តើករណីយ៍ឧកញ៉ាទន់ឆៃអ៊ាងចាក់ថ្មីវាតយកច្រាំងទន្លេរអាជ្ញាធរហ៊ានបន្តធ្វើលើអ្នកផ្សេងដែរអត់?
30-March-2025 / ព័ត៌មានជាតិ
កំពង់ចាម៖លោក ទន់ ឆៃអ៊ាងដែលជាងាជាឧកញ៉ានិង ជាអ្នក ដែលបានចាក់ថ្មចូលទន្លេ បានសន្យាថា នឹងអនុវត្ត ទៅតាមការណែនាំ របស់រដ្ឋបាលខេត្តកំពង់ចាម ដើម្បី កកាយយកថ្មចេញពីទន្លេនៅត្រង់ចំណុចស្ថិតភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាមបានសន្យានាព្រឹកថ្ងៃទី២៦ ខែកុម្ភៈ ឆ្នាំ២០២៤ចំពោះមុខលោក ស្រី សុភ័ក្ត្រ អភិបាលរងខេត្តកំពង់ចាមថានឹងកាយចេញ ឲ្យអស់យ៉ាងយូរ ជាង ១០ថ្ងៃ ។
បើតាម លោក ទន់ ឆៃអ៊ាង បញ្ជាក់ថា មកដល់ពេលនេះ យើងបានកាយថ្មចេញពីទន្លេ សម្រេចបានប្រហែល ១០ភាគរយ ហើយ ។ លោកឧកញ៉ារូបនេះ បានឲ្យដឹងដែរថា កាលពីឆ្នាំ២០២១ កន្លងទៅ ច្រាំងទន្លេគឺនៅចំណុចចាក់ថ្មនោះ បានបាក់ស្រុតជាបន្តបន្ទាប់ ។ ហេតុដូច្នោះហើយ ទើបគាត់បានចាក់ថ្ម ដើម្បី ទប់កុំឲ្យបាក់ច្រាំងបន្តទៀត ។ អ្វីដែលជាកំហុសនោះ គឺលោកថាមិនបានសុំច្បាប់អនុញ្ញាត ពីអាជ្ញាធរ នាមុនពេលធ្វើសកម្មភាព ទើបបណ្តាលឲ្យកើតនូវបញ្ហានេះឡើង ។ លោក ទន់ ឆៃអ៊ាង បាន ទទួលនូវកំហុស និងអនុវត្តទៅតាមវិធានការ របស់រដ្ឋបាលខេត្តកំពង់ចាម ដោយយល់ព្រមបញ្ឈប់សកម្មភាពចាក់ថ្មចូលផ្ទៃទន្លេ និងខិតខំធ្វើការកាយយកថ្ម ដែលខ្លួនបានចាក់រួចហើយនោះ ចេញវិញឲ្យអស់ មុនពេលកំណត់ ៧០ថ្ងៃ ។
គួររំលឹកដែរថា កាលពីថ្ងៃទី២២ ខែកុម្ភៈ ឆ្នាំ២០២៤ កន្លងទៅបន្ទាប់ពីដឹងតាមបណ្តាញសង្គមហ្វេសប៊ុក អាជ្ញាធរខត្តកំពង់ចាម បានចាត់វិធានការជាបន្ទាន់ករណី លោក ទន់ ឆៃអ៊ាង បានចាក់ថ្មចូលទន្លេមេគង្គ ប្រុងយកធ្វើជាកម្មសិទ្ធិ ស្ថិតនៅក្នុងភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាម ដោយធ្វើកិច្ចសន្យា ឲ្យបញ្ឈប់ជាបន្ទាន់ និងកាយថ្មចេញវិញក្នុងរយៈពេល ៧០ថ្ងៃ ។ ដោយបានដាក់វិធានការ ដូចខាងក្រោម ៖ ទី១.បញ្ឈប់សកម្មភាពចាក់ថ្មចូលផ្ទៃទន្លេ ដោយគ្មានច្បាប់អនុញ្ញាត ទោះបីក្នុងហេតុផលណាមួយក៏ដោយ ។
ទី២.ត្រូវកាយ និងយកថ្ម ដែលបានចាក់រួចហើយនោះ ចេញវិញឲ្យអស់យ៉ាងយូរ ត្រឹមរយៈពេល ៧០ថ្ងៃ ជាកំណត់ និងមិនត្រូវកាយពង្រាយទម្លាក់ចូលក្នុងទឹកទន្លេឡើយ ដើម្បី បញ្ចៀសផលប៉ះពាល់ទៅថ្ងៃក្រោយ ដល់ការធ្វើចរាចរណ៍ តាមផ្លូវទឹក ។ ទី៣.ភាគីម្ចាស់ដី ត្រូវធ្វើសេចក្តីរាយការណ៍ មករដ្ឋបាលខេត្តកំពង់ចាម ក្នុងរយៈពេល ១ខែ ម្តង នៃរៀងរាល់ចុងខែនីមួយៗ លើវឌ្ឍនភាព នៃការកាយថ្មចេញពីទន្លេនេះ ហើយក្រុមការងារ របស់រដ្ឋបាលខេត្តកំពង់ចាម នឹងចុះធ្វើការពិនិត្យ តាមដានការអនុវត្តវិធានការនេះ នៅរៀងរាល់មួយសប្តាហ៍ម្ដង ឬទៅតាមពេលវេលាជាក់ស្តែង ។លោក ស្រី សុភ័ក្ត្រ អភិបាលរងខេត្តកំពង់ចាម ដែលបានដឹកនាំ ក្រុមការងារ ចុះពិនិត្យ និងតាមដាន ការអនុវត្តវិធានការនេះ បានបញ្ជាក់បន្ថែមថា នេះគ្រាន់តែជាវិធានការបឋម និងជាបន្ទាន់ របស់រដ្ឋបាលខេត្ត ប៉ុណ្ណោះ ។ រីឯវិធានការតាមផ្លូវច្បាប់ គឺនៅតែបន្តអនុវត្ត ។
តើលោកឧកញ៉ា ទន់ ឆៃអ៊ាង ដែលបានចាក់ថ្មចូលទន្លេមេគង្គ ប្រុងយកធ្វើជាកម្មសិទ្ធិនៅក្នុងភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាម បញ្ចប់ត្រឹមកាយថ្មវិញមែន ? នេះជាលើកឡើងចំពោះមជ្ឈដ្ឋានទូទៅរបស់ប្រជាពលរដ្ឋ មន្ត្រីរាជការ ក៏ដូចជាលើបណ្តាញទំនាក់ទំនងសង្គម បញ្ចេញចម្ងល់ថា ហេតុអីក៏បុគ្គលរូបនេះ អាចប្រើពេលជាច្រើនសប្តាហ៍ ដើម្បីធ្វើសកម្មភាពចាក់ថ្មចូលទន្លេមេគង្គ ប្រុងយកធ្វើជាកម្មសិទ្ធិនៅក្នុងភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាម បែជាអាជ្ញាធរ ភូមិ ឃុំ ស្រុក ទើបនឹងដឹង ?លោក វង្ស សំអាង និងលោក កៅ ម៉េងសៀង ជាតំណាងរបស់លោក ទន់ ឆៃអ៊ាង ជាភាគីម្ចាស់ដី បានទទួលស្គាល់នូវសកម្មភាពនៃការចាក់ថ្ម និងការរកឃើញរបស់ក្រុមការងាររបស់រដ្ឋបាលខេត្តដូចបានបញ្ជាក់ខាងលើ ព្រមទាំងយល់ព្រមអនុវត្តវិធានការរបស់រដ្ឋបាលខេត្តទាំង០៣ចំណុច ដូចខាងលើ។
ទាក់ទងបញ្ហានេះខាងក្រសួងធនធានទឹក និងឧតុនិយម បានបញ្ជាក់ថា សកម្មភាពចាក់ថ្មចូលផ្ទៃទន្លេដើម្បីចាក់ខ្សាច់លុបនេះ នឹងបង្កឧបសគ្គ ឬធ្វើឱ្យមានការរាំងស្ទះដល់លំហូរទឹកធម្មជាតិនៃទន្លេ ហើយជាបទល្មើស ដែលមានបញ្ញត្តនៅក្នុងមាត្រា៣៦ នៃច្បាប់ស្តីពីការគ្រប់គ្រងធនធានទឹក នៅក្នុងព្រះរាជាណាចក្រកម្ពុជា ចែងថា៖ត្រូវផ្តន្ទាទោសពិន័យជាប្រាក់ពីប្រាំលាន (៥ ០០០ ០០០)រៀល ដល់ដប់លាន (១០ ០០០ ០០០)រៀល និង/ឬដាក់ពន្ធនាគារពីមួយ (១) ឆ្នាំ ដល់ប្រាំ (៥)ឆ្នាំ ចំពោះបុគ្គលដែលបង្កឧបសគ្គ ឬធ្វើឱ្យរាំងស្ទះដល់ លំហូរទឹកធម្មជាតិនៃទន្លេ ស្ទឹង ព្រែក អូរ ប្រឡាយ ដោយគ្មានការអនុញ្ញាត។ គ្រប់ករណីមិនរាងចាល ត្រូវផ្តន្ទាទោសទ្វេមួយជាពីរ។
ជាមួយគ្នានេះ ក្រសួងធនធានទឹក និងឧតុនិយម សូមថ្លែងអំណរគុណដល់សាធារណជន អ្នកសារព័ត៌មាន និងអាជ្ញាធរគ្រប់លំដាប់ថ្នាក់ ជាពិសេសរដ្ឋបាលខេត្តកំពង់ចាម ដែលបានចាត់វិធានការបន្ទាន់ក្នុងការ ទប់ស្កាត់សកម្មភាពចាក់ថ្មចូលផ្ទៃទន្លេ ស្ថិតនៅភូមិព្រៃទទឹង ឃុំឫស្សីស្រុក ស្រុកស្រីសន្ធរ ខេត្តកំពង់ចាម ដែលបានចូលរួមថែរក្សាការពារធនធានទឹក ជាទ្រព្យសម្បត្តិសាធារណៈរបស់រដ្ឋ។ ក្នុងន័យនេះ ក្រសួងនឹងបន្តតាមដានវិធានការកំណត់ ដែលដាក់ចេញដោយរដ្ឋបាលខេត្ត ចំពោះភាគីម្ចាស់ដី។សូមបញ្ជាក់ថាកាលពីក្នុងអាណត្តិរាជរដ្ឋាភិបាលទី៦លោកលឹមគានហោរដ្ឋមន្ត្រីធនធានទឹកបានចេញលិខិតមយយជូនទៅអាជ្ញាធររាជធានីខេត្តឲ្យជួយទប់ស្គាត់ការវាតទីយកច្រាំងសមុទ្ទទន្លេរបឹងបួធ្វើជាកម្មសិទ្ធដែរតែគ្មានអ្នគណាយកត្រចៀកស្តាប់ឡើយ។សម្រាប់អាណត្តិនេះលករណីយ៍មួយនេះវាជាគំរូថ្មីដែលតម្រូវឲ្យអាជ្ញាធររាជាធានីខេត្តបើកយុទ្ធនាការរំដោះយកបឹងបួច្រាំងទន្លេរមកវិញ។តើធើឬអត់?ប្រជាពលរដ្ឋចាំមើល៕
.jpg&h=97&w=146)
.jpg&h=97&w=146)
