អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 1963 នាក់

ម្សិលមិញ 1811 នាក់

សរុប 15648964 នាក់

តុលាការ ឃុំខ្លួនអតីតអភិបាលស្រុកល្វាឯម លោក កន សុខកាយ រឿងសូកលុយ៣០ម៉ឺនដុល្លារ រត់ការធ្វើជាអភិបាលក្រុងអរិយក្សត្រ

07-November-2024 / ព័ត៌មានជាតិ

ភ្នំពេញ៖ អតីតអភិបាលស្រុកល្វាឯម ខេត្តកណ្តាល លោក កន សុខកាយ ត្រូវបានតុលាការចេញដីកាឃុំខ្លួនដាក់ពន្ធនាគារ ពាក់ព័ន្ធរឿងយកលុយ៣០ម៉ឺនដុល្លារសូកគេឲ្យ រត់ការធ្វើជាអភិបាលក្រុងអរិយក្សត្រ តាមរយៈលោក លី សាម៉េត លោក ដួង ដារ៉ា និងលោក ឡាច សំរោង។ a kon sokay2

សេចក្ដីប្រកាសព័ត៌មានរបស់អ្នកនាំពាក្យសាលាដំបូងរាជធានីភ្នំពេញ នៅថ្ងៃទី១៣ ខែវិច្ឆិកា ឆ្នាំ២០២៤ បានបញ្ជាក់ថា សាលាដំបូងរាជធានីភ្នំពេញ បានចាត់ការលើសំណុំរឿងព្រហ្មទណ្ឌលេខ ៧៣១៥ ចុះថ្ងៃទី១៦ ខែវិច្ឆិកា ឆ្នាំ២០២៤ ទាក់ទិននឹងករណីប៉ុនប៉ងក្នុងបទសូកប៉ាន់ ដែលមានជនត្រូវចោទមានខ្លួនឈ្មោះ សុខកាយ ភេទប្រុស អាយុ៤២ឆ្នាំ ត្រូវបានចោទប្រកាន់ពីបទ «ប៉ុនប៉ងក្នុងបទសូកប៉ាន់» ព្រមទាំងជនត្រូវចោទចំនួន៣នាក់ទៀត គឺ ឈ្មោះ លី សាម៉េត ភេទប្រុស អាយុ៧១ឆ្នាំ (កំពុងឃុំខ្លួននៅ ពន្ធនាគារ), ឈ្មោះ ដួង តារា ភេទប្រុស អាយុ៥៦ឆ្នាំ (កំពុងឃុំខ្លួននៅពន្ធនាគារ) និងឈ្មោះ ឡាច សំរោង ភេទប្រុស អាយុ៥៥ឆ្នាំ កំពុងគេចខ្លួន ត្រូវបានចោទប្រកាន់ពីបទប៉ុនប៉ងក្នុងបទសូកប៉ាន់ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២២ បទល្មើសព្រហ្មទណ្ឌដែលមានចែង និងផ្តន្ទាទោសតាមមាត ២៧ និងមាត្រា ៦០៥ ក្រមព្រហ្មទណ្ឌ នៃព្រះរាជាណាចក្រកម្ពុជា និងមាត្រា៣២ នៃច្បាប់ស្ដីពីការប្រឆាំង អំពើពុករលួយ។

អ្នកនាំពាក្យសាលាដំបូងរាជធានីភ្នំពេញ បានបញ្ជាក់ថា ដំណើររឿងដែលនាំឱ្យមានការ ចោទប្រកាន់នេះ គឺឈ្មោះ កន សុខកាយ បានយកប្រាក់ចំនួន ៣០០ ០០០ដុល្លារទៅឱ្យឈ្មោះ លី សាម៉េត, ឈោះ្ម ដួង តារា និងឈ្មោះ ឡាច សំរោង ដោយមានចេតនាដើម្បីសូកប៉ាន់ក្នុងគោលបំណងទទួលបានតំណែងជាអភិបាលក្រុងអរិយក្សត្រ។បន្ទាប់ពីបានសួរចម្លើយជនត្រូវចោទ និងពិនិត្យភស្តុតាង ចៅក្រមស៊ើបសួរសម្រេចឃុំខ្លួនបណ្តោះអាសន្ន លើជនត្រូវចោទឈ្មោះ កន សុខកាយ ដើម្បីបន្តការស៊ើបសួរតាមនីតិវិធីច្បាប់។

សូមបញ្ជាក់ថា លោក កន សុខកាយ ត្រូវបានអង្គភាពប្រឆាំងអំពើពុករលួយ (ACU) បានសម្រេចឃាត់ខ្លួន និងបានបញ្ជូនទៅតុលាការ នារសៀលថ្ងៃទី១២ ខែវិច្ឆិកា ឆ្នាំ២០២៤។
កាលពីថ្ងៃទី៨ ខែតុលា ឆ្នាំ២០២៤ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញអនុក្រឹត្យបញ្ចប់មុខតំណែងលោក កន សុខកាយ ពីអភិបាលស្រុកល្វាឯម ខេត្តកណ្តាល។បន្ទាប់ពីបែកធ្លាយរឿងចាញ់បោកលោកលីសាម៉េតរឿងរត់ការអស់៣០ម៉ឺនដុល្លារ។ក្នុងអនុក្រឹត្យដកបានបញ្ជាក់ថា «ត្រូវបានបញ្ចប់មុខតំណែង លោក កន សុខកាយ ឋានន្តរស័ក្តិឧត្តមមន្ត្រី ថ្នាក់លេខ៥ ពីអភិបាលនៃគណៈអភិបាលស្រុកល្វាឯម នៃខេត្តកណ្តាល ដោយសារសាមីខ្លួនបានប្រព្រឹត្តកំហុសក្រមសីលធម៌ និងវិជ្ជាជីវៈធ្ងន់ធ្ងរ ផ្ទុយនឹងច្បាប់ស្តីពីសហលក្ខន្តិកៈមន្ត្រីរាជការស៊ីវិល នៃព្រះរាជាណាចក្រកម្ពុជា»៕ a kon sokay detain