វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4571 នាក់
ម្សិលមិញ 5304 នាក់
សរុប 14144097 នាក់
ខេត្តបន្ទាយមានជ័យ: អ្នកកាសែតចំនួន៣នាក់ ត្រូវបានឈ្មោះ សុខ អាង ថៅកែបើកល្បែងស៊ីសងខុសច្បាប់ ( ទូហ្គេមបាញ់ត្រី) និងគូកនបានវាយធ្វើបាបបណ្តាលអោយ មានគ្រោះថ្នាក់យ៉ាង ធ្ងន់ធ្ងរ និងបានបំផ្លិចបំផ្លាញទ្រព្យផ្ទាល់ ខ្លួនអស់ជាច្រើន ខណ: ពួកគាត់ចុះទៅថតផ្តិតយករូបភាពនៅកន្លែង បទល្មើស ។ ហេតុការណ៍នេះ បានកើតឡើងស្ថិតនៅចំណុច ភូមិ ប្រជាធម្មខាងលិច សង្កាត់ ផ្សារកណ្តាល ក្រុងប៉ោយប៉ែតនៃខេត្តបន្ទាយមានជ័យ កាលពីវេលាម៉ោង ៨:៣០នាទី យប់ថ្ងៃទី០២ ខែមិនាឆ្នាំ២០២៤ ។
ជនដៃដល់ជាម្ចាស់ទីតាំងបនល្បែង ឈ្មោះ ក្រូច ឃឿន ភេទស្រី អាយុ ៥៦ ឆ្នាំ រស់នៅ ភូមិ ប្រជាធម្មលិច សង្កាត់ ផ្សារកណ្តាល ក្រុងប៉ោយប៉ែត នឹងឈ្មោះ សុខ អាង ជាម្ចាស់ទូបាញ់ត្រី ដែលជាជនដៃដល់ បាននាំបក្ខពួកមកវាយ លើក្រុមអ្នកសារព័ត៌មាន អោយរងរបួសធ្ងន់ មានចំនួន៣នាក់ ។ អ្នកសារព័ត៍មានរងគ្រោះរួមមាន : ១- ឈ្មោះ សំ អ៊ាង ភេទប្រុស អាយុ ៣៨ ឆ្នាំជនជាតិខ្មែរ មានទីលំនៅបច្ចុប្បន្នរស់នៅភូមិចោម ចៅ១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។ មានតួនាទី ជាចាងហ្វាងការផ្សាយ " គេហទំព័រ សំ អ៊ាង ហត់ញូស៍ " ២- លោក ស៊ុន ម៉ាញ់ អ្នកយកពត៌មានគេហទំព័រ សំ អ៊ាង ហត់ញូស៍ ៣- លោក លួន ភារិន ជាអ្នកយកព័ត៌មានឲ គេហទំព័រ សំ អ៊ាង ហត់ញូស៍ ។
លោក សំ អ៊ាង បានផ្តល់បទសម្ភាសន៍មកលោក ទេស វិបុល ប្រធានសមាគមសេរី ភាពអ្នកសារព័ត៌មានកម្ពុជា នៅល្ងាចថ្ងៃទី០៤ខែមិនាឆ្នាំ២០២៤ តាមបណ្តាញផ្សព្វផ្សាយ "តេឡេក្រាម" ថា: លោក បានរងរបួសចំក្បាល និងបានវាយមក លើរូប រាងកាយយ៉ាងធ្ងន់ធ្ងរ ហើយ លោក ស៊ុន ម៉ាញ់ បានរងរបួសធ្លាក់ឆ្អឹងស្មា និង លោក លួន ភារិន បានរងរបួសបែកមាត់ធ្លាយពីក្រៅដល់ខាងក្នុងនៃមាត់ទៀតផង ។
ក្នុងហេតុការណ៍ដ៍សាហាវឃោឃៅពីសំណាក់ពួកជនដៃដល់បាននាំគ្នាបំផ្លិចបំផ្លាញទ្រព្យសម្បត្តិរបស់អ្នកកាសែតទាំង៣នាក់រួមមាន:- ទូរសព្ទដៃ oppo ចំនួន២គ្រឿង-ដងឡាយចំនួន២ គ្រឿង
- អាយឌីចំនួន២គ្រឿង ហើយបានវាយកំទេចរថយន្តចំនួន២គ្រឿង បានបណ្តាលអោយខូចខាតយ៉ាងធ្ងន់ធ្ងរ 01 រថយន្ត ប្រូសសេរីឆ្នាំ 2004 បែកកញ្ចក់ផ្នែកខាងមុខនិងកំពិតផ្នែកខាងចំហៀង ។ 02- រថយន្ត ប្រូស សេរីឆ្នាំ 2005 បែកនៅផ្នែកខាងក្រោយយ៉ាងធ្ងន់ធ្ងរ ។
បន្ទាប់ពីរឈ្មោះ សុខ អាង នឹងប៉ាកពួក វាយអ្នកសារព័ត៌មាន យ៉ាងឃោរឃៅ ក្រុមអ្នក សារព័ត៌មានដែលរងគ្រោះ បានទៅដាក់បណ្តឹងនៅ ប៉ុស្តិ៍សង្កាត់ផ្សារកណ្តាល លោកមេប៉ុស្តិ៍ បានឆ្លើយថា ទាល់តែមានបទបញ្ជាពីថ្នាក់លើ ទើបលោកទទួល។បន្ទាប់មកទៀត ក្រុមអ្នក សារព័ត៌មានក៏បានខលទៅលោក អធិការរងក្រុងប៉ោយប៉ែត លោកពិសិត លោកថាកំពុងជាប់រវល់ កម្មវិធីគេ ។គិតមកដល់ពេលនេះ មានរយ:ពេល ជិត១ អាទិត្យហើយ ចំពោះករណី១នេះ ទាំងលោក អ៊ុំ រាត្រី ចៅហ្វាយខេត្តបន្ទាយ មានជ័យ លោក សិទ្ធិ ឡោះ មេធំនគរបាលខេត្តបន្ទាយមានជ័យ លោក នៅ សា រឿន មេនគរបាលក្រុងប៉ោយប៉ែត ស្ងាត់មាត់ជ្រាប សម្ងំឈឹងមិនមានចំណាត់ការ បង្ក្រាប ឬ ចាប់ជនដៃដល់ ឈ្មោះ សុខ អាង និងគូកន ដែលប្រើហុង្សាលើអ្នកកាសែត៣នាក់នោះ យក ទៅផ្តន្ទាទោសតាមច្បាប់នៅឡើយទេ ។
មហាជន និងប្រជាពលរដ្ឋនៅខេត្តបន្ទាយ មានជ័យ អត់ជំនឿលើមេៗដឹកនាំខេត្ត-ស្រុក នៅប៉ោយប៉ែតនេះទេ រឿង បង្ក្រាបបនល្បែងសុ៏សងខុសច្បាប់ ព្រោះ អស់លោកធំៗទាំងនោះ មិនយកត្រចៀក ស្តាប់ បទបញ្ជា សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ កម្ពុជា ស្តីពី ការបង្ក្រាបបនល្បែងស៊ីសងគ្រប់ប្រភេទនៅទូទាំងប្រទេស ។ ជុំវិញ ករណីនេះ ការិយាល័យនិពន្ធគេហទំព័រ មាតុភូមិ www.meatophoum.com បានទំនាក់ទំនងតាមទូរស៍ព្ទ និង តេឡេក្រាម ទៅលោក សិទ្ធ ឡោះ មេធំ នគរបាលខេត្តបន្ទាយមានជ័យ និងលោក សៅ សារឿន មេនគរបាលក្រុងប៉ោយប៉ែត សុំការបំភ្លឺ តែពុំមានចម្លើយឆ្លើយតបទេ ៕ ដោយ: សុផលTel:012953824/016953222