វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6097 នាក់
ម្សិលមិញ 5378 នាក់
សរុប 14085390 នាក់
ខេត្តប៉ៃលិន៖កន្លងមកលោកថាក់ស៊ិនស៊ីណាវ៉ាត្រាកាលនៅជានាយករដ្ឋមន្ត្រីថៃក្នុងអំឡុងឆ្នាំ២០០១បានសម្រាប់មនុស្សជាង៣០០០នាក់ក្នុងយុទ្ធនាការបង្រាបបទល្មើសគ្រឿងញៀន។បន្ទាប់មកសម័យលោកឌុយតាតឺឡើងជាប្រធានាធិបតីប្រទេសហ្វ៊ីលីពីនបានសម្រាប់មនុស្សប្រមាណ៤០០០នាក់ក្នុងយុទ្ធនាការបង្ក្រាបគ្រឿងញៀនដែលចាត់ទុកថាជាបទល្មើសស៊ីរូងផ្ទៃក្នុងសង្គមជាតិ។តើស្រុកខ្មែរយើងល្ម៉េចដែរ?។
ជាក់ស្តែងគ្រាន់់តែនៅអាណចក្រខេត្តប៉ៃលិនអតីតតំបន់ខ្លាំងរបស់ខ្មែរក្រហមបច្ចុប្បន្នគ្រៀងញៀនក៏អុកឡុកខ្លាំងសម្បើមណាស់ដែរ។ក្នុងយុទ្ធនាការចុះឆែកឆេរមួយធ្វើឡើងកាលពីវេលាម៉ោង ០៨ និង ៣០ នាទីយប់ ថ្ងៃទី០២ ខែមករា ឆ្នាំ២០១៩នេះនៅភូមិផ្សារព្រំឃុំស្ទឹងកាច់ស្រុកសាលាក្រៅខេត្តប៉ៃលិនជាប់ព្រំដែនថៃក្នុងចំណោមធ្វើតេស្តមនុស្ស៦០នាក់សមត្តកិច្ចរកឃើញអ្នកផ្ទុកសារធាតុញៀនចំនួន១៣នាក់និងបានឃាត់ខ្លួនជនទាំងនោះយកទៅអប់រំ រួមទាំង ម៉ូតូចំនួច៤គ្រឿងនិងវត្ថុតាងមួយចំនួនទៀតដែលពាក់ព័ន្ធនិងគ្រឿងញៀន។
លោក ផាន់ ចាន់ធុល អភិបាលប៉ៃលិន លោក ចេង ញ៉ាញ អភិបាលរងខេត្ត លោកឧត្ដមសេនីយ៍ឧត្ដមសេនីយ៍ត្រី ស៊ិន សុភាលក្ម្សី ស្នងការរងទទួលផែនអគ្គីភ័យ និងអាវុធជាតិផ្ទុះ រួមជាមួយលោកវរសេនីយ៍ឯក ស៊ុំ សុផល ស្នងការរងទទួលផែនសណ្ដាប់ធ្នាប់ នៅចំណុចភូមិផ្សាព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
សមត្ថកិច្ចបានឲ្យដឹងថា ក្នុងកិច្ចសហប្រតិបត្តិការនេះកម្លាំងជំនាញបានត្រួតពិនិត្យ៖
-រថយន្តចំនួន ៩៥គ្រឿង
-ម៉ូតូចំនួន ១៧៥គ្រឿង និងបានដកហូតចំនួន ០៤គ្រឿង។
ក្នុងនោះកម្លាំងជំនាញការិយាល័យប្រឆាំងបទល្មើសគ្រឿងញៀនបានធ្វើការត្រួតពិនិត្យសារធាតុញៀនបានចំនួន ៦០នាក់ និងឃាត់ខ្លួនជនសង្ស័យបានចំនួន ១៣នាក់ ដែលពិនិត្យឃើញមានសារធាតុញៀន។
បច្ចុប្បន្នជនសង្ស័យ រួមជាមួយវត្ថុតាងត្រូវបញ្ជូនទៅស្នងការដ្ឋាននគរបាលខេត្តប៉ៃលិន ដើម្បីអប់រំណែនាំ ធ្វើកិច្ចសន្យា និងឲ្យអាណាព្យាបាលមកធានាយកទៅអប់រំបន្ត។
ពលរដ្ឋមានការបារម្ភយ៉ាងខ្លាំងព្រោះគ្រឿងញៀនកំពុងវាយលុកពេញបន្ទុកនៅក្នុងភូមិឋានរបស់គាត់ ជាក់ស្តែងលទ្ធផលនៃការចុះឆែកឆេរនេះឧទាហរណ៍ស្រាប់។