វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10145 នាក់
ម្សិលមិញ 8227 នាក់
សរុប 14137026 នាក់
ភ្នំពេញ ៖ មុខសញ្ញាលួចស្លាកលេខរថយន្តយ៉ាងសកម្មនៅរាជធានីភ្នំពេញ ដោយជិះម៉ូតូកង់បី (ឡាំប៉ាតា ឥណ្ឌា) ត្រូវបានសមត្តកិច្ចឃាត់ខ្លួនបានកាលពីថ្ងៃទី១៦ខែកញ្ញាឆ្នាំ២០១៨ ។
កម្លាំងការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ បើកការស្រាវជ្រាវយ៉ាងយកចិត្តទុកដាក់ក្រោយពេលបានទទួលពាក្យបណ្តឹងពីជនរងគ្រោះនិងហ្វេសប៊ុកជួយផ្តល់តម្រុយ។
គណនីហ្វេសប៊ុកមួយដែលមានឈ្មោះថា Duke បានធ្វើការបង្ហោះវីដេអូពីសកម្មភាពអ្នករត់ម៉ូតូកង់បីរបស់ឥណ្ឌា បានលួចដោះយកស្លាកលេខរថយន្តរបស់ខ្លួន។ តាមម្ចាស់គណនីខាងលើបានសរសេសរៀបរាប់ថា៖ “បើបងប្អូនណាបានឃើញ អាចោរដែលរត់តុកៗនេះ សូមចាប់វាទុកផង ព្រោះវាបានលួចស្លាកលេខឡានរបស់ខ្ញុំ និងអ្នកជិតខាងម្នាក់ទៀត ។ ស្លាកលេខដែលវាបានលួចទៅគឺ 2AT-4136 និង 2AJ-8154 បើស្លាកលេខឡានខាងលើចរាចរណ៍ ឬយកទៅប្រព្រឹត្តបទល្មើសណាមួយ យើងខ្ញុំមិនទទួលខុសត្រូវឡើយ ហើយក៏បានដាក់ពាក្យបណ្តឹងរួចរាល់ហើយ ។
សមត្ថកិច្ច កម្លាំងការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ កំពុងធ្វើការសាកសួរជនសង្ស័យខាងលើនេះ ហើយនឹងបន្តតាមនិតិវិធីទៀតដោយមិនបង្ហាញអត្តសញ្ញាណជនសង្ស័យនៅឡើយ។
កាលព្រឹកថ្ងៃទី១៧ ខែកញ្ញា ឆ្នាំ២០១៨ ការិយាល័យ នគរបាល ព្រហ្មទណ្ឌកំរិតស្រាល រាជធានីភ្នំពេញតាមរយៈបណ្តាញសង្គមហ្វេសបុកបានបង្ហោះប្រកាសស្វែងរកម្ចាស់រថយន្តខាងលើដែលបាត់ស្លាកលេខរថយន្ត ដែលខាងកងម្លាំងសមត្ថកិច្ចទើបនឹងឃាត់ខ្លួនមុខសញ្ញាខាងលើបាន ដោយបានសរសេរថាស្វែងរកម្ចាស់យ៉ាងដូច្នេះថា “ករណី លួច ស្លាកលេខរថយន្ត សកម្មក្នុងរាជធានីភ្នំពេញ. ត្រូវបានបង្ក្រាប បេីបងប្អូនណាមានបាត់ស្លាកលេខរថយន្ត សូមទាក់ទង មក ០១២ ៧១ ៨១ ៧១”៕