វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8124 នាក់
ម្សិលមិញ 6001 នាក់
សរុប 13880954 នាក់
បន្ទាយមានជ័យ៖ឪពុកដែលបង្ខំកូនប្រុសបង្កើតអាយុជិត៥ឆ្នាំ ឱ្យដើរសុំទានតាមផ្សារនិងទីប្រជុំជនត្រូវកម្លាំងកងរាជអាវុធហត្ថក្រុងប៉ោយប៉ែត ឃាត់ខ្លួន នៅចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី៩ធ្នូ។
សមត្តកិច្ចអាវុធហត្ថក្រុងប៉ោយប៉ែត ឱ្យដឹងថា ដោយមើលឃើញព័ត៌មានផ្សព្វផ្សាយតាមហ្វេសប៊ុកបង្ហាញវីដេអូរបស់កុមារារងគ្រោះមានឈ្មោះ ធី នុល ហៅ ប៉ូយ អាយុ៤ឆ្នាំ៨ខែ ត្រូវឪពុកវាយធ្វើបាប បង្ខំឲ្យដើរសុំទាន តាមផ្សារ និងទីប្រជុំជននានាក្នុងក្រុងប៉ោយប៉ែត ។
បន្ទាប់ពីទទួលបានការអនុញ្ញាត , កម្លាំងបានចុះប្រតិបត្តិការស្រាវជ្រាវ ឈានដល់ការឃាត់ខ្លួនជនសង្ស័យឈ្មោះ ហ៊ុ រ៉ា ភេទប្រុស អាយុ ៣៦ឆ្នាំ ដើម្បីយកមកសាកសួរ ។
ចំណែកកុមាររងគ្រោះ កម្លាំងកងរាជអាវុធហត្ថ បានប្រគល់ជូនទៅជីដូនបង្កើតរបស់កុមាររងគ្រោះ មានឈ្មោះ សោម សារ៉េត អាយុ ៦៤ឆ្នាំ បច្ចុប្បន្នរស់នៅភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ។
យោងតាមការបំភ្លឺរបស់ប្រជាពលរដ្ឋ និងយោងតាមរបាយការណ៍របស់មូលដ្ឋានកងរាជអាវុធហត្ថក្រុងប៉ោយប៉ែតផងនោះ ជនសង្ស័យខាងលើ អាចត្រូវចោទពីបទ ហឹង្សា និងធ្វើទារុណកម្មលើកុមារ។