អ្នកសារព័ត៌មាន ផាត់ ហ៊នបាន ចូលមកបំភ្លឺអយ្យការអមសាលាដំបូងខេត្តកំពង់ចាមតាមការកោះហៅហើយ!
06-August-2026 / ព័ត៌មានជាតិ
កំពង់ចាម ៖ នៅថ្ងៃទី១៩ ខែធ្នូ ឆ្នាំ២០២៤ វេលាម៉ោង ២រសៀល ដោយមានការចូលរួមគាំទ្រលើកទឹកចិត្តពីអ្នកសារពត័មានជាច្រើនស្ថាបន័ឈ្មោះ ផាត់ ហ៊ន ហៅពូហ៊នអ្នកកាសែតមាត់ដាចហ៊ានរិះគន់ភាពអសកម្មគ្មានសំចៃបានចូលមកបំភ្លឺបន្ថែមទៀតតាមការកោះហៅរបស់តំណាងអយ្យការអមសាលាដំបូងខេត្តកំពង់ចាម និងបានចេញមកវិញហើយ។
ការកោះហៅរបស់អយ្យការតុលាការខេត្តកំពង់ចាមនេះពាក់ព័ន្ធនឹងអង្គហេតុដែលឈ្មោះ ផាត់ ហ៊ន ហៅពូហ៊ន បានផ្សព្វផ្សាយជាសាធារណៈភ្ជាប់ជាមួយនឹងការអត្ថាធិប្បាយដែលក្រសួងពត៍មាននិងតុលាការចាត់ទុកថាប្រើប្រាស់ពាក្យសម្តីមិនសមរម្យ និងប្រមាថ កាលពីថ្ងៃទី២០-២១ ខែវិច្ឆិកា ឆ្នាំ២០២៤, ។ករណីកោះហៅនេះ បន្ទាប់ពីលោករដ្ឋមន្ត្រីក្រសួងពត៍មានលោកនេត្រភក្ត្រាចេញលិខិតព្រមានចុះថ្ងៃទី២៩វិច្ឆិកាឲ្យពូហ៊នបញ្ឈប់ការផ្សាយដោយក្រសួងថាគ្មានមូលដ្ឋានច្បាស់លាស់។ករណីយ៍នេះក្នុងបទសម្ភាសន៍ជាមួយអ្នកសារពត៍មានលោកពូហ៊នបានដាក់សំណួថាតើបញ្ហាកាសែតចុះផ្សាយបានធ្វើនិងដោះស្រាយបានហើយឬនៅ?។ជាងនេះទៀតពូហ៊នថាមិនមានការបំភ្លឺ(តាមច្បាប់របរបសារពត៍មានទេ)មានតែការគម្រាម?។ចឹងបានថាករណីយ៍នេះអ្នកកាសែតបានសំណូមពរថាអាជ្ញាមេត្តាពិនិត្យមើលអង្គហេតុ អង្គច្បាប់ ទៅលើជន ឬបុគ្គល ដែលអ្នកកាសែតផ្សាយនោះវិញផង ទើបហៅថា នីតិរដ្ឋ និងមានសមធម៍សង្គមផងដែរបើចងកែទម្រង់សង្គមមែន។
សូមបញ្ជាក់ថាករណីយ៍នេះបើតាមអ្នកនាំពាក្យអយ្យការអមសាលាដំបូងខេត្តកំពង់ចាម បានបញ្ជាក់ជូនមន្ទីរព័ត៌មានខេត្តកំពង់ចាម និងបណ្តាភ្នាក់ងារព័ត៌មានមានខ្លឹមសារដូចខាងក្រោម:
១-គប្បីរំលឹកឡើងវិញផងដែរថា ករណី អ្នកសារព័ត៌មានឈ្មោះ ផាត់ ហ៊ន ហៅពូហ៊ន ក៏ត្រូវបានក្រសួងព័ត៌មានកោះហៅ និងបានចេញលិខិតព្រមានរួចមកហើយ កាលពីថ្ងៃទី២៩ ខែវិច្ឆិកា ឆ្នាំ២០២៤ ពាក់ព័ន្ធនឹងវិធានការណ៍ផ្នែកវិជ្ជាជីវៈអ្នកសារព័ត៌មាន។
២-ស្របគ្នានឹងចំណាត់ការផ្នែកវិជ្ជាជីវៈខាងលើ, តំណាងអយ្យការក៏បានធ្វើការកោះហៅឈ្មោះ ផាត់ ហ៊ន ហៅពូហ៊ន ឱ្យចូលមកបំភ្លឺបន្ថែមទៀត នៅថ្ងៃទី១៩ ខែធ្នូ ឆ្នាំ២០២៤ វេលាម៉ោង ២រសៀល ពាក់ព័ន្ធនឹងអង្គហេតុដែលឈ្មោះ ផាត់ ហ៊ន ហៅពូហ៊ន បានផ្សព្វផ្សាយជាសាធារណៈភ្ជាប់ជាមួយនឹងការអត្ថាធិប្បាយដែលបានប្រើប្រាស់ពាក្យសម្តីមិនសមរម្យ និងប្រមាថ កាលពីថ្ងៃទី២០-២១ ខែវិច្ឆិកា ឆ្នាំ២០២៤។
៣-អ្នកនាំពាក្យសាលាដំបូងខេត្តកំពង់ចាម ថា ការកោះហៅនេះ គឺជាដំណើរការនីតិវិធីធម្មតាក្នុងរឿងក្តីព្រហ្មទណ្ឌក្នុងក្របខណ្ឌនៃការស៊ើបអង្កេតបឋម ដូចក្នុងសំណុំរឿងផ្សេងទៀតដែរ គឺដើម្បីធ្វើការប្រមូលព័ត៌មាន និងពិនិត្យលើបទល្មើស ដូចមានចែងក្នុងក្រមនីតិវិធីព្រហ្មទណ្ឌជាធរមានរបស់កម្ពុជា។
៤-ក្នុងសង្គមនីតិរដ្ឋ និងប្រជាធិបតេយ្យដូចប្រទេសកម្ពុជា រឿងក្តីព្រហ្មទណ្ឌត្រូវដំណើរការ និងគោរពយ៉ាងខ្ជាប់ខ្ជួនតាមក្រមនីតិវិធីព្រហ្មទណ្ឌ និងច្បាប់ជាធរមានដទៃទៀត។ ការស៊ើបអង្កេតបឋម គឺជាកិច្ចនីតិវិធីប្រមូលព័ត៌មាន ភស្តុតាង និងពិនិត្យលើតម្រុយនៃបទល្មើស មិនមែនជាការផ្តន្ទាទោសភ្លាមៗ ឬដាក់ពន្ធនាគារលើជនណាម្នាក់ ដោយមិនបន្តនីតិវិធីផ្សេងទៀតនោះទេ។
ករណីអ្នកសារព័ត៌មាន និងការគោរពច្បាប់ ក្រមសីលធម៌ ជាពិសេសការប្រឈមនឹងការកោះហៅពីក្រសួង-ស្ថាប័នពាក់ព័ន្ធ និងតុលាការជាដើម សាធារណជនសូមអំពាវនាវដល់សមត្ថកិច្ចទាំងអស់ឲ្យបានជ្រាបថា បើអស់លោកមានសមត្ថកិច្ច ជាពិសេស គឺតុលាការ កោះហៅអ្នកសារព័ត៌មានទៅតាមអង្គហេតុ និងអង្គច្បាប់ គឺសាធារណជនសប្បាយចិត្តណាស់។ជាងនេះទៀតច្បាប់ស្តីពីរបបសារពត៍ឆ្នាំ១៩៩៥ក៏នៅមានសុពលភាពផងដែរគេគួរយកច្បាប់នោះមកអនុវត្តន៍លើអ្នកសារពត៍មិនមែនអាងអីយកច្បាប់ព្រហ្មទណ្ឌមកប្រើគម្រាមនោះទេព្រោះអ្នកកាសែតគ្មានកាំភ្លើងទេ។
,
ម្យ៉ាងទៀតដើម្បីឲ្យមានសមធម៍និងធ្វើឲ្យមហាជនជឿលើប្រពន្ធ័យុត្តិធម៍សុំអស់លោកមានសមត្ថកិច្ច ជាពិសេស គឺមន្ត្រីតុលាការ ត្រូវពិនិត្យមើលអង្គហេតុ អង្គច្បាប់ ចំពោះជនពាក់ព័ន្ធនឹងការផ្សាយនោះឱ្យបានម៉ឺងម៉ាត់ផងដែរ កុំអាងអីហៅតែអ្នកកាសែតមកសាកសួរ ដាក់បន្ទុក រីឯជនអសកម្មដែលអ្នកកាសែតផ្សាយ បែរជារួចខ្លួន,។ព្រោះតាមច្បាប់ធម្មជាតិ ” ទីកន្លែងមិនស្អុយ រុយក៏វាមិនរោមដែរ” ៕
