វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3160 នាក់
ម្សិលមិញ 6359 នាក់
សរុប 14089793 នាក់
វៀតណាម៖ កម្ពុជា គឺជាប្រទេសមួយក្នុងចំណោមប្រទេសមួយចំនួន ដែលបានផ្គត់ផ្គង់ឈើសំរាប់រោងចក្រនៅប្រទេសវៀតណាម។
នេះបើតាមកាសែតវៀតណាម ញូវ (Vietnam News)ដកស្រង់សម្តី លោក ផាំ វ៉ាន ឌៀន (Pham Van Dien)អគ្គនាយករងនៃក្រសួងរុក្ខាប្រមាញ់វៀតណាមមក ផ្សាយកាលពីថ្ងៃទី ២៣ ខែតុលាឲ្យដឹង។ ថ្លែង ក្នុងកិច្ចពិភាក្សាមួយរវាងមន្ត្រីក្រសួងកសិកម្មខ្មែរ និងវៀតណាម និងនាយកប្រតិបត្តិនៃក្រុមហ៊ុនជំនួញឈើនៅទីក្រុងហូជីមិញ កាលពីថ្ងៃទី២២ តុលាលោក ផាំ វ៉ាន ឌៀន (Pham Van Dien)ថា ដើម្បីទប់ស្កាត់ ការជួញដូរឈើ និងដឹកឈើខុសច្បាប់នៅតាមបណ្តាខេត្តជាប់ព្រំដែន ភាគីកម្ពុជា និងវៀតណាម បានពង្រឹងស្ថាប័នផ្លូវច្បាប់របស់ខ្លួនក្នុងប៉ុន្មានឆ្នាំកន្លងមកនេះ ប៉ុន្តែ វិធានការទប់ស្កាត់ជំនួញឈើខុសច្បាប់នេះ នៅមានបញ្ហាលំបាកនៅឡើយ។
លោក ច័ន្ទ ប៉ូនីកា អគ្គនាយករងនៃក្រសួងកសិកម្ម រុក្ខានិងប្រមាញ់ខ្មែរ ដែលបានចូលរួមក្នុងកិច្ចប្រជុំដែរនេះឲ្យដឹងថា កិច្ចពិភាក្សានេះមានសារសំខាន់ណាស់ ដើម្បីអភិវឌ្ឍន៍វិស័យព្រៃឈើ លើកកម្ពស់ពាណិជ្ជកម្មនិងផលិតផលឈើ ចេញពីប្រភពស្របច្បាប់ សម្រាប់ប្រទេសទាំងពីរ។ លោកបន្តថា កម្ពុជា ទទួលបាននូវបទពិសោធន៍ និងរៀនសូត្រជាច្រើន ជុំវិញវិធានការនានា ដើម្បីបង្ក្រាបការជួញដូរ និងដឹកឈើខុសច្បាប់ឆ្លងដែន។
កាលពីពេលថ្មីៗ នេះ អង្គការសង្គមស៊ីវិលជាតិ និងអន្តរជាតិ ២០ស្ថាប័ន បានដាក់ញត្តិរួមគ្នាស្នើសុំឲ្យសហគមន៍អឺរ៉ុប EU បញ្ឈប់ការនាំឈើចេញពីកម្ពុជា ដែលពួកគេរកឃើញថា ប្រទេសវៀតណាមសម្រួលឲ្យមានសង្វាក់ផលិតកម្ម ផ្តត់ផ្គង់ឈើចូលប្រទេសរបស់ខ្លួន ដែលភាគច្រើនជាឈើខុសច្បាប់នាំចេញពីកម្ពុជា។ ក្រុមអង្គការទាំងនេះ រកឃើញថា ក្នុងរយៈពេល ៦ខែ អំឡុង ឆ្នាំ ២០១៧ ឈើហោចណាស់ ៣សែនម៉ែត្រគូប (300.000) ត្រូវបានលួចពីខេត្តភាគខាងកើតនៃកម្ពុជា នាំចូលទៅវៀតណាម។
កាលពីឆ្នាំ២០១៧ វៀតណាម បាននាំឈើចេញទៅលក់នៅក្រៅប្រទេស នូវទឹកប្រាក់ចំនួន ៨ពាន់លានដុល្លារ (8 Billion)។ វៀតណាមក៏បានចំណាយប្រាក់ ចំនួនជិត ២ពាន់ ២រយលាន ក្នុងការនាំឈើចូល កាលពីឆ្នាំ២០១៧៕