វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4517 នាក់
ម្សិលមិញ 5544 នាក់
សរុប 13945614 នាក់
ខេត្តព្រះសីហនុ៖អាវុធហត្ថខេត្តព្រះសីហនុ ឃាត់ខ្លួនឧកញ៉ាម្នាក់ និងបក្ខពួក២នាក់ ពាក់ព័ន្ធករណីឆបោករំលោភលើទំនុកចិត្ត និងកំហែងយកកាលពីថ្ងៃទី១ ខែមេសា ឆ្នាំ២០២១ ។ជនសង្ស័យដែលត្រូវឃាត់ខ្លួនមានបីនាក់ក្នុងនោះមានលោកឧកញ៉ាថ្មី ហ៊ឹន ត្រឹង ហៅ ហេង សុវណ្ណា អាយុ៤៩ឆ្នាំមុខរបរអាជីវករ ស្នាក់នៅបច្ចុប្បន្នភូមិស្មាច់ដែងពាក់ព័ន្ធករណីឆបោក រំលោភលើទំនុកចិត្ត និងកំហែងយក កាលថ្ងៃទី១៨ ខែមីនា ឆ្នាំ២០២០ ដល់ថ្ងៃទី២៥ ខែមករា ឆ្នាំ២០២១ ដែលបានប្រព្រឹត្តនៅក្រុង-ខេត្ដព្រះសីហនុ។
កាលពីរសៀលថ្ងៃទី៣ ខែមេសា ឆ្នាំ២០២១ សមត្ថកិច្ចកងរាជអាវុធហត្ថ ប្រាប់ឱ្យដឹងថា ការឃាត់ខ្លួនខាងលើធ្វើឡើងតាមដី កាបញ្ជាឱ្យចូលខ្លួនលេខ០៧ អ.យុង/២១ របស់អយ្យការអមសាលាដំបូងខេត្តព្រះសីហនុចុះថ្ងៃទី៣១ ខែមីនា ឆ្នាំ២០២១ ចេញដោយលោក ពេញ ពិសិដ្ឋ ព្រះរាជអាជ្ញារងអមសាលាដំបូងខេត្តព្រះសីហនុ។ជនសង្ស័យឈ្មោះ ហ៊ឹន ត្រឹង ហៅ ហេង សុវណ្ណា (ឧកញ៉ាថ្មី) គឺជាអ្នកធ្លាប់បំរើការជូនលោកឧកញ៉ាម្នាក់ឈ្មោះលឹមហ៊ុយឡេងនៅខេត្ដព្រះសីហនុ (ដើមបណ្តឹង) បានយកលុយពីលោកឧកញ៉ាដើមបណ្ដឹង រាប់លានដុល្លារ ដោយសន្យាថានឹងដោះស្រាយរឿងរ៉ាវដីធ្លីជូន តែ ផ្ទុយទៅវិញបុគ្គលរូបនេះមិនបានធ្វើតាមការសន្យា។
ជនសង្ស័យ ហ៊ឹន ត្រឹង ហៅ ហេង វណ្ណា ដូររថយន្តទំនើបគ្រប់សេរី និងយកឈ្មោះថ្នាក់ដឹកនាំធំៗ ថានឹងជួយដោះស្រាយបញ្ហាដីធ្លីជូន ទើបដើមបណ្ដឹងមានការទុកចិត្ត តែមិននឹកស្មានបុគ្គលឈ្មោះត្រឹងនេះ បោកប្រាស់លុយគាត់រាប់លានដុល្លារអាមេរិកទៅវិញ។លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានដាក់លិខិតជូនឯកឧត្តមអភិបាល នៃគណៈអភិបាលខេត្តព្រះសីហនុ និងជាប្រធានគណៈកម្មការការទប់ស្កាត់ការឆ្លងរាលដាល នៃជំងឺកូដ-១៩ ដោយសំណើសុំពិនិត្យយកសំណាក និងធ្វើចត្តាឡីស័កលើជនសង្ស័យខាងលើ ដើម្បីបន្តនីតិវិធីបញ្ជូនទៅសាលាដំបូងខេត្តព្រះសីហនុចាត់ការតាមនីតិវិធីច្បាប់។