វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3874 នាក់
ម្សិលមិញ 10264 នាក់
សរុប 14143056 នាក់
កោះកុងៈបុរសម្នាក់ត្រូវបានប៉ូលិសស្រុកបូទុមសាគរឃាត់ខ្លួន កាលពីថ្ងៃទី៣ខែកក្កដាឆ្នាំ២០១៨ នៅចំណុចឃុំជីមាល ឃុំអណ្តូងទឹក បញ្ជូនមកកាន់ស្នងការដ្ខានប៉ូលិសខេត្តកោះកុង ដើម្បីបន្តចាត់ការតាមនិតិវិធី ពាក់ពន្ធ័ករណីយ៍លួចម៉ូតូគេមួយគ្រឿងជិះពីក្រុងខេមរភូមិន្ទសំដៅទៅរាជធានីភ្នំពេញតាមដងផ្លូវជាតិលេខ៤៨សំដៅមកផ្លូវជាតិលេខ៤ ។
មន្ត្រីប៉ូលិស បានឲ្យដឹងថា ជនសង្ស័យដែលត្រូវឃាត់ខ្លួនគឺឈ្មោះ យន់ បូណា ភេទប្រុស អាយុ៣២ឆ្នាំ មុខរបរមិនពិតប្រាកដ ទីលំនៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង។ លោក ឡាយ ម៉េងឡាំង ប្រធានការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកោះកុងបានឲ្យដឹងពីមូលហេតុនៃការលួចថា ជនសង្ស័យខាងលើ បានចាញ់ការចាក់បាល់អស់លុយពីខ្លួនរួចក៏ដាច់ចិត្តលួចម៉ូតូគេម៉ាកScoopy គ្មានស្លាកលេខមួយគ្រឿងនៅវេលាម៉ោងប្រមាណជាង៨ព្រឹកថ្ងៃទី3ខែកក្កដាបម្រុងជិះគេចខ្លួនទៅភ្នំពេញតែគេចមិនរួចនៅវេលាម៉ោងប្រហែល១១និង៣០នាទីថ្ងៃដដែលក៏ត្រូវបាន នគរបាលក្រុងខេមរភូមិន្ទសហការជាមួយ ការិយាល័យព្រហ្មទណ្ធកំរិតស្រាលនិងកម្លាំងអធិការដ្ឋានស្រុកបូទុមសាគរធ្វើការចាប់ខ្លួនតាមពាក្យបណ្តឹងជនរងគ្រោះរួមនិងវក្ថុតាងតែតម្តង៕