លោក ឆ ណាក់ មេគយច្រកជាំបាននឹងកំពុងមូលលាភសក្ការ:ពីក្រុមឈ្មួញដឹក ទំនិញគេចពន្ធយ៉ាងសប្បាយដៃ ?
15-March-2026 / ព័ត៌មានជាតិ
ខេត្តឧត្តរមានជ័យ : ជាំ-សាងុាំ ជាច្រកទ្វារព្រំដែនអន្តរជាតិកម្ពុជា-ថៃ ស្ថិតក្នុងស្រុកអន្លង់ វែង ខេត្តឧត្តរមានជ័យ ត្រូវបានប្រជាពលរដ្ឋរាយការណ៍មកថា: បច្ចុប្បន្ននេះ សកម្មភាពក្រុមឈ្មួញបាននឹងកំពុងធ្វើការដឹកជញ្ជូនទំនិញគ្រប់ប្រភេទតាមរថយន្ត កែច្នៃ រាប់សិបគ្រឿងក្នុង១ថ្ងៃៗ យ៉ាងគគ្រឹក គគ្រេង ។
ជាក់ស្តែងនៅព្រឹក ថ្ងៃទី០៧ ខែឧសភា ឆ្នាំ២០២៥ លោក ទឺ ពិទូ អ្នកយកព័ត៌មាន អង្គភាពគេហទំព័រ មាតុភូមិ និង ក្រុមការងារបានចុះទៅយកព័ត៌ មានដោយផ្ទាល់ ដល់មាត់ច្រក ទ្វារព្រំដែនអន្តរជាតិជាំ គឺបាន សង្កេតឃើញថា : ពិតជាមាន ការដឹកជញ្ជូនទំនិញសព្វសារពើ តាមរយន្តធំ-តូច កែច្នៃ ខុសបច្ចេកទេស ដឹកលើសទម្ងន់ ដឹកសំពីងសំពោងដោយមិនខ្វល់ពីការគ្រោះថ្នាក់ចរាចរណ៍អ្វីទេ ។ លោក អ៊ុំប្រុសម្នាក់ជាម្ចាស់រថយន្ត កែច្នៃ បានប្រាប់អ្នកយកព័ត៌មានយើងថា: គាត់ខំរកសីុដឹកជញ្ជូនទំនិញ ក្នុង១រថយន្ត ត្រូវចំណាយលុយបង់អោយសមត្ថកិច្ចគយ នៅច្រកជាំ អស់១លានប៉ែតសិបមុឺនរៀល ។ ហើយនៅពេលរថយន្តចុះទៅដល់ក្រោមត្រូវចំណាយអស់60មុឺនរៀលថែមទៀតក្នុងនោះត្រូវបង់លុយអោយ គយចល័តពីរកន្លែង ( ១កន្លែង២០មុឺនរៀល ) និងស្នាក់ការប៉េអឹម១០មុឺនរៀល រួមទាំងប៉ូលីស ១០មុឺនរៀល ដោយពុំមានចេញវិក័យបត្រអោយម្ចាស់ទំនិញទេ ។
ដូច្នេះបើផ្អែកតាមការអះអាងពីក្រុមឈ្មួញ ដឹកជញ្ជូនទំនិញតាមរថយន្តកែច្នៃ ពីថៃចូលមកទឹកដីកម្ពុជាតាមច្រកទ្វារព្រំដែនអន្តរជាតិជាំនេះ គឺថា : លោក ឆ ណាក់ មេគយ និងរដ្ឋាករ ច្រកទ្វារអន្តរជាតិជាំ និងលោក រ៉ែម ផល្លាវី ប្រធានទីស្នាក់ការត្រួតពិនិត្យច្រកទ្វារអន្តរជាតិជាំបាននិងកំពុងត្រូវប៉ាន់ខ្លាំងណាស់ ក្នុងការប្រមូលលាភសក្ការ:ទុកជាប្រយោជន៍ផ្ទាល់ខ្លួនក្នុងតួនាទី ជាអ្នកអនុវត្តច្បាប់ប្រមូលពន្ធគយជូនរដ្ឋ ។ សូមបញ្ជាក់ថា: កន្លងមកគេហទំព័រ មាតុភូមិ ធ្លាប់បានផ្សាយម្តងរួចហើយដែរ ពីការគប់គិតគ្នាប្រព្រឹត្តិអំពើពុករលួយ របស់មន្ត្រីមានសមកិច្ចពាក់ព័ន្ធគ្រប់ស្ថាប័នដែលឈរជើងនៅច្រកទ្វារអន្តរជាតិជាំនេះ ។
ប៉ុន្តែរហូតមកដល់ពេលនេះ គឺពុំមានអ្វីប្រែប្រួលទេ គឺនៅតែដដែល ក្រុមឈ្មួញដឹកជញ្ជូន ទំនិញតាមរថយន្តកែច្នៃ សំពីង សំពោងចេញពីប្រទេសថៃ ឆ្លង ចូលមកកម្ពុជាតាមច្រកទ្វារព្រំដែនអន្តរជាតិជាំ ក្នុង១ថ្ងៃៗរាប់សិបគ្រឿង ដោយពុំឃើញមានសមត្ថកិច្ចជំនាញណាចេញមុខហាមឃាត់ ឬចាប់បង្ក្រាបនោះទេ ហាក់ដូចជាត្រូវដងត្រូវផ្លែគ្នា អស់ហើយ បានជាក្រុមឈ្មួញ អាចធ្វើចរាចរណ៍បានដោយរលូនបែបនេះ ? ។ ទាក់ ទិននឹងការលើកឡើង របស់ឈ្មួញដឹកជញ្ជូនទំនិញ ចោទថា : គយបានកំណត់អោយគាត់បង់លុយ ក្នុង១ឡានកែច្នៃ ចំនួន មួយលានប៉ែតសិបមុឺនរៀល ក្នុង១ជើងៗដោយពុំមានចេញ វិក័យបត្រអោយនេះ អ្នកយកព័ត៌មានយើង ពុំអាចសុំការបំភ្លឺពីលោក ឆ ណាក់ ប្រធានការិយាល័យគយ និង រដ្ឋាករ ច្រកទ្វារព្រំដែនអន្តរជាតិជាំបានទេ ។ អង្គភាពគេហទំព័រ មាតុភូមិ ស្វាគមន៍ជានិច្ច នូវការបកស្រាយបំភ្លឺ ព័ត៌មានពីគ្រប់ ភាគីពាក់ព័ន្ធ តាមច្បាប់ស្តីពីរបបសារព័ត៌មាន តាមរយ: Telegram 016 953 222 / 088 55 34 100 / 012 953 824
