វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1667 នាក់
ម្សិលមិញ 10264 នាក់
សរុប 14140849 នាក់
ខេត្តបាត់ដំបង៖ ផ្ទះឈើមួយខ្នងទំហំ ៦ម៉ែត្រគុណនឹង៧ម៉ែត្រ ព្រមទាំងសម្ភារ:ប្រើប្រាស់ជាច្រើននៅចំណុចក្រុមទី៣១ ភូមិបល្ល័ង្កក្រោម ឃុំរូងជ្រៃ ស្រុកថ្មគោល ខត្តបាត់ដំបងត្រូវភ្លើងឆាបឆេះអស់ទាំងស្រុងដែលសរុបការខូចខាតជាប្រាក់ប្រមាណ ១៣, ០០០ដុល្លារអាមេរិក(មួយម៉ឺនបីពាន់ដុល្លាអាមេរិក )ដោយសារកូនប្រុសចិត្តតិរច្ឆានកេះដែកកេះដុត នៅរសៀលថ្ងៃទី៧ ខែកុម្ភ:ឆ្នាំ២០២១។
កូនតិរច្ឆានដុតផ្ទះឪពុកខ្លួនឯងឆេះហ្ម៉ត់ខានរស់នៅនេះឈ្មោះ សឺតសីលា អាយុ ៣០ ឆ្នាំ មុខរបរ មិនពិតប្រាកដ។ រីឯឪពុកជាជនរងគ្រោះឈ្មោះ ពិត សឺតភេទប្រុសអា យុ ៥៦ឆ្នាំ មិចរបរកសិករ រស់នៅភូមិឃុំកើត ហេតុខាងលើ ។ជនរងគ្រោះជាឪពុកបានប្រាប់ឲ្យដឹងពីមូលហេតុថា ដើមដំបូងកូនប្រុសរបស់គាត់ម្នាក់នេះបានមកសុំលុយគាត់ដើម្បីយកទៅទិញថ្នាំញៀនជក់។រូបគាត់មិនព្រមឲ្យរួចថែមទាំងស្តីបន្ទោសក្នុងន័យអប់រំឲ្យឈប់សេពគ្រឿងញៀននិងសេពគប់មិត្តភក្តិមិនល្អ។តែការអប់រំចង់ឲ្យកូនដើរផ្លូវល្អនេះដូចចាកទឹកលើក្បាលទាកូនប្រុសគាត់មានកំហឹងលើគាត់ វាទាញដបសាំងចាក់ដុតផ្ទះឆេះខាននៅ។
សមត្ថកិច្ចមូលដ្ឋានបានឃាត់ខ្លួនជនសង្ស័យបានភ្លាមៗនិងកំពុងរៀបចំចាត់វិធានការតាមផ្លូវច្បាប់ គ្រាដែលគេសារភាពថា ទង្វើនេះដោយសារតែខ្លួនប្រើប្រាស់គ្រឿងញៀនជ្រុល?!៕