វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4270 នាក់
ម្សិលមិញ 4563 នាក់
សរុប 14171646 នាក់
ភ្នំពេញ៖ នៅវេលាម៉ោងជាង៩ព្រឹក ថ្ងៃទី១៨ ខែតុលា ឆ្នាំ២០២៣នេះ អគ្គិភ័យមួយបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅ នៅម្ដុំវត្តដំបូកខ្ពស់ សង្កាត់បឹងទំពុន ខណ្ឌមានជ័យ។អគ្គិភ័យមួយនេះត្រូវបានសមត្តកិច្ចជំនាញឡានទឹក និងប្រជាពរដ្ឋនាំគ្នាជួយពន្លត់រលត់ ស្រាប់តែមានបុរសម្នាក់បានដួលស្លាប់ដោយខ្លួនឯង នៅក្នុងហេតុការណ៍នោះ កាលពីវេលាម៉ោង ៩:១៥នាទីព្រឹក ថ្ងៃទី១៨ ខែតុលា ឆ្នាំ២០២៣ នៅភូមិត្នោតជ្រុំ៥ សង្កាត់បឹងទំពន់២ ខណ្ឌមានជ័យ រាជធានីភ្នំពេញ។
ប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញផ្សែងហ៊ុយចេញពីផ្ទះកើតហេតុ បង្កជាអណ្តាតភ្លើងយ៉ាងសន្ធោសន្ធៅ។ ភ្លាមៗនោះប្រជាពលរដ្ឋ បាននាំគ្នារាយការណ៍ទៅសមត្ថកិច្ចដើម្បីសុំរថយន្តពន្លត់អគ្គិភ័យចាបន្ទាន់ ហើយការិយាល័យនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តចំនួន ៦គ្រឿង និងបានពន្លត់ចប់នៅម៉ោង ១០ព្រឹក ថ្ងៃខែ ឆ្នាំដដែល។ សមត្ថកិច្ច បានឲ្យដឹងថា ម្ចាស់ផ្ទះឈ្មោះនៅ ណាវិន ភេទស្រី អាយុ២៩ឆ្នាំ ជនជាតិខ្មែរ មុខរបរមេផ្ទះ។ ផ្ទះដែលឆេះសង់អំពីឈើលើថ្មក្រោម មានទំហំ ៨ម៉ែត្រគុណនឹង ១២ម៉ែត្រ រួមទាំងសម្ភារប្រើប្រាស់ ត្រូវបានភ្លើងឆេះអស់ទាំងស្រុង មូលហេតុបណ្តាលមកពីឆ្លងចរន្តអគ្គិសនី។លោកវរសេនីយ៍ឯក ព្រហ្ម យ៉ន បានប្រាប់ថា ចំពោះករណីខាងលើនេះ កម្លាំងសមត្ថកិច្ចជំនាញ បានធ្វើការគ្រប់គ្រង់ទាំងស្រុងនៅវេលាម៉ោង ១០៖០០នាទីព្រឹកថ្ងៃខែឆ្នាំដដែរ។ ដោយក្នុងហេតុការណ៍នេះ មិនបានបណ្តាលឲ្យអ្នកណាម្នាក់រងរបួសនោះឡើយ ៕