ្ឋាននគរបាលក្រុងបាវិត ដើម្បីរង់ចាំការដោះស្រាយ និង សម្រួលចរាចរណ៍កុំឱ្យមានការកកស្ទះចរាចរណ៍នៅលើដងផ្លូវ។ ចំណែកឯអ្នកបើកបរថយន្ត Mazda ត្រូវបានសមត្ថកិច្ច នាំមកអធិការដ្ឋាននគរបាលក្រុងបាវិត ដើម្បីសាកសួរ និងរង់ចាំការដោះស្រាយ។
អ្នកនាំពាក្យស្នងការដ្ឋាននគរបាលខេត្ត បានបញ្ជាក់ថា គិតត្រឹមរសៀលថ្ងៃទី៥ ខែឧសភា ឆ្នាំ២០២៥ រថយន្ត Highlander មិនទាន់បានចូលខ្លួន មកសម្របសម្រួលដោះស្រាយជាមួយភាគីរថយន្ត Mazda នៅអធិការដ្ឋាននគរបាល ក្រុងបាវិតនៅឡើយទេ។បើតាមសេចក្តីបំភ្លឺរបស់នគរបាលគឺម្ចាស់ឡានហៃឡឹនឌឺរជាំអ្នកខុស!។ប៉ុន្តែករណីយ៍គ្រោះថ្នាក់ចរាចរណ៍រាចរណ៍ខាងលើបែជាក្លាយជាអំពើហិង្សាគឺដោយសារ ភាគីម្ខាងគេស្គាល់ថាជាស្នងការរងនៃស្នងការដ្ឋាននគបាលខេត្តស្វាយរៀងបានបើកបររថយន្តម៉ាក្សម៉ាស់ស្តា ពណ៌ស ពាក់ស្លាកលេខភ្នំពេញ 2AH-5178 បានបុកជាមួយរថយន្តម៉ាក្សHIGHLANDER ពណ៌ស ពាក់ស្លាកលេខស្វាយរៀង2C-2029 ចំទទឹងរថយន្តពេញទំហឹងបណ្តាលឲ្យខូតខាតរថយន្តទាំងសងខាងយ៉ាងដំណំ ។ ហើយអ្វីដែលមហាជនហួសចិត្តនោះគេឃើញម្ចាស់រថយន្តបង្ក ដែលគេស្គាល់ថា ជាស្នងការរងនោះបែជាយកខ្នោះដៃមកដាក់ខ្នោះម្ចាស់រថយន្តHIGHLANDER ហើយនាំគ្នាឡើងរថយន្តគេចខ្លួនទៅបាត់ទុកឲ្យជនរងគ្រោះឈរនៅលើថ្នល់ជិតរថយន្តរាប់ម៉ោង។
បន្ទាប់មកគេឃើញមាន មន្ត្រីនគបាលជាច្រើនរូបបានចុះទៅដល់លន្លែងកើតហេតុតែ ហាក់មិនអើពើ ជាមួយជនរងគ្រោះទេ ដោយឆ្លើយដេញដោលគ្នាថា មិនហ៊ានដោះខ្នោះដៃចេញពីជនរងគ្រោះទេ ដោយមិនដឹងអ្នកណាជាអ្នកដាក់?។តាមពិតទំនងជាដឹងថា មេខ្លួនជាស្នងការរងទៀត ស្រាច់បណ្តោយ។ គេឆ្ងល់ថាប្រសិនបើអ្នកបើកឡានហៃឡឺនឌឺរស្រវឹងមិនចុះពីឡានម៉េចក៏អាចចាប់វ៉ៃខ្នោះបាន?។តើមានអ្វីជាសំអាងថាអ្នកបើកឡានហៃឡឺឌឺស្រវឹង?។តើមានកាម៉េរាទេម្តុំកើតហេតុ?។ប្រយត្ន័តែអ្នកបើកឡានម៉ាសដាស្រវឹងវិញហលយបើកឡានលឿនពេកបានបុកទេដឹង?។នេះជាចម្ងល់របស់មហាជនទេអ្វីៗសុំឲ្យមានតម្លាភាពនិងយុត្តិធម៍មហាជនអស់ចិត្តហើយទាន!៕
